Cricket Australia: పాట్ కమిన్స్‌కు షాకిచ్చిన ఆస్ట్రేలియా! టెస్ట్ XI మనోడిదే హవా..

ఆసీస్ మీడియా ఎంపిక చేసిన 2024 అత్యుత్తమ టెస్ట్ XI జట్టులో జస్ప్రీత్ బుమ్రా కెప్టెన్‌గా, కేవలం ఇద్దరు భారతీయులు మాత్రమే చోటు దక్కించుకున్నారు. ఆసీస్ మీడియా అవుట్‌లెట్ క్రికెట్.com.au రూపొందించిన ఈ జట్టులో భారత పేస్ స్పియర్‌హెడ్ జస్ప్రీత్ బుమ్రా కెప్టెన్‌గా నియమితుడయ్యాడు. బుమ్రా తో పాటూ యంగ్ ఓపెనర్ యశస్వి జైస్వాల్ కూడా ఎపికయ్యాడు.

జస్ప్రీత్ బుమ్రా గతంలో రెండు టెస్ట్ మ్యాచ్‌లలో భారత్‌కు నాయకత్వం వహించాడు. ఐదు బోర్డర్-గవాస్కర్ ట్రోఫీ మ్యాచ్‌లలో మొదటిదైన పెర్త్ టెస్టులో కెప్టెన్‌గా బుమ్రా తన తొలి విజయాన్ని అందుకున్నాడు. ఈ మ్యాచ్‌లో ఎనిమిది వికెట్లు తీసుకుని జట్టును విజయపథంలో నడిపించాడు. ఆ మ్యాచ్‌లో భారత్, ఆస్ట్రేలియాను 295 పరుగుల భారీ తేడాతో ఓడించింది.

జస్ప్రీత్ బుమ్రా (కెప్టెన్) (ఇండియా)

భారత పేసర్ జస్ప్రీత్ బుమ్రా 2024 అత్యుత్తమ టెస్ట్ XIకి కెప్టెన్‌గా ఎంపికయ్యాడు. తన 13 మ్యాచ్‌ల్లో 14.92 సగటుతో 71 వికెట్లు పడగొట్టి, ఐదు ఐదు వికెట్ల హాల్స్ సాధించాడు. ముఖ్యంగా ఇంగ్లండ్ సిరీస్‌లో స్పిన్ అనుకూల పరిస్థితుల్లో 19 వికెట్లు తీసి తన అద్భుతతను చాటాడు. ఆసీస్ పేస్ దిగ్గజం పాట్ కమిన్స్‌ను దాటుకుని అతను కెప్టెన్‌గా నిలవడం ప్రత్యేకమైన ఘనత.

యశస్వి జైస్వాల్(ఇండియా)

2024లో అత్యంత ప్రతిభావంతమైన ఓపెనర్‌గా యశస్వి జైస్వాల్ నిలిచారు. 15 మ్యాచ్‌లలో 1,478 పరుగులతో, 214 అత్యధిక స్కోర్‌తో ఈ యువ ఆటగాడు మూడు సెంచరీలు, 11 అర్ధసెంచరీలు సాధించాడు. అతని డబుల్ సెంచరీలు, ప్రత్యేకించి పెర్త్‌లో 161 పరుగుల మాస్టర్ క్లాస్, అందరి మనసులను గెలుచుకున్నాయి.

బెన్ డకెట్ (ఇంగ్లండ్‌)

ఇంగ్లండ్ ఆటగాడు బెన్ డకెట్ 1,149 పరుగులతో విశేష ప్రతిభ చూపాడు. అతని 153 పరుగుల ఇన్నింగ్స్ ఉపఖండ పిచ్‌లలో ఇంగ్లండ్ ఆటగాళ్లకు మార్గదర్శకంగా నిలిచింది. స్ట్రైక్ రేట్ 87.04తో అతను బాజ్‌బాల్ విధానానికి పటిష్టమైన ప్రతినిధిగా ఉన్నాడు.

జో రూట్(ఇంగ్లండ్‌)

జో రూట్ ఈ ఏడాది టెస్ట్ క్రికెట్‌లో అత్యధిక పరుగులు చేసిన ఆటగాడిగా నిలిచాడు. 1,556 పరుగులు, 55.57 సగటు, ఆరు సెంచరీలతో రూట్ తన అద్భుత ఫామ్‌ను కొనసాగించాడు. ఇంగ్లండ్ క్రికెట్ చరిత్రలో రూట్ నిలిచిన స్థానం మరింత ముద్రపడ్డది.

రచిన్ రవీంద్ర(న్యూజిలాండ్)

రచిన్ రవీంద్ర టెస్టుల్లో అద్భుత ప్రదర్శన కనబరిచాడు. 12 మ్యాచ్‌లలో 984 పరుగులు, రెండు సెంచరీలతో అతను న్యూజిలాండ్ విజయాల్లో కీలక పాత్ర పోషించాడు. అతని 240 పరుగుల ఇన్నింగ్స్ ప్రత్యేకమైన చరిత్రను సృష్టించింది.

హ్యారీ బ్రూక్(ఇంగ్లండ్‌)

ఇంగ్లండ్ తరఫున బ్రూక్ 12 టెస్టుల్లో 1,100 పరుగులతో ఆకట్టుకున్నాడు. అతని కన్సిస్టెన్సీ ఆటను అత్యుత్తమస్థాయిలో నిలిపింది.

కమిందు మెండిస్ (శ్రీలంక)

మెండిస్ 9 టెస్టుల్లో ఐదు సెంచరీలతో 1,049 పరుగులు సాధించి బ్రాడ్‌మాన్ తరహా ఫామ్‌ను చూపించాడు.

అలెక్స్ కారీ (ఆస్ట్రేలియా)

ఆస్ట్రేలియా వికెట్ కీపర్ కారీ 15 ఇన్నింగ్స్‌ల్లో 440 పరుగులు సాధించాడు. అతని 98* పరుగుల ఇన్నింగ్స్ జట్టుకు కీలక విజయాలను అందించింది.

మ్యాట్ హెన్రీ(న్యూజిలాండ్)

న్యూజిలాండ్ పేసర్ హెన్రీ తన అద్భుతమైన స్పెల్‌తో 46 పరుగులకే భారత్‌ను ఆలౌట్ చేశాడు.

జోష్ హేజిల్‌వుడ్ (ఆస్ట్రేలియా)

ఆసీస్ బౌలర్ హేజిల్‌వుడ్ 13.60 సగటుతో 35 వికెట్లు తీసి గొప్ప సంవత్సరం గడిపాడు.

కేశవ్ మహరాజ్ (దక్షిణాఫ్రికా)

సఫారీ స్పిన్నర్ మహరాజ్ 15 టెస్టుల్లో 35 వికెట్లు సాధించి ప్రోటీస్ విజయాలకు కీలకంగా నిలిచాడు.

What a year from this XI including Jasprit Bumrah who leads the side 🙌

Full story: https://t.co/zM0nfiRxz9 pic.twitter.com/cn8Zu7zlxw

— cricket.com.au (@cricketcomau) December 31, 2024