చుట్టూ భారీ అనకొండలు.. వాటితో ఆటలు.. ఇంతలోనే ఊహించని సంఘటన.. గగుర్పొడిచే వీడియో.!

Python Attack Goes Viral: పాములతో ఆట.. ఖచ్చితంగా ప్రాణానికి ప్రమాదమే. అనుభవజ్ఞులైన స్నేక్ క్యాచర్లకు సైతం కొన్నిసార్లు పాము కాటులు తప్పవు..

Snake

Ravi Kiran | Edited By: Umakanth Rao

Updated on: Mar 15, 2021 | 7:36 PM

Python Attack Goes Viral: పాములతో ఆట.. ఖచ్చితంగా ప్రాణానికి ప్రమాదమే. అనుభవజ్ఞులైన స్నేక్ క్యాచర్లకు సైతం కొన్నిసార్లు పాము కాట్లు తప్పవు. దీనికి నిదర్శనమే ఈ వీడియో. ఇందులో కాలిఫోర్నియాకు చెందిన ఓ స్నేక్ క్యాచర్ తృటిలో పాము కాటు నుంచి తప్పించుకున్నాడు. ప్రస్తుతం ఈ వీడియో సోషల్ మీడియాలో వైరల్ అవుతోంది.

కాలిఫోర్నియాలోని సరీసృపాల సంరక్షణశాల వ్యవస్థాపకుడు మిస్టర్ బ్రూవర్‌కు పాములను పట్టడంలో అపారమైన అనుభవం ఉంది. అంతేకాకుండా అతడి సామాజిక మాధ్యమాల్లో సైతం అనేక భయంకరమైన పాములను అలవోకగా పట్టే వీడియోలు, ఫోటోలు ఉంటాయి. వీటిల్లో అనేక ఫోటోలు ఒళ్లుగగ్గుర్పోడిచే విధంగా ఉంటాయి. మీరు అనుకున్నట్లుగానే మిస్టర్ బ్రూవర్ ఉద్యోగం చాలా ప్రమాదకరమైనది, అతడి ఇన్‌స్టాగ్రామ్ వీడియోల ద్వారానే అర్ధమవుతుంది. కానీ అతడిపై ఓ భారీ పైథాన్ దాడి చేసింది. దానికి సంబంధించిన వీడియో నెట్టింట్లో వైరల్ అవుతోంది.

ఇందులో మిస్టర్ బ్రూవర్‌ ఒక పెట్టెలో ఉన్న భారీ పైథాన్ పక్కన నిలబడి ఉన్నాడు. అతడు కొన్ని సెకన్ల పాటు తన చూపును ఆ పాము నుంచి తిప్పాడు. అంతే అదే అదునుగా చేసుకుని అతడిని కాటు వేసేందుకు దాడి చేసింది ఆ రాకాసి పాము. అదృష్టవశాత్తూ, మిస్టర్ బ్రూవర్ పాము దాడిని చాకచక్యంగా ఎదుర్కున్నాడు. ఈ విషయాన్ని ఇన్‌స్టాగ్రామ్ వేదికగా నెటిజన్లతో పంచుకున్నాడు. ఈ వీడియోను అతడు ఆదివారం పోస్ట్ చేయగా.. ఇప్పటిదాకా దాన్ని 8.9 లక్షలకు పైగా వీక్షకులు చూడటంతో పాటు వేలాది మంది కామెంట్ల వర్షం కురిపిస్తున్నారు.