కన్న కొడుకు కోసం తండ్రి పోరాటం.. మొసలి పొట్ట కోసి బాలుడిని బయటికి తీశాడు.. కానీ.!

Crocodile Swallowed Boy: 26 అడుగుల పొడవైన మొసలి కడుపులో నుంచి ఓ బాలుడిని బయటికి తీసిన తాజాగా వెలుగులోకి వచ్చింది. ఈ ఘటన ఇండోనేషియాలో చోటు చేసుకుంది. వివరాల్లోకి వెళ్తే.. ఇండోనేషియాలోని ఈస్ట్‌ కలిమన్‌తన్‌‌లో సుబ్లియాన్షా అనే వ్యక్తి నివాసముంటున్నాడు. అతడికి దిమస్‌ ముల్కన్‌ సపుత్ర అనే ఎనిమిదేళ్ల కొడుకు ఉన్నాడు. బుధవారం ఈ తండ్రీకొడుకులు ఇద్దరూ కలిసి దగ్గరలోని నదికి చేపలు పట్టేందుకు వెళ్లారు. ఇద్దరూ చేపలు పడుతున్నారు. ఇంతవరకూ బాగానే ఉంది.

అయితే హఠాత్తుగా ఎక్కడ నుంచి వచ్చిందో.. 26 అడుగుల పొడవైన ఓ మొసలి దిమస్‌పై దాడి చేసింది. అది గమనించిన తండ్రి సుబ్లియాన్షా.. కొడుకును కాపాడేందుకు అన్ని ప్రయత్నాలు చేశాడు. కానీ వృధా అయిపోయాయి. ఆ మొసలి బాలుడితో సహా నీటిలోకి వెళ్లిపోయింది. నమలకుండా ఆ బాలుడ్ని అమాంతం మింగేసింది. గురువారం గ్రామస్థులతో కలిసి సుబ్లియాన్షా ఆ మొసలిని చంపి ఒడ్డుకు తీసుకొచ్చారు. అనంతరం దాని పొట్ట కోసి.. దిమస్ మృతదేహాన్ని బయటికి తీశారు. కన్నీటి వీడ్కోలుతో దిమస్‌కు అంత్యక్రియలు నిర్వహించారు.

Also Read:

Viral: ఇంటర్ స్టూడెంట్ అందమైన ప్రేమలేఖ.. అమ్మాయి రెస్పాన్స్ అదుర్స్.. అసలు ఏం చెప్పిందంటే.!

ఐపీఎల్ 2021: సన్‌రైజర్స్ హైదరాబాద్ తుది జట్టులో ఈ ఐదుగురికి ప్లేస్ పక్కా.. వారెవరంటే.!

అదృష్టానికి ఆమె బ్రాండ్ అంబాసిడర్.. ఒక్క దెబ్బతో కోట్లు గెలుచుకుంది.. అసలు మ్యాటర్ ఇదే.!