French Open semi-final: ‘ఫ్రెంచ్ ఓపెన్’ సెమీ ఫైనల్లో యవతి హల్‌చల్.. మెడకు తాడు బిగించుకుని నిరసన..!
French Open semi-final: ‘ఫ్రెంచ్ ఓపెన్’ సెమీ ఫైనల్లో ఓ యువతి హల్‌చల్ చేసింది. ఏకంగా టెన్నీస్ కోర్టులోకి ప్రవేశించి.. నెట్ తాడును మెడకు ఉరిలా వేసుకుని అందరినీ షాక్‌కు గురి చేసింది.
Updated on: Jun 04, 2022 | 1:36 PM
French Open semi-final: ‘ఫ్రెంచ్ ఓపెన్’ సెమీ ఫైనల్లో ఓ యువతి హల్‌చల్ చేసింది. ఏకంగా టెన్నీస్ కోర్టులోకి ప్రవేశించి.. నెట్ తాడును మెడకు ఉరిలా వేసుకుని అందరినీ షాక్‌కు గురి చేసింది. వాతావరణ కార్యకర్త అయిన ఫ్రెంచ్ యువతి.. మ్యాచ్‌ వీక్షించేందుకు టికెట్ తీసుకుని మరీ వచ్చింది. ఇంతలో ఆ యువతి ప్రేక్షకుల మధ్య నుంచి దూసుకువచ్చింది. టెన్నీస్ కోర్టులోకి ప్రవేశించి.. నెట్ వద్దకు వచ్చింది. నెట్ వద్ద మోకాళ్లపై కూర్చుని ఒక తాడుతో తన మెడను బిగించుకుని మౌనంగా నిరసన వ్యక్తం చేసింది. ‘మాకు 1028 రోజులే మిగిలి ఉన్నాయి’ అనే క్యాప్షన్ ఉన్న టీ షర్ట్ ధరించిన యువతి.. తన నిరసన వ్యక్తం చేసింది. ఆ తరువాత సెక్యూరిటీ సిబ్బంది ఆమెను బయటకు తీసుకెళ్లారు. కాగా, యువతి నిరసన వ్యక్తం చేస్తున్న సమయంలో ఆటగాళ్లు క్యాస్పర్ రూడ్, మారిన్ సిలిక్ డ్రెస్సింగ్ రూమ్‌కి వెళ్లారు. యువతిని టెన్నీస్ కోర్టు నుంచి బయటకు తీసుకెళ్లాక.. మళ్లీ వచ్చి మ్యాచ్‌ను ప్రారంభించారు.
క్యాస్పర్ రూడ్ మరియు మారిన్ సిలిక్ మధ్య ఫ్రెంచ్ ఓపెన్ సెమీ-ఫైనల్ శుక్రవారం, జూన్ 3, పారిస్‌లో వాతావరణ నిరసన కార్యకర్త కోర్టులోకి వెళ్లి నెట్‌కు కట్టుకోవడంతో కొద్దిసేపు ఆగిపోయింది. నిరసనకారుడు ‘మాకు 1028 రోజులు మిగిలి ఉన్నాయి’ అని రాసి ఉన్న టీ-షర్టును ధరించి, భద్రతా సిబ్బంది తీసుకెళ్లారు. ఆ సమయంలో, ఆటగాళ్లు తమ డ్రెస్సింగ్ రూమ్‌కి తిరిగి వెళ్లి, మ్యాచ్‌ని కొనసాగించేందుకు తిరిగి వచ్చారు. కాగా, ఈ సెమీ ఫైన్‌లో క్యాస్పర్ రూడ్ విజయం సాధించాడు. ఆదివారం నాడు జరిగే టైటిల్ పోరులో 13 సార్లు ఫ్రెంచ్ ఓపెన్ ఛాంపియన్‌గా నిలిచిన రఫెల్ నాదల్‌తో రూడ్ తలపడనున్నాడు.
అయితే, కోర్ట్ ఫిలిప్ చాట్రియర్‌లో మ్యాచ్‌లకు అంతరాయం కలిగించడం ఇంతకుముందు కూడా చోటు చేసుకుంది. 2013 పురుషుల ఫైనల్లో ఒక టాప్‌లెస్ వ్యక్తి మండుతున్న మంటను చేతిలో తీసుకుని కోర్టులోకి దూకాడు. 2009 ఫైనల్లో మరో వ్యక్తి రోజర్ ఫెదరర్ వద్దకు వెళ్లి అతని తలపై టోపీ పెట్టడానికి ప్రయత్నించాడు. 2003 ఫైనల్లో ఒక వ్యక్తి స్ట్రీకర్ నెట్‌ను అడ్డుకున్నాడు.
— doublefault28 (@doublefault28) June 3, 2022
