Visakhapatnam: విశాఖలో ఐపీఎల్ మ్యాచ్‌లు.. టికెట్ల విక్రయాలు ప్రారంభం.. ధరలివే?

Visakhapatnam: ఈ నెల 31న ఢిల్లీ క్యాపిటల్స్‌ వర్సెస్ చెన్నై సూపర్‌ కింగ్స్‌ జట్ల మధ్య జరగనున్న మ్యాచ్‌ కోసం నేడు అంటే ఆదివారం ఉదయం 10 గంటల నుంచి టికెట్ల అమ్మకాలు ప్రారంభం కానున్నాయి. ఈ నెల 31న ఢిల్లీ క్యాపిటల్స్‌ వర్సెస్ కోల్ కత్తా నైట్ రైడర్స్ జట్ల మధ్య జరగనున్న మ్యాచ్‌కు 27వ తేదీ నుంచి టికెట్ల విక్రయాలు జరగనున్నాయి.

Ipl 2024 Vizag

Eswar Chennupalli | Edited By: Venkata Chari|
Updated on: Mar 24, 2024 | 10:32 AM

Visakhapatnam: వైజాగ్‌లో ఐపీఎల్ సందడి ప్రారంభంకానుంది. డాక్టర్‌ వైఎస్సార్‌ ఏసీఏ–వీడీసీఏ అంతర్జాతీయ క్రికెట్‌ స్టేడియంలో ఈనెల 31, వచ్చే నెల 3వ తేదీన నిర్వహించనున్న ఇండియన్‌ ప్రీమియర్‌ లీగ్‌ (IPL) మ్యాచ్‌లకు సంబంధించి నేటి నుంచి ఆన్‌లైన్‌లో టికెట్లు విక్రయించనున్నట్లు ఢిల్లీ క్యాపిటల్స్‌ యాజమాన్యం తెలిపింది.

ఈ నెల 31న, ఏప్రిల్ 3న మ్యాచ్ లు..

ఈ నెల 31న ఢిల్లీ క్యాపిటల్స్‌ వర్సెస్ చెన్నై సూపర్‌ కింగ్స్‌ జట్ల మధ్య జరగనున్న మ్యాచ్‌ కోసం నేడు అంటే ఆదివారం ఉదయం 10 గంటల నుంచి టికెట్ల అమ్మకాలు ప్రారంభం కానున్నాయి. ఈ నెల 31న ఢిల్లీ క్యాపిటల్స్‌ వర్సెస్ కోల్ కత్తా నైట్ రైడర్స్ జట్ల మధ్య జరగనున్న మ్యాచ్‌కు 27వ తేదీ నుంచి టికెట్ల విక్రయాలు జరగనున్నాయి.

పేటీఎం, పేటీఎం ఇన్‌సైడర్, ఢిల్లీ క్యాపిటల్స్‌ వెబ్‌సైట్ల ద్వారా టికెట్ల అమ్మకం..

పేటీఎం, పేటీఎం ఇన్‌సైడర్, ఢిల్లీ క్యాపిటల్స్‌ వెబ్‌సైట్ల ద్వారా ఆన్‌లైన్‌లో టికెట్లను కొనుగోలు చేయవచ్చని తెలిపింది ఢిల్లీ క్యాపిటల్స్. అదే సమయంలో ఆన్‌లైన్‌లో కొనుగోలు చేసిన టికెట్లను పీఎం పాలెంలో ఉన్న స్టేడియం ‘బి’ గ్రౌండ్, నగరంలోని స్వర్ణభారతి ఇండోర్‌ స్టేడియంలో ప్రత్యేకంగా ఏర్పాటు చేసిన రెడెమ్షన్‌ కౌంటర్ల ద్వారా పొందవచ్చని వివరించారు. ఏప్రిల్‌ 3వ తేదీ మ్యాచ్‌కు 26 తేదీ నుంచి, ఈ నెల 31వ తేదీ మ్యాచ్‌ కోసం 27వ తేదీ ఉదయం 11 గంటల నుంచి రెడీమ్‌ చేసుకోవచ్చని ఢిల్లీ కాపిటల్స్ ఫ్రాంచైజీ ప్రకటించింది.

టికెట్ల ధరలు ఇలా..

విశాఖలో జరగనున్న రెండు ఐపీఎల్ మ్యాచ్‌ల కోసం ఆన్ లైన్‌లో విక్రయించే టికెట్ల ధరలను కూడా ఈ మేరకు ప్రకటించింది ఢిల్లీ క్యాపిటల్స్ యాజమాన్యం. రూ. 7,500, రూ. 5,000, రూ. 3,500, రూ. 3,000, రూ. 2,500, రూ. 2,000, రూ. 1,500, రూ. 1,000 విలువ చేసే టికెట్లు ఆన్‌లైన్‌లో అందుబాటులో ఉంటాయనీ వెల్లడించింది.