TSPSC Leak: కరీంనగర్‌లో తీగలాగితే విదేశాల్లో డొంక కదిలింది.. టీఎస్పీఎస్సీ పేపర్ లీకేజీలో తవ్వేకొద్దీ నిజాలు.
టీఎస్పీఎస్సీ పేపర్ లీకేజీ కేసు రోజుకో మలుపు తిరుగుతోంది. టౌన్‌ ప్లానింగ్ ఎగ్జామ్‌ పేపర్ మొదలు గ్రూప్ 1 వరకు పలు పరీక్షా పత్రాలు లీక్‌ అయినట్లు అధికారులు గుర్తించారు. దీంతో పలు పరీక్షలను రద్దు చేస్తూ టీఎస్పీఎస్సీ నిర్ణయం తీసుకున్న..
Updated on: Mar 20, 2023 | 2:23 PM
టీఎస్పీఎస్సీ పేపర్ లీకేజీ కేసు రోజుకో మలుపు తిరుగుతోంది. టౌన్‌ ప్లానింగ్ ఎగ్జామ్‌ పేపర్ మొదలు గ్రూప్ 1 వరకు పలు పరీక్షా పత్రాలు లీక్‌ అయినట్లు అధికారులు గుర్తించారు. దీంతో పలు పరీక్షలను రద్దు చేస్తూ టీఎస్పీఎస్సీ నిర్ణయం తీసుకున్న విషయం తెలిసిందే. ఈ కేసును ప్రతిష్టాత్మకంగా తీసుకున్న పోలీసులు కేసును విచారిస్తున్నారు. మొత్తం 9 మంది నిందితులను పోలీసులు విచారిస్తున్నారు. ఇక సిట్ విచారణ మూడో రోజు కొనసాగనుంది.
అధికారుల విచారణలో విస్తుపోయే నిజాలు వెలువడుతున్నాయి. గ్రూప్ 1 పేపర్‌ను రాజశేఖర్ చాలా మందికి ఆమ్ముకున్నట్లు సిట్ అనుమానం వ్యక్తం చేసింది. గ్రూప్ 1 రాసిన వారిలో విదేశాల నుంచి ఇద్దరు ఉన్నట్లు అధికారులు గుర్తించారు. వీళ్లను కూడా విచారించేందుకు సిట్ సిద్ధమవుతోంది. అక్టోబర్ నుంచే పేపర్ లీక్స్ అయినట్లు అధికారులు అనుమానం వ్యక్తం చేస్తున్నారు. కరీంనగర్‌కు చెందిన ఆరుగురికి రాజశేఖర్ గ్రూప్ 1 పేపర్ ఇచ్చినట్లు సమాచారం. నలుగురు ఎన్‌ఆర్‌ఐలతో పాటు, మరో ఇద్దరు స్థానికులు గ్రూప్1 పరీక్షలు రాసిసనట్లు అధికారులు గుర్తించారు.
పరీక్షలు రాయడానికి నలుగురు ఎన్‌ఆర్‌ఐలు విదేశాల నుంచి వచ్చారు. పేపర్ అమ్మడం ద్వారా వచ్చిన డబ్బులను రాజశేఖర్ స్నేహితులు, బంధువుల అకౌంట్‌లో జమచేశారు. దీనిపై పూర్తి స్థాయిలో విచారణ చేస్తున్న పోలీసులు. ఇదిలా ఉంటే టీఎస్పీఎస్సీ అక్టోబర్ తర్వాత 7 పరీక్షలు నిర్వహించింది. దీంతో ఈ 7 పరీక్షల్లో టాప్ మార్క్స్ సాధించిన 500 మంది జాబితాను సిద్ధం చేసింది. వీరిని సైతం విచారించనున్నట్లు తెలుస్తోంది.
మరిన్ని తెలంగాణ వార్తల కోసం క్లిక్ చేయండి..
