SC Railway: రైల్వే ప్రయాణీకులకు అలెర్ట్.. మరిన్ని ప్రత్యేక రైళ్లు నడపనున్న ద.మ.రైల్వే
ప్రయాణీకుల రద్దీ దృష్ట్యా దక్షిణ మధ్య రైల్వే మరిన్ని ప్రత్యేక రైళ్లను నడపనుంది. ఈ ప్రత్యేక రైళ్ల వివరాలను ద.మ.రైల్వే తన ట్విట్టర్ ఖాతాలో వెల్లడించింది.
Special Trains: ప్రయాణీకుల రద్దీ దృష్ట్యా దక్షిణ మధ్య రైల్వే మరిన్ని ప్రత్యేక రైళ్లను నడపనుంది. ఈ ప్రత్యేక రైళ్ల వివరాలను ద.మ.రైల్వే తన ట్విట్టర్ ఖాతాలో వెల్లడించింది. హైదరాబాద్ – గోరఖ్పూర్ మధ్య ప్రత్యేక రైళ్లను నడపనున్నారు. ప్రత్యేక రైలు (నెం.07745) హైదరాబాద్ నుంచి గురువారం రాత్రి 09.05 గం.లకు బయలుదేరి శనివారం ఉదయం 06.30 గం.లకు గోరఖ్పూర్కు చేరుకుంటుంది. అలాగే ఈ నెల 28న (ఆదివారం) ఉదయం 08.30 గం.లకు ప్రత్యేక రైలు (నెం.02576) గోరఖ్పూర్ నుంచి బయలుదేరి మరుసటి రోజు(సోమవారం) మధ్యాహ్నం 03.20 గం.లకు హైదరాబాద్ చేరుకుంటుంది. ఈ ప్రత్యేక రైళ్లలో ఏసీ 2 టైర్, ఏసీ 3 టైర్, స్లీపర్ క్లాస్, సెకండ్ సిట్టింగ్ కోచ్లు ఉంటాయి. పూర్తి రిజర్వ్ సర్వీసుగా ఈ ప్రత్యేక రైళ్లను నడపనున్నారు.
అలాగే H.S.నాందేడ్ – మన్మాడ్ మధ్య డెము ప్రత్యేక రైలును నడపనున్నట్లు ద.మ.రైల్వే ప్రకటించింది. ప్రత్యేక రైలు (నెం.0777) H.S.నాందేడ్ నుంచి ఈ నెల 16 నుంచి ప్రతి రోజూ రాత్రి 07.25 గం.లకు బయలుదేరి.. మరుసటి రోజు 05.50 గం.లకు మన్మాడ్ చేరుకుంటుంది. అలాగే ప్రత్యేక రైలు నెం.0778 ఈ నెల 27 నుంచి ప్రతి రోజూ ఉదయం 06.10 గం.లకు మన్మాడ్ నుంచి బయలుదేరి.. మధ్యాహ్నం 03.20 గం.లకు H.S.నాందేడ్కు చేరుకుంటుంది. అన్ రిజర్వ్ ఎక్స్ప్రెస్ ఛార్జీలతో ఈ ప్రత్యేక రైళ్లను నడపనున్నారు.
“Special Trains between Hyderabad – Gorakhpur and H.S. Nanded – Manmad” @drmsecunderabad @drmhyb @drmned pic.twitter.com/eFYxYrui4R
— South Central Railway (@SCRailwayIndia) November 23, 2021
అలాగే తెలుగు రాష్ట్రాల మీదుగా నడిచే పలు రైలు సర్వీసులను రైల్వే శాఖ పునరుద్ధరించింది. భారీ వర్షాల కారణంగా ఈ రైళ్లను గత కొన్ని రోజులుగా దారి మళ్లించారు. వర్షాలు తగ్గుముఖం పట్టడంతో ఈ రైళ్లను మునుపటిలానే నడపనున్నారు. ఆ రైళ్ల వివరాలు..
SCR PR No.597 bulletin no. 62 Dt. 23.11.2021 on “Restoration of Trains” @drmgtl @VijayawadaSCR pic.twitter.com/Lx0Tg3BikX
— South Central Railway (@SCRailwayIndia) November 23, 2021
Also Read..
Tomato Price Hike: ఆకాశన్నంటుతున్న టమాట ధరలు.. నవ్వులు పూయిస్తున్న మీమ్స్.. ట్రెండింగ్..