Watch Video: అంతులేని శోకంతో పెంపుడు శునకానికి దహన సంస్కారాలు! వీడియో..
భద్రాద్రి కొత్తగూడెం జిల్లా టేకులపల్లి మండలం ముత్యాలంపాడు గ్రామానికి చెందిన అంతోటి నాగేశ్వరరావు లీలబాయి దంపతులు 8 సంవత్సరాల క్రితం ఓ శునకాన్ని పెంచుకుంటున్నారు. దానికి లక్కీ అని పేరు పెట్టుకుని ఎంతో ప్రేమగా పెంచుకున్నారు. జనవరి నెల పండగ రోజుల్లో అనుకోకుండా..
Updated on: Feb 05, 2026 | 5:27 PM
భద్రాద్రి కొత్తగూడెం, ఫిబ్రవరి 5: సాటి మనుషులు చనిపోతేనే పట్టించుకోని ఈ కాలంలో పెంపుడు కుక్క మృతి చెందడంతో ఆ కుటుంబం కన్నీరు మునీరుగా విలపించింది. ఈ సంఘటన భద్రాద్రి కొత్తగూడెం జిల్లా టేకులపల్లి మండలం ముత్యాలంపాడు గ్రామంలో చోటు చేసుకుంది. అసలేం జరిగిందంటే..
గ్రామానికి చెందిన అంతోటి నాగేశ్వరరావు లీలబాయి దంపతులు 8 సంవత్సరాల క్రితం ఓ శునకాన్ని పెంచుకుంటున్నారు. దానికి లక్కీ అని పేరు పెట్టుకుని ఎంతో ప్రేమగా పెంచుకున్నారు. కుటుంబ సభ్యులు ఆ శునకంపై అమితమైన మమకారం, ప్రేమ పెంచుకున్నారు. ఆ ఇంట్లో ఓ వ్యక్తిని ఎలాగైతే చూసుకుంటారో అలాగే వారితో పాటు సమానంగా చూసుకుంటున్నారు. ఈ క్రమంలో జనవరి సంక్రాంతి పండుగ సమయంలో ఆ కుక్క నాలుగు పిల్లలకు జన్మనిచ్చింది. నాలుగు పిల్లలను అల్లారుముద్దుగా పెంచుకుంటున్నారు. ఇంతలో లక్కీ అనారోగ్యంతో మృతి చెందింది. ఎంతో ప్రేమగా పెంచుకున్న శునకం మృతిని జీర్ణించుకోలేక ఆ కుటుంబం విలవిల లాడిపోయింది.
పాలు తాగే ఆ పిల్లలను.. మృతి చెందిన లక్కీని చూస్తూ గుండెల విసేలా కుటుంబ సభ్యులు రోదిస్తున్నారు. అది చూసిన గ్రామస్తులు సైతం కంటతడి పెట్టుకుంటున్నారు. లక్కీని పిల్లలకు చూపిస్తూ దానికి దహన సంస్కారాలు నిర్వహించారు. ఓ కుటుంబంలో మనిషి ఎలాగైతే మృతి చెందితే దహన సంస్కారాలు చేస్తారో ఆ విధంగా లక్కీకి దహన సంస్కారాలు పూర్తి చేశారు. దానిపైన ఉన్న మమకారాన్ని ఈ విధంగా తీర్చుకున్నారు.
మరిన్ని తెలంగాణ వార్తల కోసం క్లిక్ చేయండి.
