Telangana: కాంగ్రెస్, బీఆర్ఎస్ బలపర్చిన క్యాండిడేట్లను కాదని.. 3 అడుగుల మహిళకు పట్టం కట్టిన ఊరి జనం

సర్పంచ్ ఎన్నికల ఫలితాలు ఎవరిని హీరో చేస్తాయో.! ఎవరిని జీరోని వస్తాయో చెప్పలేం.. ఊరి జనం జై కొడితే ఎలాంటి వారికైనా అవకాశాలు వెతుక్కుంటూ వస్తాయి అనడానికి ఇదొక నిదర్శనం. ఆ ఊర్లో ప్రధాన రాజకీయ పార్టీలకు ఊహించని షాక్ ఇచ్చిన ఓటర్లు.. మూడు అడుగుల ఎత్తున్న మహిళను సర్పంచ్ పీఠంపై కూర్చోబెట్టారు.. స్వతంత్ర అభ్యర్థినిగా బరిలోకి దిగిన ఆ  మహిళ ఇప్పుడు ఆ ఊరు సర్పంచ్‌గా పగ్గాలు చేపట్టబోతోంది.

ఊర్లో నాకు ఎదురేలేదు.. నేను ఆరడుగుల బుల్లెట్ లాంటివాన్ని అనే విర్రవీగే నాయకులకు సైలెంట్ ఓటే గుణపాఠం. ప్రజలు నిర్భయంగా ఓపు రూపంలో ఇచ్చే తీర్పు చెంపపెట్టు లాంటిది.. జనగామ జిల్లాలోని ఓ తక్కువ ఎత్తు మహిళ సర్పంచ్‌గా ఎన్నికవ్వడం ఇప్పుడు ఉమ్మడి వరంగల్ జిల్లా అంతటా చర్చనీయాంశంగా మారింది. జనగామ జిల్లా చిల్పూర్ మండలం చిన్నపెండ్యాల గ్రామ సర్పంచ్‌గా తిరుపతమ్మ అనే మరుగుజ్జు మహిళ ఘన విజయం సాధించింది.. ఈ గ్రామంలో మొత్తం 3179 మంది ఓటర్లు ఉండగా సర్పంచ్ పీఠం SCకి రిజర్వ్ అయ్యింది.. ఈ క్రమంలో స్వతంత్ర అభ్యర్థిగా బరిలోకి దిగిన తిరుపతమ్మకు 1621 ఓట్లు లభించాయి.. కాంగ్రెస్ పార్టీ తరఫున పోటీచేసిన ఇల్లందుల కటాక్షకు 800 ఓట్లు లభించాయి..టిఆర్ఎస్ పార్టీ బలపరిచిన అభ్యర్థి ప్రతిభకు 170 ఓట్లు లభించాయి.. తిరుపతమ్మ 812 ఓట్ల ఆధిక్యంతో మరుగుజ్జు మహిళ తిరుపతమ్మ సర్పంచ్‌గా ఎన్నికయింది.

ఈ గ్రామంలో ప్రధాన రాజకీయ పార్టీలు హోరాహోరీగా ప్రచారం చేశాయి.. వారి తరఫున ముఖ్య నాయకులు విస్తృతంగా ప్రచారం నిర్వహించారు.. కానీ సింపుల్‌గా ప్రచారం నిర్వహించి.. ఎలాంటి ప్రలోభాలు పెట్టుకుండా.. తన ఊరు జనం మెప్పు పొందిన తిరుపతమ్మ..  సర్పంచ్‌గా ఎన్నికయింది. ఆమెకు ఊరి జనం రుణం తీర్చుకునే అవకాశం లభించింది.. వరంగల్ జిల్లాలో తిరుపతమ్మ విజయం.. ఇప్పుడు స్టేట్ వైజ్ హాట్ టాపిక్ అయింది.

మరిన్ని తెలంగాణ వార్తల కోసం ఇక్కడ క్లిక్ చేయండి.