Telangana: తమ అభిమాన నేత విజయ్ పుట్టిన రోజుని వినూత్నంగా జరిపిన ఫ్యాన్స్.. అభాగ్యులకు అర్ధరాత్రి దుప్పట్లు, ఆహారం పంపిణీ..
వినయ్ భాస్కర్ బర్త్ డే సందర్భంగా చలితో వణికిపోతున్న వారికి చేయూత నందించారు. హనుమకొండ , కాజిపేటలో రాత్రంతా పేదలకు చెద్దర్లు, ఆహార ప్యాకేట్స్ పంపిణీ చేసి అభిమాన నాయకుడికి అదిరిపోయే రీతిలో జన్మదిన శుభాకాంక్షలు తెలిపారు.
కొంతమంది ఫ్యాన్స్ తమ అభిమాన నటీనటుల, రాజకీయ నేతల పుట్టిన రోజు వేడుకలను ఘనంగా జరపడం సర్వసాధారణంగా తెలిసిందే. కేక్ కట్ చేయడం.. సామజిక కార్యక్రమాలను నిర్వహించడం వంటి కార్యక్రమాలను నిర్వహిస్తూ ఉంటారు. తాజాగా తెలంగాణ ప్రభుత్వ చీఫ్ విప్ దాస్యం వినయ్ భాస్కర్ అభిమానులు వినూత్న రీతిలో ఆయనపై అభిమానాన్ని చాటుకున్నారు. వినయ్ భాస్కర్ బర్త్ డే సందర్భంగా చలితో వణికిపోతున్న వారికి చేయూత నందించారు. హనుమకొండ , కాజిపేటలో రాత్రంతా పేదలకు చెద్దర్లు, ఆహార ప్యాకేట్స్ పంపిణీ చేసి అభిమాన నాయకుడికి అదిరిపోయే రీతిలో జన్మదిన శుభాకాంక్షలు తెలిపారు.
హనుమకొండ కు చెందిన దోమకుంట్ల సంతోష్, రాజ్ కుమార్ బ్రదర్స్ ప్రభుత్వ చీఫ్ విప్ దాస్యం వినయ్ భాస్కర్ పై వినూత్న రీతిలో అభిమానాన్ని చాటుకున్నారు.. అనాథలు, అభాగ్యులు, రోడ్లపై నిద్రిస్తున్న వారి వద్దకు వెళ్లి రాత్రంతా వారికి చెద్దర్లు, ఆహార పొట్లాలు అందించారు.. రోడ్లపై చిరు వ్యాపారులు చేసుకుంటూ అక్కడే జీవిస్తున్న పేదలకు దుప్పట్లు అందించి తమ అభిమాన నాయకుడు వినయ్ భాస్కర్ ను దీవించండని కోరారు..
సర్వసాధారణంగా నాయకుడి పుట్టిన రోజు అంటే అభిమానులు, కార్యకర్తలు ఓ రేంజ్ లో హడావిడి చేస్తుంటారు.. ఫ్లెక్సీలు కట్టడం, కేక్స్ కట్ చేయడం, శాలువాలు, పూల బొకేలతో శుభాకాంక్షలను అందించడం చూస్తుంటాము… అయితే హనుమకొండ కు చెందిన ఈ యువకులు అందుకు పూర్తి భిన్నంగా దాస్యం వినయ్ బాస్కర్ పై అభిమానాన్ని చాటుకున్నారు.. రాత్రంతా ఎముకలు కొరికే చలిలో పేదలకు దుప్పట్లు పంపిణీచేసి వారి అభిమాన నాయకుడికి ఆశీస్సులు అందేలా చేశారు.. వినూత్న రీతిలో జరిపిన పుట్టిన రోజు వేడుకలు వరంగల్ లో హాట్ టాపిక్ గా మారాయి.
మరిన్ని తెలంగాణ వార్తల కోసం ఇక్కడ క్లిక్ చేయండి..
