తెలుగు ఎలక్ట్రానిక్, డిజిటల్ మీడియా రంగాల్లో 12 ఏళ్లకు పైగా అనుభవం ఉంది. 2012 లో ఎన్టీవీ ఛానల్ తో రిపోర్టర్ గా జర్నలిజంలో అడుగుపెట్టాను. 2014 లో నెం.1 న్యూస్ క్రైం బ్యూరోగా, 2016 లో రాజ్‌న్యూస్ ఆదిలాబాద్ బ్యూర్ గా 2018 లో వరంగల్ రాజ్‌న్యూస్ కరస్పాండెంట్ గా విధులు నిర్వహించాను. 2019 డిసెంబర్ నుండి టీవీ9 తెలుగులో ఉమ్మడి ఆదిలాబాద్ జిల్లా ప్రతినిధి గా బాధ్యతలు నిర్వహిస్తున్నాను.
9 రోజులు నిలుచునే పూజలు.. అలానే నిద్రాహారాలు.. 350 ఏళ్లుగా కొనసాగుతున్న అరుదైన ఆచారం..
మహారాష్ట్రలోని సతారా జిల్లా పాండే గ్రామంలో సుమారు 350 ఏళ్లుగా అరుదైన నవరాత్రి సంప్రదాయం కొనసాగుతోంది. ఇక్కడ కాల భైరవనాథుడిపై భక్తితో వందలాది మంది తొమ్మిది రోజుల పాటు కూర్చోకుండా, నేలపై పడుకోకుండా నిలబడే దీక్ష చేపడతారు. ‘ఉభ్యాచీ నవరాత్రి’గా పిలిచే ఈ ఆచారంలో ప్రత్యేక ఆహార నియమాలు పాటిస్తూ ఆలయంలోనే ఎక్కువ సమయం గడుపుతారు. మరో విశేషమేమిటంటే, హిందువులతో పాటు ముస్లింలు కూడా ఈ సంప్రదాయంలో పాల్గొంటూ మతసామరస్యానికి ఉదాహరణగా నిలుస్తున్నారు.
- Naresh Gollana
- Updated on: Oct 18, 2026
- 11:40 am
Telangana: పట్టాలపై ఆస్పత్రి.. బోగీలే ఆపరేషన్ థియేటర్లు.. వైద్యం ఉచితం !
పేదలు, గిరిజనులకు ఉచిత వైద్య సేవలు అందించేందుకు ప్రపంచంలోనే తొలి ఆస్పత్రి రైలుగా గుర్తింపు పొందిన లైఫ్‌లైన్ ఎక్స్‌ప్రెస్ కొమురంభీం ఆసిఫాబాద్ జిల్లా కాగజ్‌నగర్‌కు చేరుకుంది. అక్టోబర్ 16 నుంచి నవంబర్ 5 వరకు కంటి, దంత, చెవి, ఎముకల సమస్యలతో పాటు పలు అనారోగ్యాలకు వైద్య పరీక్షలు, అవసరమైన శస్త్రచికిత్సలు ఉచితంగా అందించనున్నారు.
- Naresh Gollana
- Updated on: Oct 15, 2026
- 7:19 pm
యూపీ నుంచి తెలంగాణకు భారీగా పేలుడు పదార్థాల అక్రమ రవాణా.. వీటిని ఏం చేసేందుకు తెచ్చారంటే?
ఆదిలాబాద్ పోలీసులు భారీ పేలుడు పదార్థాలను స్వాధీనం చేసుకున్నారు. 20 వేల ఎలక్ట్రానిక్ డిటోనేటర్లు, 90 బూస్టర్లను అక్రమంగా తరలిస్తుండగా పట్టుకున్నారు. యూపీ నుంచి తెలంగాణకు తరలిస్తున్న ఈ పేలుడు పదార్థాలను ఆదిలాబాద్ జిల్లా జైనథ్ మండలంలో సీజ్ చేశారు. ఈ కేసులో ఏడుగురిని అరెస్టు చేసి, మైన్స్, క్వారీలకు విక్రయించే ప్రయత్నాలపై దర్యాప్తు చేస్తున్నారు.
- Naresh Gollana
- Updated on: Oct 15, 2026
- 4:47 pm
అమ్మలగన్న అమ్మకు విశేష అర్చనలు.. ఉమ్మడి ఆదిలాబాద్ జిల్లాలో ఆకట్టుకుంటున్న దేవిమండపాలు!
ఉమ్మడి ఆదిలాబాద్ జిల్లాలో దేవీ శరన్నవరాత్రి ఉత్సవాలు భక్తిశ్రద్ధలతో వైభవంగా జరుగుతున్నాయి. దుర్గామాతను వివిధ రూపాల్లో ఆరాధిస్తూ, ప్రత్యేక పూజలు నిర్వహిస్తున్నారు భక్తులు. బాసర జ్ఞానసరస్వతి ఆలయంతో పాటు జిల్లా వ్యాప్తంగా మండపాల్లో అమ్మవార్లు కొలువుదీరారు. కాళికాదేవి, సప్తశృంగేరి, మహాకాళి రూపాల్లో భక్తులకు దర్శనమిస్తూ ఆధ్యాత్మిక శోభను సంతరించుకున్నాయి.
- Naresh Gollana
- Updated on: Oct 13, 2026
- 8:24 am
రెట్టింపు వడ్డీ ఇస్తామంటే ఆశపడ్డారు.. కట్‌చేస్తే ఏకంగా రూ. 10కోట్లతో జంప్.. అసలు మ్యాటరేంటంటే?
రెండేళ్లలో పెట్టుబడి రెట్టింపు అవుతుంది.. కొత్త సభ్యులను చేరిస్తే భారీగా కమీషన్లు వస్తాయి.. క్రిప్టో కరెన్సీలో పెట్టుబడులతో లక్షలు సంపాదించవచ్చంటూ ఆశ చూపారు. నిజమేనని నమ్మిన అమాయకులను నిండా ముంచేశారు. ఒకటి కాదు రెండు కాదు పది కోట్లకు పైగా అమాయకుల కష్టార్జితాన్ని కొల్లగొట్టిన అంతర్రాష్ట్ర ముఠా గుట్టును ఆదిలాబాద్ వన్‌టౌన్‌ పోలీసులు రట్టు చేశారు. ఐటీసీ గ్లోబల్‌ పేరుతో నకిలీ వెబ్‌సైట్‌ను సృష్టించి, పోంజీ స్కీమ్‌, మల్టీలెవల్‌ మార్కెటింగ్‌ ముసుగులో వందలాది మందిని వంచించినట్లు పోలీసులు తేల్చారు.
- Naresh Gollana
- Updated on: Oct 11, 2026
- 3:07 pm
చిల్లర నాణాలు పోగుచేసి.. రూ.1.23 లక్షల బైక్ కొనేశాడు.. షోరూం సిబ్బంది షాక్!
చిన్న మొత్తాల పొదుపుతోనూ పెద్ద లక్ష్యాలను చేరుకోవచ్చని నిరూపించాడో వ్యక్తి. రోజువారీ అవసరాల కోసం కూరగాయలు, నిత్యావసర సరుకులు కొనుగోలు చేసినప్పుడు మిగిలిన చిల్లరను వృథా చేయకుండా మూడేళ్లపాటు దాచుకున్నాడు. అలా పోగైన రూ.1.23 లక్షలతో ఏకంగా కొత్త బైక్‌ను కొనుగోలు చేసి అందరి దృష్టిని ఆకర్షించాడు. మంచిర్యాల జిల్లా లక్షెట్టిపేటలో ఈ ఆసక్తికర ఘటన చోటుచేసుకుంది.
- Naresh Gollana
- Updated on: Oct 10, 2026
- 6:36 pm
బ్యాంక్ అధికారులమంటూ బురిడీ.. క్రెడిట్ కార్డు యాక్టివేషన్ పేరుతో నిండా ముంచేశారు!
బ్యాంక్ ప్రతినిధులమంటూ ఫోన్లు చేసి, అమాయక ప్రజల క్రెడిట్ కార్డులు, పిన్ నంబర్లు, ఓటీపీలు తెలుసుకుని లక్షల రూపాయలు దోచుకుంటున్న ఒక ప్రధాన సైబర్ నేరగాడిని ఆదిలాబాద్ పోలీసులు చాకచక్యంగా అరెస్ట్ చేశారు. ఎస్పీ అఖిల్ మహాజన్ తెలిపిన వివరాల ప్రకారం, ఈ అంతర్రాష్ట్ర సైబర్ మోసాల వెనుక ఉన్న అసలు సూత్రధారి మహారాష్ట్రకు చెందిన చైతన్య ప్రమోద్ కుటె. పోలీసులు చెప్పిన పూర్తి వివరాల్లోకి వెళితే..
- Naresh Gollana
- Updated on: Oct 5, 2026
- 4:06 pm
Telangana: మా ఊరికి మందు వద్దు.. బెల్ట్ షాపులు వ్యతిరేకంగా రోడ్డెక్కిన యువత!
సాధారణంగా మద్యం సేవించే వారిలో మధ్య వయస్కులు, యువతే ఎక్కువగా కనిపిస్తుంటారు. పార్టీలు, వేడుకలు అంటే మందు ఉండాల్సిందే అనే రోజులివి. కానీ మంచిర్యాల జిల్లాలోని ఓ గ్రామంలోని యువత మాత్రం ఇందుకు భిన్నంగా ఆలోచించి అందరికీ ఆదర్శంగా నిలుస్తున్నారు. తమ గ్రామంలో మద్యానికి తావులేదని, బెల్ట్ షాపులు అసలే వద్దంటూ ఫ్లకార్డులు పట్టుకుని రోడ్డెక్కి నిరసన గళం విప్పారు.
- Naresh Gollana
- Updated on: Oct 5, 2026
- 1:57 pm
పిల్లనివ్వలేదనీ మేనమామల ఇళ్లకు కన్నం వేసిన మేనల్లుడు.. ఆ తర్వాత సీన్‌ ఇదే!
ప్రేమించిన మరదలను తనకు కాకుండా చేశారని మేనమామలపై కక్ష పెంచుకున్నాడు ఓ మేనల్లుడు. చివరకు సొంత మేనమామల ఇళ్లనే టార్గెట్ చేసి చోరీలకు పాల్పడ్డాడు. బంధుత్వాన్ని మరిచి.. నమ్మకాన్ని వమ్ము చేసి.. మేనమామల ఇళ్లలను పక్కా స్కెచ్ తో దోచేశాడు. అంతా సెట్ అనుకునేలోపే పోలీసుల తనిఖీల్లో పట్టుపడి కటకటాలపాలయ్యాడు. ఈ ఘటన మంచిర్యాల జిల్లాలో చోటు చేసుకుంది. జైపూర్ ఏసీపి వెంకటేశ్వర్ల వివరాల ప్రకారం..
- Naresh Gollana
- Updated on: Oct 3, 2026
- 12:28 pm
సర్కారీ దవాఖానాకు మాయరోగం.. వైద్యం కోసం వీల్ చైర్ పై మూడు కిలో మీటర్ల ప్రయాణం
తెలంగాణలోని ప్రభుత్వ ఆస్పత్రుల్లో రోగుల పట్ల తీవ్ర నిర్లక్ష్యం, కనీస సదుపాయాల కొరత తాండవిస్తోంది. వీల్ చైర్ లేక రోగులు అవస్థలు పడటం, మందుల కొరతతో ఆందోళనలు, వైద్య సిబ్బంది నిర్లక్ష్యం వంటి ఘటనలు ప్రభుత్వ వైద్య వ్యవస్థకు పట్టిన "మాయరోగం"ను స్పష్టం చేస్తున్నాయి. పేదలకు మెరుగైన వైద్యం అందాలంటే వ్యవస్థాగత మార్పులు అనివార్యం.
- Naresh Gollana
- Updated on: Sep 30, 2026
- 11:45 am
మరీ ఇంత దారుణమా?.. సొంత తమ్ముడినే అతి కిరాతకంగా హత్య చేయించిన అన్న.. ఎందుకంటే?
ఆస్తి కోసం అన్న అన్నంత పని చేశాడు. బంధాలను బలి చేస్తూ సొంత తమ్ముడిని అత్యంత కిరాతకంగా హతమార్చాడు. మృతదేహాన్ని కూడా దొరకకుండా తగలబెట్టాడు. కానీ పోలీసులు తమదైన శైలిలో విచారణ జరపడంతో అసలు గుట్టు రట్టైంది. మిస్సింగ్ మిస్టరీ కాస్త క్రైం కథా చిత్రంగా మారి ఒళ్లు జలదరించే నిజాల నిగ్గు తేలింది. సొంత తమ్ముడినే నమ్మించి.. కిరాయి హంతకులతో హత్య చేయించి.. ఆనవాళ్లు లేకుండా మృతదేహాన్ని అటవీ ప్రాంతంలో తగలబెట్టిన ఘటన మంచిర్యాల జిల్లాలో సంచలనం రేపింది.
- Naresh Gollana
- Updated on: Sep 28, 2026
- 9:21 pm
Telangana: ప్రాణం తీసిన వేగం.. లారీ ఢీకొట్టి స్పాట్‌లోనే ఐదుగురు మహిళలు మృతి!
మంచిర్యాల జిల్లాలో ఘోర రోడ్డు ప్రమాదం జరిగింది. నస్పూర్ గేటు వద్ద జరిగిన ప్రమాదంలో ఐదుగురు మహిళలు మృతి చెందారు. మంచిర్యాల జిల్లా కేంద్రంలోని వివిధ షాపింగ్ మాల్‌లో విధులకు హాజరయ్యేందుకు వెళ్తున్న మహిళలు ప్రయాణిస్తున్న ఆటోను లారీ ఢీకొట్టడంతో ఈ విషాదం చోటుచేసుకుంది. ఈ ఘటనలో ఇద్దరు మహిళలు అక్కడికక్కడే మృతి చెందగా.. మరో ముగ్గురు ఆస్పత్రిలో చికిత్స పొందుతూ ప్రాణాలు కోల్పోయారు. మరో ఇద్దరి పరిస్థితి విషమంగా ఉన్నట్లు వైద్యులు తెలిపారు.
- Naresh Gollana
- Updated on: Sep 28, 2026
- 7:11 pm
