IND vs AUS: కుంబ్లే రికార్డులపై కన్నేసిన భారత దిగ్గజ బౌలర్.. మురళీధరన్ క్లబ్‌లోనూ చేరే ఛాన్స్..

Team India: అశ్విన్ ఇప్పటి వరకు ఆడిన 88 మ్యాచుల్లో 52.5 స్ట్రైక్ రేట్‌తో 449 వికెట్లు తీశాడు. బోర్డర్‌ గవాస్కర్‌ ట్రోఫీలో తొలి మ్యాచ్‌లో వికెట్‌ తీస్తే.. అశ్విన్‌ తన టెస్టు కెరీర్‌లో 450 వికెట్లు పూర్తి చేసుకుంటాడు.

Ind Vs Aus Test Series

Venkata Chari |

Updated on: Feb 04, 2023 | 7:37 AM

ఆస్ట్రేలియాతో ఫిబ్రవరి 9 నుంచి ప్రారంభం కానున్న బోర్డర్ గవాస్కర్ టెస్టు సిరీస్‌లో మాజీ దిగ్గజం అనిల్ కుంబ్లే రికార్డును బద్దలు కొట్టేందుకు భారత స్పిన్నర్ ఆర్ అశ్విన్‌కు గొప్ప అవకాశం లభించింది. అతను ఇలా చేయగలిగితే ఈ భారత స్టార్ బౌలర్, లంక దిగ్గజం మురళీధరన్ ప్రత్యేకమైన క్లబ్‌లో చేరతాడు. కుంబ్లే రికార్డును బద్దలు కొట్టిన తర్వాత, మురళీధరన్ తర్వాత టెస్టు క్రికెట్‌లో అత్యంత వేగంగా 450 వికెట్లు తీసిన బౌలర్‌గా అశ్విన్ నిలుస్తాడు. నాలుగు టెస్టు మ్యాచ్‌ల సిరీస్‌లో భాగంగా భారత్, ఆస్ట్రేలియా మధ్య తొలి మ్యాచ్ నాగ్‌పూర్ వేదికగా జరగనుంది.

అశ్విన్ 88 మ్యాచ్‌ల్లో 24.30 సగటుతో, 2.77 ఎకానమీతో, 52.5 స్ట్రైక్ రేట్‌తో 449 వికెట్లు తీశాడు. బోర్డర్‌ గవాస్కర్‌ ట్రోఫీలో తొలి మ్యాచ్‌లో వికెట్‌ తీసిన అశ్విన్‌ తన టెస్టు కెరీర్‌లో 450 వికెట్లు పూర్తి చేసుకున్నాడు. అశ్విన్ తన 89వ మ్యాచ్‌లో ఈ మైలురాయిని సాధిస్తాడు. అతని కంటే ముందు టెస్టు క్రికెట్ చరిత్రలో అత్యంత వేగంగా 450 వికెట్లు తీసిన బౌలర్ ముత్తయ్య మురళీధరన్ 80 మ్యాచ్‌ల్లో ఈ ఘనత సాధించాడు. కుంబ్లే గురించి మాట్లాడితే, అతను టెస్ట్ క్రికెట్‌లో 450 వికెట్ల రికార్డును చేరుకోవడానికి 93 మ్యాచ్‌లు తీసుకున్నాడు.

టెస్టు క్రికెట్‌లో అత్యంత వేగంగా 450 వికెట్లు తీసిన బౌలర్లు..

ముత్తయ్య మురళీధరన్ (శ్రీలంక) – 80 టెస్టు మ్యాచ్‌లు

ఇవి కూడా చదవండి

అనిల్ కుంబ్లే (భారత్) – 93 టెస్టు మ్యాచ్‌లు

గ్లెన్ మెక్‌గ్రాత్ (ఆస్) – 100 టెస్టు మ్యాచ్‌లు

షేన్ వార్న్ (ఆస్) – 101 టెస్టు మ్యాచ్‌లు

నాథన్ లియాన్ (ఆస్ట్రేలియా) – 112 టెస్టు మ్యాచ్‌లు

దీంతో టెస్టు క్రికెట్‌లో 450 వికెట్లు తీసిన ప్రపంచంలో 5వ స్పిన్నర్, 9వ బౌలర్‌గా అశ్విన్ నిలిచాడు. అతని కంటే ముందు ముత్తయ్య మురళీధరన్, షేన్ వార్న్, జేమ్స్ అండర్సన్, అనిల్ కుంబ్లే, స్టువర్ట్ బ్రాడ్, గ్లెన్ మెక్‌గ్రాత్, కోర్ట్నీ వాల్ష్, నాథన్ లియోన్ ఈ ఘనత సాధించారు.