T20 World Cup 2021: న్యూజిలాండ్‌ VS అఫ్గానిస్థాన్‌ మ్యాచ్.. నెటిజన్ల మీమ్స్‌ చూశారా..

ప్రస్తుతం భారత్‌లోని కోట్లాది క్రికెట్‌ అభిమానుల దృష్టంతా ఆదివారం జరగనున్న న్యూజిలాండ్‌- అఫ్గానిస్థాన్‌ మ్యాచ్‌ పైనే ఉంది. ఈ మ్యాచ్‌లో అఫ్గాన్‌ గెలవాలి.. భారత్‌ సెమీస్‌కు దూసుకెళ్లాలని

Basha Shek |
Updated on: Nov 06, 2021 | 9:51 PM

ప్రస్తుతం భారత్‌లోని కోట్లాది క్రికెట్‌ అభిమానుల దృష్టంతా ఆదివారం జరగనున్న న్యూజిలాండ్‌- అఫ్గానిస్థాన్‌ మ్యాచ్‌ పైనే ఉంది. ఈ మ్యాచ్‌లో అఫ్గాన్‌ గెలవాలి.. భారత్‌ సెమీస్‌కు దూసుకెళ్లాలని ప్రతిఒక్కరూ కోరుకుంటున్నారు. గ్రూప్‌-2 నుంచి పాకిస్తాన్‌ ఇప్పటికే సెమీస్‌ చేరుకోగా.. మరో స్థానం కోసం భారత్‌తో పాటు న్యూజిలాండ్‌, అఫ్గాన్‌ జట్లు పోటీ పడుతున్నాయి. నాలుగు మ్యాచ్‌ల్లో మూడు మ్యాచ్‌లు గెలిచిన న్యూజిలాండ్‌ మొత్తం 6 పాయింట్లతో గ్రూప్‌లో రెండో స్థానంలో ఉంది. ఇక 4 మ్యాచ్‌ల్లో రెండు విజయాలతో ఇండియా, అఫ్గాన్‌ జట్లు 3, 4 స్థానాల్లో ఉన్నాయి. ఈ క్రమంలో ఆదివారం జరగనున్న మ్యాచ్‌లో న్యూజిలాండ్‌ను అఫ్గాన్‌ ఓడిస్తే న్యూజిలాండ్‌ ఇంటి దారి పట్టి భారత్‌కు సెమీస్‌ మార్గం సుగమమవుతుంది. నమీబియాను ఓడించి ఇండియా నాకౌట్‌ దశకు చేరుకోవచ్చు.

ఈ క్రమంలోనే ఆదివారం జరిగే మ్యాచ్‌లో అఫ్గాన్‌ గెలవాలని అందరూ కోరుకుంటున్నారు. ఇదే సందర్భమని భావించిన నెటిజన్లు తమ క్రియేటివిటీకి పనిచెప్పారు. మ్యాచ్‌లో గెలవాలని భారత ఆటగాళ్లు అఫ్గాన్‌ క్రికెటర్లను వేడుకుంటున్నట్లు, బుజ్జగిస్తున్నట్లు రకరకాల మీమ్స్‌ను రూపొందించారు. ప్రస్తుతం ఈ మీమ్స్‌ సోషల్ మీడియాలో వైరల్‌గా మారాయి. ముఖ్యంగా అఫ్గాన్‌ జట్టులో కీలక ఆటగాడైన రషీద్‌ఖాన్‌ను మహేంద్ర సింగ్‌ ధోని, విరాట్‌ కోహ్లీ, రోహిత్‌ శర్మలు ముస్తాబు చేసుకునే మీమ్‌ నవ్వు తెప్పిస్తోంది. మరి ప్రస్తుతం నెట్టింట్లో ట్రెండ్‌ అవుతోన్న ఈ మీమ్స్‌పై మీరూ ఓ లుక్కేయండి.