TS RTC: బాబ్బాబు.. మీ ధరలు పెంచరా ప్లీజ్.. ఆంధ్రా బస్సులకు తెలంగాణా ఆర్టీసీ రిక్వస్ట్! ఎందుకంటే..

కొత్త పథకాలకు శ్రీకారం చుడుతోంది. ఆర్టీసీ సంస్థపై భారం తగ్గే విధంగా ఇటీవల కొంతమేర బస్సు చార్జీలను పెంచింది. అయితే ఈ నిర్ణయం వలన ఆంధ్రప్రదేశ్ ఆర్టీసీకి లాభం చేకూర్చినట్లు తాజా లెక్కల ద్వారా తెలుస్తోంది.

TS RTC: బాబ్బాబు.. మీ ధరలు పెంచరా ప్లీజ్.. ఆంధ్రా బస్సులకు  తెలంగాణా ఆర్టీసీ రిక్వస్ట్! ఎందుకంటే..
Ts Rtc Vs, Ap Rtc
Surya Kala

|

Jun 14, 2022 | 9:42 AM

TS RTC: ప్రయాణం చేయడానికి సామాన్యులు, పేద, మధ్యతరగతివారు ఎంచుకునే వాహనం ఆర్టీసీ బస్సు (RTC bus).  పల్లెకు, పట్టణానానికి ప్రజలను సురక్షితంగా చేరవేసే ఆర్టీసీలో ప్రయాణం సురక్షితం.. అయితే గత కొంతకాలంగా నష్టాల్లో నడుస్తోన్న ఆర్టీసీని మూలిగే నక్కమీద తాటికాయ పడినట్లు.. కరోనా రక్కసి.. మరింత ఇబ్బందుల్లోకి తోసేసింది. ఇక రోజు రోజుకీ పెరుగుతున్న పెట్రోల్, డీజిల్(Petrol, diesel) ధరలు కూడా ఆర్టీసీ నష్టాలకు ఓ కారణంగా చెప్పుకోవచ్చు. అయితే నష్టాల్లో ఉన్న ఆర్టీసీని రక్షించుకునేందుకు తెలంగాణ ఆర్టీసీ తీవ్ర ప్రయత్నాలు చేస్తోంది. ప్రజలను ఆకర్షించి.. ఆర్టీసీ బస్సు సదుపాయాన్ని ప్రతి ఒక్కరికీ అందుబాటులోకి తీసుకుని వెళ్లే విధంగా అనేక ప్రయత్నాలు చేస్తోంది. కొత్త పథకాలకు శ్రీకారం చుడుతోంది. ఆర్టీసీ సంస్థపై భారం తగ్గే విధంగా ఇటీవల కొంతమేర బస్సు చార్జీలను పెంచింది. అయితే ఈ నిర్ణయం వలన ఆంధ్రప్రదేశ్ ఆర్టీసీకి లాభం చేకూర్చినట్లు తాజా లెక్కల ద్వారా తెలుస్తోంది.

తెలంగాణ ఆర్టీసీ సర్వీసు చార్జీలు పెరడంతో.. ప్రయాణికులు ఏపీ ఆర్టీసీ బస్సులపై దృష్టి సారిస్తున్నారు. ముఖ్యంగా హైదరాబాద్ నుంచి ఏపీకి వెళ్లే వివిధ ప్రాంతాల బస్సుల్లో ఏపీ బస్సులనే ప్రయాణికులు ఎంచుకుంటున్నారు. ఈ క్రమంలో ఏపీ ఆర్టీసీ ఆదాయం పెరి.. ఇక్కడ తగ్గింది. ముఖ్యంగా గత నాలుగు ఐదు రోజుల్లోనే ఏపీఎస్‌ ఆర్టీసీ బస్సులు ఫుల్ అవుతున్నాయని.. దీంతో అక్కడ ఆర్టీసీకి భారీగా ఆదాయం సమకూరినట్టు గణాంకాలు చెబుతున్నాయి

ఈ నేపథ్యంలో తెలంగాణ ఆర్టీసీ.. ఏపీ-తెలంగాణ మధ్య తిరిగే సర్వీసుల్లో చార్జీలు పెంచాలని ఏపీఎస్‌ ఆర్టీసీని కోరింది. రెండు రాష్ట్రాల రవాణా సంస్థల మధ్య జరిగిన అంతర్‌రాష్ట్ర ఒప్పందం ప్రకారం.. ఇరురాష్ట్రాల మధ్య తిరిగే బస్సుల చార్జీలు ఒకేలా ఉండాలని.. కనుక ఆంధ్రప్రదేశ్‌ ఆర్టీసీ తన బస్సుల చార్జీలు పెంచాలని కోరింది.

మరిన్ని తెలంగాణ వార్తల కోసం ఇక్కడ క్లిక్ చేయండి..

Follow us on

Related Stories

Most Read Stories

Click on your DTH Provider to Add TV9 Telugu