IND vs AFG: టాస్ గెలిచిన భారత్.. వైభవ్ ఔట్.. ఎందుకంటే?
Afghanistan vs India, 1st T20I: 94 ఏళ్లలో ఇలాంటి క్రికెట్ సిరీస్ జరగడం ఇదే మొదటిసారి. దీనికి కారణం ఆఫ్ఘనిస్తాన్ క్రికెట్ బోర్డు ఈ సిరీస్కు ఆతిథ్యం ఇవ్వడమే. భద్రతా కారణాల వల్ల ఆఫ్ఘనిస్తాన్ స్వదేశంలో మ్యాచ్లకు ఆతిథ్యం ఇవ్వలేదు, కాబట్టి దాని స్వదేశీ మ్యాచ్లు భారతదేశం లేదా యూఏఈలో జరుగుతాయి.
Updated on: Sep 13, 2026 | 7:11 PM
Afghanistan vs India, 1st T20I: భారత్, ఆఫ్ఘనిస్తాన్ మధ్య మూడు మ్యాచ్ల టీ20 సిరీస్ నేడు మొదలైంది. ఈ 3 మ్యాచ్లు ఢిల్లీలోని అరుణ్ జైట్లీ స్టేడియంలో జరుగుతోంది. ఈ క్రమంలో టాస్ గెలిచిన భారత జట్టు ముందుగా బౌలింగ్ ఎంచుకుంది. అయితే, ఈ మ్యాచ్లో వైభవ్ సూర్యవంశీ ఆడడం లేదు. ఈ మ్యాచ్లు భారతదేశంలో జరుగుతున్నప్పటికీ, ఆఫ్ఘనిస్తాన్ ఆతిథ్య జట్టుగా, భారత్ పర్యటక జట్టుగా ఉంటుంది. 94 ఏళ్లలో ఇలాంటి క్రికెట్ సిరీస్ జరగడం ఇదే మొదటిసారి. దీనికి కారణం ఆఫ్ఘనిస్తాన్ క్రికెట్ బోర్డు ఈ సిరీస్కు ఆతిథ్యం ఇవ్వడమే. భద్రతా కారణాల వల్ల ఆఫ్ఘనిస్తాన్ స్వదేశంలో మ్యాచ్లకు ఆతిథ్యం ఇవ్వలేదు, కాబట్టి దాని స్వదేశీ మ్యాచ్లు భారతదేశం లేదా యూఏఈలో జరుగుతాయి. ఇది టీమ్ ఇండియాకు ఒక కొత్త అనుభవం కానుంది. భారత క్రికెట్ 94 ఏళ్ల చరిత్రలో స్వదేశంలో మ్యాచ్లు ఆడబోవడం, కానీ ఆతిథ్య జట్టుగా ఉండకపోవడం ఇదే మొదటిసారి.
ఇబ్రహీం జద్రాన్: మేము టాస్ గెలిచినా ముందుగా బౌలింగ్ ఎంచుకునేవాళ్లం. కాబట్టి ఇప్పుడు బ్యాటింగ్ పై దృష్టి పెట్టి మంచి స్కోరు సాధించేందుకు ప్రయత్నిస్తాం. భారత్లోనే భారత్కు ఆతిథ్యమివ్వడం గొప్ప అనుభూతినిస్తోంది. వారిపై మంచి సిరీస్ ఆడాలని చూస్తున్నాం. మా మిత్రుల నుంచి మాకు ఎంతో మద్దతు లభించింది, వారు వచ్చి మాలో మరింత ఉత్సాహాన్ని నింపుతారని ఆశిస్తున్నాం. నవీన్ ఈ మ్యాచ్ ఆడటం లేదు, తర్వాతి మ్యాచ్లలో అతని గురించి ఆలోచిస్తాం.
శ్రేయస్ అయ్యర్: మేము ముందుగా బౌలింగ్ చేయబోతున్నాం. ఢిల్లీకి వచ్చినప్పుడల్లా ఇక్కడి పిచ్ ఎలాంటిదో ముందే ఒక అవగాహన ఉంటుంది, సాధారణంగా ఇది మొదట బౌలింగ్ చేయడానికి అనుకూలించే వికెట్. జింబాబ్వే పర్యటనలో మాకు ఎన్నో సానుకూలాంశాలు లభించాయి, వాటిని ఇలాగే కొనసాగించడానికి ప్రయత్నిస్తాం. బుమ్రా మ్యాచ్ విన్నర్ అని మనందరికీ తెలుసు. వైభవ్ ఆడటం లేదు, వాషింగ్టన్ ఆడటం లేదు, వీరితో పాటు మరో ఇద్దరు కూడా ఆడటం లేదు.
భారత్ (ప్లేయింగ్ ఎలెవన్): సంజూ శాంసన్ (వికెట్ కీపర్), అభిషేక్ శర్మ, ఇషాన్ కిషన్, శ్రేయస్ అయ్యర్ (కెప్టెన్), తిలక్ వర్మ, నితీష్ కుమార్ రెడ్డి, శివమ్ దూబే, అక్షర్ పటేల్, అర్ష్దీప్ సింగ్, జస్ప్రీత్ బుమ్రా, వరుణ్ చక్రవర్తి.
మరిన్ని క్రీడా వార్తల కోసం ఇక్కడ క్లిక్ చేయండి..
