CSK vs GT, Qualifier 1: రికార్డుల వేటలో పడిన చెన్నై, గుజరాత్ ఆటగాళ్లు.. లిస్టులో ధోని సహచరులే ఎక్కువ..
IPL 2023, Qualifier 1: ఐపీఎల్ 16వ సీజన్ లీగ్ దశ ముగిసి, టోర్నీ కీలక ఘట్టానికి చేరుకుంది. లీగ్ దశలో 70 మ్యాచ్లు జరగ్గా.. టాప్ 4 లో నిలిచిన నాలుగు జట్లు ప్లేఆఫ్స్కు అర్హత సాధించాయి. ప్లే ఆఫ్కు చేరుకున్న 4 జట్లలో.. డిఫెండింగ్ చాంపియన్స్ గుజరాత్ టైటాన్స్..
Updated on: May 23, 2023 | 9:55 AM
IPL 2023, Qualifier 1: ఐపీఎల్ 16వ సీజన్ లీగ్ దశ ముగిసి, టోర్నీ కీలక ఘట్టానికి చేరుకుంది. లీగ్ దశలో 70 మ్యాచ్లు జరగ్గా.. టాప్ 4 లో నిలిచిన నాలుగు జట్లు ప్లేఆఫ్స్కు అర్హత సాధించాయి. ప్లే ఆఫ్కు చేరుకున్న 4 జట్లలో.. డిఫెండింగ్ చాంపియన్స్ గుజరాత్ టైటాన్స్, నాలుగు సార్లు టోర్నీ విజేత చెన్నై సూపర్ కింగ్స్, అత్యధిక సార్లు ఐపీఎల్ ట్రోఫీ గెలిచిన ముంబై ఇండియన్స్, లక్నో సూపర్ జెయింట్స్ ఉన్నాయి. ఇదిలా ఉండగా ఈ రోజు రాత్రి 7:30 గంటలకు చెన్నై వేదికగా జరిగే తొలి క్వాలిఫయర్ మ్యాచ్లో చెన్నై-గుజరాత్ జట్లు తలపడబోతున్నాయి. ఇక ఈ మ్యాచ్లో కొందరు ప్లేయర్లు రికార్డులు సృష్టించేందుకు సిద్ధంగా ఉన్నారు. మరి వారెవరో ఇప్పుడే చూసేద్దాం..
రికార్డులు సృష్టించేందుకు సిద్ధంగా ఉన్న ఆటగాళ్లు:
- చెన్నై సూపర్ కింగ్స్ ఆల్రౌండర్ రవీంద్ర జడేజా మరో 2 సిక్సర్లు బాదితే ఐపీఎల్లో 100 సిక్స్లను పూర్తి చేశాడు.
- అలాగే జడేజా మరో వికెట్ తీస్తే ఐపీఎల్లో 150 వికెట్ల పడగొట్టిన రికార్డు కూడా అందుకుంటాడు.
- టీ20 క్రికెట్లో 6000 పరుగులు పూర్తి చేసేందుకు చెన్నై బ్యాట్స్మ్యాన్ అంబటి రాయుడు 8 పరుగుల దూరంలో ఉన్నాడు.
- అంతేకాదు రాయుడు మరో 5 బౌండరీలు బాదితే టీ20 క్రికెట్లో 500 బౌండరీలను కూడా పూర్తి చేస్తాడు.
- చెన్నై ఆటగాడు అజింక్య రహానే కూడా టీ20 క్రికెట్లో 6000 పరుగులు పూర్తి చేసేందుకు 78 పరుగుల దూరంలో ఉన్నాడు.
- గుజరాత్ టీమ్ కెప్టెన్ హార్దిక్ పాండ్యా మరోసారి తన జట్టుకు టైటిల్ అందించేందుకు ప్రయత్నిస్తున్నాడు. అయితే నేటి మ్యాచ్లో పాండ్యా మరో 2 వికెట్లు తీయగలిగితే.. తన టీ20 క్రికెట్ కెరీర్లో 150 వికెట్లు పడగొట్టిన ఘనత అందుకుంటాడు.
- గుజరాత్ టీమ్ తరఫున ఫామ్లో ఉన్న శుభ్మన్ గిల్ మరో 41 పరుగులు చేస్తే టీ20 ఫార్మాట్లో 3500 పరుగులు పూర్తి చేసుకుంటాడు.
- ఇదే తరహాలో శుభ్మన్ గిల్ మరో 8 బౌండరీలు బాదితే టీ20 క్రికెట్లో 350 బౌండరీలు పూర్తి చేస్తాడు.
- ఇంకా గుజరాత్ టైటాన్స్ టీమ్లోని అల్జారీ జోసెఫ్ తన టీ20 క్రికెట్ కెరీర్లో 99 వికెట్లు పడగొట్టాడు. ఈ నేపథ్యంలో అతను మరో వికెట్ తీస్తే టీ20 వికెట్ల సెంచరీని నమోదు చేస్తాడు.
కాగా నేటి క్వాలిఫయర్-1 మ్యాచ్లో గెలిచిన జట్టు నేరుగా ఐపీఎల్ 2023 ఫైనల్కు చేరుకుంటుంది. అలాగే ఓడిన జట్టుకు ఫైనల్ చేరుకోవడానికి మరో అవకాశం పొందుతుంది. ఎలా అంటే ఎలిమినేటర్ మ్యాచ్(లక్నో సూపర్ జెయింట్స్ vs ముంబై ఇండియన్స్) విజేతతో క్వాలిఫయర్-2 మ్యాచ్లో నేటి మ్యాచ్లో ఓడిన జట్టు తలపడనుంది. ఆ మ్యాచ్లో గెలిచిన జట్టు ఫైనల్స్కు చేరుకుంటుంది.
మరిన్ని క్రీడా వార్తల కోసం ఇక్కడ క్లిక్ చేయండి..
