గోమాతకు సాంప్రదాయ పద్దతిలో అంత్యక్రియలు చేసిన గ్రామస్తులు.. ఎక్కడో తెలుసా?

రైతు ప్రేమకు ఎల్లలుండవు.. అది అయినవారి మీదైనా, పశువుల మీదైనా. ఎంతగా ప్రేమిస్తారో, దూరమైతే అంతగా విలవిల్లాడిపోతారు. ఊరుకి కాపలాగా ఉన్న దేవతలాంటి గోమాత మృతి చెందింతే ఇక తట్టుకోగలరా. ఆ వేదనను ఆపుకోవడం కాస్త కష్టమే. అలాంటి ఘటనే నిర్మల్ జిల్లాలో చోటు చేసుకుంది. తమను ఇన్నాళ్లు కంటికి రెప్పలా కాపాడిన ఆవు కళ్లముందే మృతి చెందడంతో ఆ ఊరు ఊరంతా శోక సంద్రంలో మునిగి పోయింది. కుటుంబ సభ్యున్ని కోల్పోయాం అన్న తీరున సాంప్రదాయ ప్రకారం ఆ గోమాతలు అంత్యక్రియలు నిర్వహించి. ఆ గోవు పై ఉన్న మమకారాన్ని చాటుకుంది ఆ గ్రామం.

నిర్మల్ జిల్లా లోకేశ్వరం మండలం హథ్‌గాం గ్రామంలోని శ్రీ హనుమాన్ మందిరానికి చెందిన ఆవు (గోమాత) అనారోగ్యంతో మృతి చెందింది. దీంతో ఆ ఊరు ఊరంతా దుఃఖ సాగరంలో మునిగిపోయింది. మహిళలు, వృద్ధులు, యువత అంతా కలిసి హిందూ సంప్రదాయ పద్దతిలో ఆ గోమాతకు అంత్యక్రియలు చేశారు. డప్పు వాయుద్యాలతో ఊరేగించి గ్రామ శివారులో హారతి ఇచ్చి అంత్యక్రియలు నిర్వహించింది ఆ గ్రామం. హిందూ సంస్కృతిలో గోవు ఎంత పవిత్రమైందో చాటింది హథ్ గాం గ్రామం. గోవును పూజిస్తే సకల సంపదలు, ఆయురారోగ్యాలు సిద్ధిస్తాయన్నది తమ నమ్మకమని చెప్పుకొచ్చింది ఆ గ్రామ రైతాంగం.

వీడియో చూడండి..

మరిన్ని తెలంగాణ వార్తల కోసం ఇక్కడ క్లిక్ చేయండి..