Kiraak RP: ఆర్పీ పెట్టిన నెల్లూరు పెద్దారెడ్డి చేపల పులుసు షాపు క్లోజ్.. అరెరె పెద్ద కష్టమే వచ్చిందే

నెల్లూరు ఈ మాట వినగానే భోజన ప్రియులకు ముందుగా గుర్తొచ్చేది చేపల పులుసు. హైదరాబాద్‌లో కిరాక్ ఆర్పీ పెట్టిన నెల్లూరు పెద్దా రెడ్డి చేపల పులుసు ఇప్పుడు సోషల్ మీడియాలో మోస్ట్ ట్రెండింగ్. ఇక్కడ చేపల పులుసు కొనుక్కునేందుకు కస్టమర్లు పెద్ద ఎత్తున వస్తున్నారు. వాళ్లందరికీ ఐటెమ్స్ అందించలేక నానా ఇబ్బందులు పడుతున్నట్టు చెప్పుకొచ్చారు కిరాక్ ఆర్పీ.

కస్టమర్ల తాకిడి తట్టుకోలేక.. ఏకంగా మూడు రోజుల పాటు షాప్ మూసేసి.. మ్యాన్ పవర్ కోసం నెల్లూరుకి వచ్చేశారు ఆర్పీ. నెల్లూరులో చేపల పులుసు వండే వారితో పాటు హోటల్‌లో పని చేసే వాళ్ల కోసం వేట ప్రారబించారు. చేపల పులుసు అద్భుతంగా చేసే వారికి ఉపాధి అవకాశం కల్పించడంతో పాటు వారిని సొంత కుటుంబ సభ్యులుగా చూసుకుంటానని భరోసా ఇస్తున్నారు ఆర్పీ.

నెల్లూరు మహిళలు చేపలు కడిగే పద్ధతితో పాటు కట్టెల పొయ్యి వాడటం, చేపల పులుసు చేయడం ప్రత్యేకం అంటున్నారు. హైదరాబాద్‌లో ఓపెన్ చేసిన తన హోటల్‌కి మంచి ఆదరణ లభిస్తోందన్నారు. అయితే డిమాండ్‌కి సరిపడా మ్యాన్ పవర్ లేక పోవడంతో కస్టమర్లు వెను తిరిగి వెళ్లడం బాధగా ఉందన్నారు. ఈ క్రమంలోనే నెల్లూరులో ఉన్న వంటమాస్టర్లు, వర్కర్లను హైదరాబాద్ తీసుకొస్తామంటున్నారు.

మరిన్ని తెలంగాణ వార్తల కోసం