Whatsapp New Feature: వాట్సాప్‌ నుంచి మరో ఇంటరెస్టింగ్ ఫీచర్.. ఒకేసారి 50 మందితో వీడియో కాల్..!

Whatsapp New Feature: తన వినియోగదారుల కోసం వాట్సాప్‌ సరికొత్త ఫీచర్స్‌ తీసుకురావడంపై దృష్టి సారించింది. అందులో భాగంగానే 2021లో...

Updated on: Mar 17, 2021 | 6:53 AM

Whatsapp New Feature: తన వినియోగదారుల కోసం వాట్సాప్‌ సరికొత్త ఫీచర్స్‌ తీసుకురావడంపై దృష్టి సారించింది. అందులో భాగంగానే 2020లో కేవలం ఆరు నెలల వ్యవధిలోనే సుమారు పదికి పైనే కొత్త ఫీచర్స్‌ను తీసుకొచ్చింది. అలానే కొత్త సంవత్సరంలో కూడా యూజర్స్‌కి మెరుగైన సేవలు అందించేందుకు మరికొన్ని కొత్త ఫీచర్స్‌ను తీసుకొస్తున్నట్లు ప్రకటించింది. ఈ క్రమంలోనే మెసేజింగ్‌ను మరింత యూజర్ ఫ్రెండ్లీ చేసేలా మరో అద్భుత ఫీచర్‌ను అందుబాటులోకి తీసుకొచ్చింది. అదే ‘మెసెంజర్ రూమ్’. ఈ ఫీచర్ ద్వారా ఒకేసారి 50 మందికి గ్రూప్ వీడియో కాల్ చేయవచ్చు.

ఓ యూజర్ మెసెంజర్ యాప్ లేదా మొబైల్ లేదా వెబ్ బ్రౌజర్‌‌లో మెసెంజర్ వెబ్‌సైట్ ఓపెన్ చేసి ఎక్కువ మందితో వీడియో చాట్ చేసేందుకు రూమ్ క్రియేట్ చేయవచ్చు. ఇక ఆ తర్వాత యూజర్లు వాట్సాప్‌లోని తమ ఫ్రెండ్స్, ఫ్యామిలీకు గ్రూప్ వీడియో చాట్‌ చేసేందుకు లింక్ ద్వారా ఆహ్వానం పంపించవచ్చు. అందువల్ల వారంతా కూడా ఫేస్‌బుక్ ఖాతా లేదా మెసెంజర్ యాప్ లేకుండానే ఈ చాట్ రూమ్స్‌లలో చేరే అవకాశం ఉంటుంది.