T20 World Cup 2021, Points Table: T20 ప్రపంచ కప్ సెమీఫైనల్స్‌లో నాల్గవ స్థానం కోసం పెరిగిన పోటీ.. పాయింట్ల పట్టికలో నువ్వా.. నేనా..
పాకిస్తాన్ ఫైనల్-4లోకి ప్రవేశించిన తర్వాత మిగిలిన మూడు జట్లను ఇంకా నిర్ణయించలేదు. శనివారం జరిగిన మ్యాచ్ ఫలితాల ఆధారంగా వీటిలో రెండు జట్ల పేర్లను ఖరారు చేశారు.
ICC T20 ప్రపంచ కప్ 2021లో టైటిల్ కోసం 4 జట్లు పోటీ పడుతుండగా పరిస్థితి స్పష్టమవుతోంది. పాకిస్తాన్ ఫైనల్-4లోకి ప్రవేశించిన తర్వాత మిగిలిన మూడు జట్లను ఇంకా నిర్ణయించలేదు. శనివారం జరిగిన మ్యాచ్ ఫలితాల ఆధారంగా వీటిలో రెండు జట్ల పేర్లను ఖరారు చేశారు. రెండు గ్రూప్-1 మ్యాచ్‌ల తర్వాత నవంబర్ 6 శనివారం జరిగిన సూపర్-12 రౌండ్‌లో ఇంగ్లాండ్- ఆస్ట్రేలియా సెమీఫైనల్‌లోకి ప్రవేశించాయి.
తొలి మ్యాచ్‌లో ఆస్ట్రేలియా బ్యాటింగ్‌ ఆధారంగా వెస్టిండీస్‌ను 8 వికెట్ల తేడాతో ఓడించి తన స్థానంను బలపర్చుకుంది. రెండవ మ్యాచ్‌లో దక్షిణాఫ్రికా 10 పరుగుల తేడాతో ఇంగ్లండ్‌ను ఓడించింది. అయితే ఆ జట్టు సెమీ-ఫైనల్‌కు దూరంగా ఉంది. ఓడిపోయినప్పటికీ ఇంగ్లండ్ సెమీ-ఫైనల్స్‌లో తమ స్థానాన్ని ఖాయం చేసుకుంది. ఆస్ట్రేలియా కూడా లాభపడింది. చివరికి..T20 ప్రపంచ కప్ 2021 పాయింట్ల పట్టిక స్థానం ఇలా మారింది.
గ్రూప్-1లో సెమీఫైనల్ పోరు చివరి రోజు వరకు కొనసాగింది. గ్రూప్‌లోని చివరి మ్యాచ్‌లు శనివారం జరిగాయి. ఈ రెండు మ్యాచ్‌ల నుండి సెమీ-ఫైనల్‌కు ఏ రెండు జట్లు చేరుకోవాలో నిర్ణయించారు. గ్రూప్ రౌండ్ చివరి మ్యాచ్ తర్వాత ఇంగ్లాండ్, ఆస్ట్రేలియా, దక్షిణాఫ్రికా 8-8 పాయింట్లను కలిగి ఉన్నాయి. అయితే మూడు జట్ల మధ్య నెట్ రన్ రేట్ మాత్రమే తేడా ఉంది. ఇదే నిర్ణయాత్మకంగా మారింది.
SA vs ENG మ్యాచ్ తర్వాత పాయింట్ టేబుల్: గ్రూప్-1
ఈ ఓటమి తర్వాత ఇంగ్లండ్ NRR +2.464కి పడిపోయింది. అయితే ఇది ఇప్పటికీ గ్రూప్ 1లోని ఏ ఇతర జట్టు కంటే అత్యధికంగా ఉంది. అందువల్ల ఇంగ్లాండ్ గ్రూప్‌లో మొదటి స్థానంలో కొనసాగింది. అదే సమయంలో వరుసగా రెండు ప్రధాన విజయాలు సాధించిన ఆస్ట్రేలియా జట్టు +1.216 రన్ రేట్‌ను కలిగి ఉంది. తద్వారా జట్టు రెండవ స్థానంలో నిలిచింది.
ఇంగ్లండ్‌పై విజయంలో మూడో స్థానంలో ఉన్న దక్షిణాఫ్రికా రన్ రేట్ పెద్దగా ప్రభావితం కాలేదు. +0.739గా ఉంది. కాగా, శ్రీలంక 4 పాయింట్లతో గ్రూప్‌లో నాలుగో స్థానంలో ఉండగా వెస్టిండీస్ (2 పాయింట్లు) ఐదో స్థానంలో.. బంగ్లాదేశ్ (0 పాయింట్లు) చివరి స్థానాల్లో ఉన్నాయి.
SA vs ENG మ్యాచ్ తర్వాత పాయింట్ టేబుల్: గ్రూప్-2
ఇక అదే సమయంలో ఇప్పటి వరకు పాకిస్తాన్ జట్టు మాత్రమే సెమీఫైనల్‌కు చేరిన గ్రూప్ 2పై ఇప్పుడు అందరి దృష్టి ఉంది. పాయింట్ల పట్టిక ప్రకారం న్యూజిలాండ్ 6 పాయింట్లతో రెండో స్థానంలో నిలిచి సెమీఫైనల్స్‌కు గట్టి పోటీనిస్తోంది. టీమిండియా మూడవ స్థానంలో ఉంది. ఇది సరిగ్గా ఆఫ్ఘనిస్తాన్ కంటే 4 పాయింట్లు వెనుకబడి ఉంది. కానీ NRR మెరుగ్గా ఉంది.
ఆఫ్ఘనిస్తాన్ నాలుగో స్థానంలో ఉంది. గ్రూప్‌లో నమీబియా (2 పాయింట్లు) ఐదో స్థానంలో ఉండగా.. స్కాట్లాండ్ (0 పాయింట్లు) ఇప్పటికే టోర్నీ నుంచి నిష్క్రమించింది. రేపటి ఆఫ్ఘనిస్తాన్ vs న్యూజిలాండ్ మ్యాచ్ నుండి ఈ గ్రూప్ నుండి సెమీ-ఫైనల్ నిర్ణయం రావచ్చు. న్యూజిలాండ్‌కు ఒక్క విజయం మాత్రమే కావాలి.
ఇవి కూడా చదవండి: Drone Attack: బాగ్దాద్‌లో భారీ పేలుడు.. ప్రధానిని టార్గెట్ చేస్తూ డ్రోన్ దాడి..
Income Tax: ఇళ్లు, భూమి కోనుగోలు చేస్తున్నారా.. ఈ విషయంను తప్పకా గుర్తుంచుకోండి..
