KCR Birthday: జనహృదయ నేతకు నీరాజనం.. ఘనంగా కేసీఆర్ బర్త్ డే సెలబ్రేషన్స్

తెలంగాణ ముఖ్యమంత్రి కేసీఆర్‌ జన్మదిన వేడుకలు తెలంగాణ వ్యాప్తంగా వైభవంగా జరుగుతున్నాయి. తెలంగాణ జన హృదయ నేత కేసీఆర్‌ 69 వ జన్మదినోత్సవ వేడుకలను అంగరంగ వైభవంగా నిర్వహిస్తున్నారు అభిమానులు. దేశ్‌కీ నేత కేసీఆర్‌…చారిత్రక ప్రస్థానాన్ని ప్రతిబింబిస్తూ బీఆర్‌ఎస్‌ నేతలు…తమ అభిమానాన్ని చాటుకుంటున్నారు. ముఖ్యమంత్రి కేసీఆర్ జన్మదినం సందర్బంగా సిద్దిపేట జిల్లా రంగనాయక సాగర్ పై వినూత్న రీతిలో పారా గ్లయిడర్ పై గగన వీధుల గుండా హ్యాపీ బర్త్ డే సీఎం, అబ్ కి బార్ కిసాన్ సర్కార్ నినాదాలతో శుబాకాంక్షలు తెలిపారు బిఆర్ ఎస్ రాష్ట్ర నాయకుడు అరవింద్ అలిశెట్టి.

కేసీఆర్‌ బర్త్‌డే సందర్భంగా బాణా సంచాతో ఓరుగల్లు దద్దరిల్లింది. కేసీఆర్‌ 69వ జన్మదినోత్సవ సంబరాలు అంబరాన్నంటాయి. మంత్రి ఎర్రబెల్లి దయాకరరావు, తూర్పు ఎమ్మెల్యే నరేందర్ చేతుల మీదుగా కేక్ కట్ చేసి సంబరాలు జరుపుకున్నారు. అజాంజాహి మిల్లు గ్రౌండ్ లో ఏర్పాటు చేసిన సెట్టింగ్ తో వినూత్న రీతిలో కేసీఆర్ పై అభిమానాన్ని చాటుకున్నారు మంత్రులు. తూర్పు శాసనసభ్యులు నన్నపనేని నరేందర్ ఆధ్వర్యంలో రాష్ట్ర ముఖ్యమంత్రి కేసీఆర్ జన్మదిన సందర్భంగా నాలుగు రోజుల పాటు జన్మదిన సంబరాలు ఏర్పాటు చేశారు.

కేసీఆర్‌ జన్మదినం సందర్భంగా గజ్వేల్‌లో ఐదు రోజుల పాటు శ్రమించి 18 అడుగుల భారీ చిత్రాన్ని ఆవాలతో రూపొందించి ఆకట్టుకున్నారు రామకోటి. తన అభిమాన నాయకుడు కేసీఆర్‌కి మదినిండా అభినందనలు తెలుపుకున్నాడు. అమెరికాలో స్కైడైవర్‌ సంతోష్‌ కేసీఆర్‌పై ఇలా గగన వీధుల గుండా తన అభిమానాన్ని చాటుకున్నారు. పారాచూట్‌ సాయంతో గాలిలో తేలియాడుతూ బర్త్‌ డే విషెస్‌ చెప్పారు. బ్రెయిలీ లిపిలో రాసిన ముఖ్యమంత్రి కేసీఆర్‌ సంక్షిప్త జీవిత చరిత్రను హైదరాబాద్‌లో ఆవిష్కరించారు మంత్రి కేటీఆర్‌. ప్రపంచంలో ఎవరి చరిత్రా బ్రెయిలీ లిపిలో లేదన్నారు. కేసీఆర్‌కి శుభాకాంక్షలు తెలిపారు.

మరిన్ని తెలంగాణ వార్తల కోసం క్లిక్ చేయండి..