Telangana: వామ్మో ఇలా ఉన్నారేంట్రా..తెల్లారేసరికి బస్టాండ్ బస్టాండే హుష్ కాకీ..

హైదరాబాద్లో ఒక వింత ఘటన చోటు చేసుకుంది. ఏకంగా బస్ స్టాపునే కొందరు దుండగులు మాయం చేశారు. ఆదివారం రోజు రాత్రి  బస్ స్టాప్‌ను గుర్తు తెలియని వ్యక్తులు ధ్వంసం చేశారు. సోమవారం ఉదయం బస్సు కోసం బస్ స్టాప్‌కు వచ్చిన ప్రయాణికులు స్టాప్ కనిపించకపోవడంతో అవాక్కయ్యారు. బస్సు స్టాప్ ఆనవాళ్ళు కనిపించకుండా పూర్తిగా ధ్వంసం చేశారు. దీంతో చేసేది ఏమి లేక  ప్రయాణికులు బస్ స్టాప్‌కు పక్కనే ఎండలోనే నిల్చున్నారు.

ఈ ఘటన హబ్సిగూడ నాచారం మధ్యలో ఉన్న రోడ్డులో చోటుచేసుకుంది. హబ్సిగూడ ఎంజీఆర్ఐ మెట్రో స్టేషన్ పక్కనే ఉన్న బస్సు స్టాప్ రాత్రికి రాత్రే  మాయమైపోయింది.. ఈ బస్ స్టాప్‌కు పక్కనే ఒక నర్సరీ దుకాణం ఉంది. నర్సరీ నిర్వాహకులను సైతం ప్రజలు బస్ స్టాప్ గురించి అడిగారు. తమకు తెలియదు అని సమాధానం చెప్పడంతో అక్కడ ఉన్న పలువురు జిహెచ్ఎంసీ అధికారులకు ఫిర్యాదు చేశారు.

జీహెచ్ఎంసీ అధికారులు నుండి వివరణ కోరగా తాము ఈ ఘటనపై ఎంక్వైరీ చేస్తున్నట్లు అధికారులు బదులిచ్చారు. వెంటనే ఘటన స్థలానికి చేరుకున్న జీహెచ్ఎంసీ అధికారులు పక్కన ఉన్న నర్సరీ నిర్వాహకలను సైతం ప్రశ్నించారు. వారి నుండి కూడా ఎలాంటి సమాచారం లభించలేదు. దీంతో ఎవరో దుండగులు కావాలని  బస్ స్టాప్‌కి ఉన్న ఇనుమును దొంగలించే ప్రయత్నం చేశారని అధికారులు అనుమానిస్తున్నారు. ఇనుము కోసం బస్ స్టాప్‌కు ఉన్న రాడ్లను ఎత్తుకెళ్లినట్లు అధికారులు భావిస్తున్నారు.

వీడియో ఇదిగో:

మరిన్ని తెలంగాణ వార్తల కోసం ఇక్కడ క్లిక్ చేయండి..