IND vs BAN: రేపే బంగ్లాతో వార్మప్ మ్యాచ్.. తప్పనిసరిగా ఆడాల్సిన ముగ్గురు భారత ఆటగాళ్లు..

India vs Bangladesh, ICC Mens T20 World Cup Warm-up Matches 2024: టీ20 ప్రపంచ కప్‌లో తన ప్రచారాన్ని ప్రారంభించే ముందు టీమ్ ఇండియా ఓ వార్మప్ మ్యాచ్ ఆడాల్సి ఉంది. బంగ్లాదేశ్‌తో భారత జట్టు ఈ ప్రాక్టీస్ మ్యాచ్ ఆడాలి. రేపు న్యూయార్క్‌లో ఈ మ్యాచ జరగనుంది. ఈ మ్యాచ్ ద్వారా టీమ్ ఇండియా తన సన్నాహాలను ప్రారంభించనుంది. అలాగే, ప్రస్తుతం ఆటగాళ్లందరూ ఎంతవరకు సన్నద్ధంగా ఉన్నారో తెలుసుకుంటుంది. ఈ కారణంగా ఈ వార్మప్ మ్యాచ్ చాలా కీలకంగా మారింది.

Ind Vs Ban Warm Up Match

Venkata Chari | Edited By: Prudvi Battula|
Updated on: Jun 07, 2024 | 1:43 PM

India vs Bangladesh, ICC Mens T20 World Cup Warm-up Matches 2024: టీ20 ప్రపంచ కప్‌లో తన ప్రచారాన్ని ప్రారంభించే ముందు టీమ్ ఇండియా ఓ వార్మప్ మ్యాచ్ ఆడాల్సి ఉంది. బంగ్లాదేశ్‌తో భారత జట్టు ఈ ప్రాక్టీస్ మ్యాచ్ ఆడాలి. రేపు న్యూయార్క్‌లో ఈ మ్యాచ జరగనుంది. ఈ మ్యాచ్ ద్వారా టీమ్ ఇండియా తన సన్నాహాలను ప్రారంభించనుంది. అలాగే, ప్రస్తుతం ఆటగాళ్లందరూ ఎంతవరకు సన్నద్ధంగా ఉన్నారో తెలుసుకుంటుంది. ఈ కారణంగా ఈ వార్మప్ మ్యాచ్ చాలా కీలకంగా మారింది.

బంగ్లాదేశ్‌తో జరిగే వార్మప్ మ్యాచ్‌లో, నిరంతరం ప్లేయింగ్ ఎలెవెన్‌లో భాగం కాబోతున్న ప్రధాన ఆటగాళ్లందరికీ అవకాశం లభిస్తుంది. అయితే, టీమ్ ఇండియా తన సన్నాహాలను మరింత పటిష్టం చేసుకోవాలంటే.. మరికొందరు ఆటగాళ్లకు అవకాశం ఇవ్వాల్సి ఉంటుంది.

ఈ క్రమంలో బంగ్లాదేశ్‌తో జరిగే వార్మప్ మ్యాచ్‌లో తప్పనిసరిగా ఆడాల్సిన ముగ్గురు ఆటగాళ్ల గురించి ఇప్పుడు తెలుసుకుందాం..

1.శివం దూబే..

యువ ఆల్ రౌండర్ శివమ్ దూబే ఐపీఎల్ ప్రదర్శనకు ప్రతిఫలంగా టీ20 ప్రపంచకప్ జట్టులోకి వచ్చాడు. శివమ్ దూబే IPL మొదటి అర్ధభాగంలో చాలా బాగా ఆడాడు. కానీ, అతను భారత జట్టులో ఎంపికైన వెంటనే, అతను అపజయాన్ని కొనసాగించాడు. దీంతో ఆయనపై తీవ్ర విమర్శలు వచ్చాయి. ఈ కారణంగా, శివమ్ దూబే ప్రాక్టీస్ మ్యాచ్‌లో తప్పక ఆడాలి. తద్వారా అతనిలో ఇప్పటికీ ఆ IPL ఎడ్జ్ ఉందా లేదా అనేది తెలుస్తుంది.

2. సంజు శాంసన్..

ఈసారి టీ20 ప్రపంచకప్‌నకు సంజూ శాంసన్‌ను టీమ్‌ఇండియా ఎంపిక చేసింది. ఐపీఎల్ 2024 అతనికి కూడా బాగానే సాగింది. ఈ కారణంగానే సెలక్టర్లు కేఎల్ రాహుల్‌ను ఎంపిక చేయకుండా సంజూ శాంసన్‌ను భారత జట్టులోకి తీసుకున్నారు. సంజూ శాంసన్‌ను జట్టులోకి తీసుకోవాలని అభిమానులు డిమాండ్ చేస్తున్నారు. అయితే సంజూ శాంసన్, రిషబ్ పంత్‌లలో ఒకరికి మాత్రమే ప్లేయింగ్ ఎలెవన్‌లో చోటు దక్కింది. ఇలాంటి పరిస్థితుల్లో సంజూ శాంసన్‌ను ప్రాక్టీస్ మ్యాచ్‌లో ఆడించి ఎలా రాణిస్తాడో చూడాల్సి ఉంటుంది.

3. యుజ్వేంద్ర చాహల్..

యుజ్వేంద్ర చాహల్ కూడా T20 ప్రపంచ కప్ జట్టులో చేరాడు. అతనిపై భారీ అంచనాలు ఉన్నాయి. వార్మప్ మ్యాచ్‌లో చాహల్‌కు కూడా అవకాశం రావాలి. తద్వారా అతను ఈ పిచ్‌లపై ఎలాంటి ప్రదర్శన చేయగలడో తెలుసుకోవచ్చు. చాహల్ ఫామ్‌లో కొనసాగితే టీమ్ ఇండియాకు ఇది చాలా శుభవార్త.