Video: ద టీజ్ రోహిత్.. ప్యాంట్ జారుతున్నా.. ఫీల్డింగ్లో తగ్గేదేలే.. వీడియో చూస్తే సెల్యూట్ చేయాల్సిందే..
Rohit Sharma: ఇండియన్ ప్రీమియర్ లీగ్ (IPL 2024) 29వ మ్యాచ్లో ముంబై ఇండియన్స్ ఓడిపోయింది. చెన్నై సూపర్ కింగ్స్ నిర్దేశించిన 206 పరుగుల లక్ష్యాన్ని ఛేదించిన ముంబై ఇండియన్స్ జట్టు 20 ఓవర్లలో 6 వికెట్లు కోల్పోయి 186 పరుగులు మాత్రమే చేయగలిగింది. దీంతో సీఎస్కే జట్టు 20 పరుగుల తేడాతో విజయం సాధించింది.
Updated on: Apr 15, 2024 | 1:29 PM
ఇండియన్ ప్రీమియర్ లీగ్ (IPL 2024) 29వ మ్యాచ్లో ముంబై ఇండియన్స్పై చెన్నై సూపర్ కింగ్స్ జట్టు విజయం సాధించింది. ఈ మ్యాచ్లో ముంబై ఇండియన్స్ జట్టు కెప్టెన్ హార్దిక్ పాండ్యా టాస్ గెలిచి బౌలింగ్ ఎంచుకున్నాడు. తదనుగుణంగా తొలుత బ్యాటింగ్ చేసిన సీఎస్కే జట్టుకు శుభారంభం లభించలేదు. ఓపెనర్గా వచ్చిన అజింక్యా రహానె (5) తొందరగానే ఔటయ్యాడు. రచిన్ రవీంద్ర 21 పరుగులు చేసి వికెట్ లొంగిపోయాడు.
ఆ తర్వాత బరిలోకి దిగిన రుతురాజ్ గైక్వాడ్, శివమ్ దూబే అద్భుత బ్యాటింగ్ను ప్రదర్శించారు. కాగా, మ్యాచ్ 12వ ఓవర్లో రుతురాజ్ క్యాచ్ను రోహిత్ శర్మ జారవిడిచాడు.
ప్యాంట్ జారుతున్నా హిట్మ్యాన్ ఫీల్డింగ్:
12వ ఓవర్ 3వ బంతికి రుతురాజ్ గైక్వాడ్ లెగ్ సైడ్కు తగిలింది. బౌండరీ లైన్ నుంచి పరుగెత్తిన రోహిత్ శర్మ డైవింగ్ క్యాచ్ పట్టేందుకు ప్రయత్నించాడు. కానీ బంతి తప్పిపోయింది.
ఈ ప్రయత్నంలో రోహిత్ శర్మ ప్యాంట్ జారిపోయింది. అయితే హిట్మ్యాన్ ప్యాంట్ కిందకు దించుకుని ఫీల్డింగ్ కొనసాగించడం విశేషం. ఇప్పుడు ఈ ఫీల్డింగ్ వీడియో సోషల్ మీడియాలో వైరల్గా మారింది.
రోహిత్ శర్మ సెంచరీ చేసినా.. ఫలితం లేకుండా పాయే..
Chaddhi khol performance 🔥 pic.twitter.com/xxgWKCWOpV
— GoodMan🇮🇳 (@GoodMan_DHONI) April 14, 2024
ఈ మ్యాచ్లో సీఎస్కే జట్టు 20 ఓవర్లలో 4 వికెట్లు కోల్పోయి 206 పరుగులు చేసింది. ఈ కఠినమైన లక్ష్యాన్ని ఛేదించిన ముంబై ఇండియన్స్ ఓపెనర్ రోహిత్ శర్మ అద్భుతంగా సెంచరీ సాధించాడు.
63 బంతులు ఎదుర్కొన్న రోహిత్ శర్మ 5 సిక్సర్లు, 11 ఫోర్లతో అజేయంగా 105 పరుగులు చేశాడు. అయితే, ఈ మ్యాచ్లో ముంబై ఇండియన్స్ విజయం సాధించలేకపోయింది. చివరకు ముంబై ఇండియన్స్ 20 ఓవర్లలో 6 వికెట్లు కోల్పోయి 186 పరుగులు చేసి 20 పరుగుల తేడాతో ఓడిపోయింది.
మరిన్ని క్రీడా వార్తల కోసం ఇక్కడ క్లిక్ చేయండి..
