తండ్రి లక్కీ నంబర్తో టికెట్.. 200 గ్రాముల బంగారం గెలుపు!
Abu Dhabi Big Ticket: అదృష్టం ఎప్పుడు, ఎలా తలుపు తడుతుందో ఎవరూ చెప్పలేరు. కొన్నిసార్లు మనం నమ్మే చిన్న సెంటిమెంటే పెద్ద బహుమతిని తెచ్చిపెడుతుంది. యూఏఈలో పనిచేస్తున్న కేరళకు చెందిన ఓ వ్యక్తి విషయంలోనూ ఇదే జరిగింది. తండ్రి లక్కీ నంబర్ను గుర్తు చేసుకుని టికెట్ కొనుగోలు చేసిన అతడికి ఏకంగా 200 గ్రాముల బంగారు కడ్డీ బహుమతిగా వచ్చింది. దీని విలువ సుమారు రూ.23 లక్షలు. అయితే ఈ బంగారాన్ని తన దగ్గరే ఉంచుకోవాలని అతడు అనుకోవడం లేదు. స్నేహితులతో కలిసి వ్యాపారం ప్రారంభించేందుకు ఈ బహుమతిని ఉపయోగించుకోవాలని ప్లాన్ చేస్తున్నాడు.

Abu Dhabi Big Ticket: అదృష్టం ఎప్పుడు, ఎలా తలుపు తడుతుందో ఎవరూ చెప్పలేరు. కొన్నిసార్లు మనం నమ్మే చిన్న సెంటిమెంటే పెద్ద బహుమతిని తెచ్చిపెడుతుంది. యూఏఈలో పనిచేస్తున్న కేరళకు చెందిన ఓ వ్యక్తి విషయంలోనూ ఇదే జరిగింది. తండ్రి లక్కీ నంబర్ను గుర్తు చేసుకుని టికెట్ కొనుగోలు చేసిన అతడికి ఏకంగా 200 గ్రాముల బంగారు కడ్డీ బహుమతిగా వచ్చింది. దీని విలువ సుమారు రూ.23 లక్షలు. అయితే ఈ బంగారాన్ని తన దగ్గరే ఉంచుకోవాలని అతడు అనుకోవడం లేదు. స్నేహితులతో కలిసి వ్యాపారం ప్రారంభించేందుకు ఈ బహుమతిని ఉపయోగించుకోవాలని ప్లాన్ చేస్తున్నాడు.
మూడేళ్ల నిరీక్షణకు దక్కిన భారీ బహుమతి!
కేరళకు చెందిన 37 ఏళ్ల షఫీ బప్పుహాజీ యూఏఈలోని ఓ సూపర్ మార్కెట్లో పనిచేస్తున్నాడు. అబుదాబిలో నిర్వహించే ప్రముఖ బిగ్ టికెట్ డ్రాలో పాల్గొంటాడు. తన స్నేహితుల బృందంతో కలిసి టికెట్లు కొనుగోలు చేస్తుంటాడు. 15 నుంచి 20 మంది స్నేహితులు కలిసి డబ్బులు జమ చేసి టికెట్లు తీసుకునేవారు. ఇలా గత మూడేళ్లుగా అదృష్టాన్ని పరీక్షించుకుంటున్నారు. ఎప్పటికైనా తమకు పెద్ద బహుమతి వస్తుందని ఆశగా ఎదురుచూస్తున్నారు. ఈ క్రమంలో బిగ్ టికెట్ సిరీస్ 292లో షఫీకి అదృష్టం కలిసొచ్చింది. 24 క్యారెట్ల 200 గ్రాముల బంగారు కడ్డీని గెలుచుకున్న ఐదుగురిలో అతడూ ఒకడిగా నిలిచాడు.
తండ్రి లక్కీ నంబరే.. బంగారం గెలిపించింది!
ఈసారి టికెట్ కొనుగోలు చేసే సమయంలో షఫీ ఓ ప్రత్యేకమైన నంబర్ను ఎంచుకున్నాడు. తన తండ్రికి అదృష్ట సంఖ్యగా భావించే నంబర్ను గుర్తు చేసుకుని దాని ఆధారంగా టికెట్ తీసుకున్నాడు. అదే ఇప్పుడు అతడికి లక్షల విలువైన బహుమతిని తెచ్చిపెట్టింది. అయితే తాము గెలిచిన విషయం షఫీకి నిర్వాహకుల నుంచి నేరుగా తెలియలేదు. అతడి స్నేహితుడొకరు ఫోన్ చేసి.. బిగ్ టికెట్ నుంచి ఏమైనా కాల్ వచ్చిందా? అని అడిగాడు. తమ టికెట్కు బహుమతి వచ్చిందని చెప్పడంతో షఫీ తొలుత నమ్మలేకపోయాడు. వెంటనే బిగ్ టికెట్ వెబ్సైట్లో ఫలితాలు పరిశీలించాడు. అక్కడ తన పేరు చూసిన తర్వాతే నిజమని నమ్మాడు.
బంగారం అమ్మి స్నేహితులతో కలిసి వ్యాపారం!
యూఏఈలో సొంతంగా ఓ వ్యాపారం ప్రారంభించాలని వీరు చాలాకాలంగా కలలు కంటున్నారు. 200 గ్రాముల బంగారు కడ్డీ ఆ కలను నిజం చేసుకునే అవకాశంగా మారింది. బంగారాన్ని విక్రయించి, వచ్చిన డబ్బును పెట్టుబడిగా పెట్టి వ్యాపారం ప్రారంభించనున్నారు. అయితే ఎలాంటి వ్యాపారం చేయాలనే విషయాన్ని ఇంకా ఖరారు చేయలేదు. ఈ బహుమతి తమ లక్ష్యానికి చేరువ చేస్తుందని షఫీ ఆశాభావం వ్యక్తం చేశాడు.
200 గ్రాముల బంగారం విలువ రూ.23 లక్షలకు పైమాటే!
షఫీ గెలుచుకున్న బంగారు కడ్డీ విలువ రూ.23 లక్షలకు పైమాటే ఉంది. ఇదే బిగ్ టికెట్ సిరీస్లో మరో భారతీయుడికి కూడా బంగారు కడ్డీ బహుమతిగా వచ్చింది. కేరళకు చెందిన 25 ఏళ్ల అన్షద్ వీఎం గత రెండేళ్లుగా తన 25 మంది స్నేహితులతో కలిసి ఈ డ్రాలో పాల్గొంటున్నాడు. ప్రతి నెలా రెండు నుంచి మూడు టికెట్లు కొనుగోలు చేసేవారు. ఇప్పుడు వీరి టికెట్కు కూడా బహుమతి దక్కింది. బంగారు కడ్డీని అమ్మి వచ్చిన డబ్బును స్నేహితులందరూ సమానంగా పంచుకోవాలని నిర్ణయించుకున్నారు. తన వాటాతో కేరళలోని కుటుంబానికి అండగా నిలవాలని, ఆర్థిక అవసరాలను తీర్చుకోవాలని అన్షద్ భావిస్తున్నాడు.