IND vs AUS 3rd Test: ఈసారి ఆస్ట్రేలియా పరువు కాపాడిన వర్షం.. కట్‌చేస్తే.. డ్రాగా ముగిసిన గబ్బా టెస్ట్
Australia vs India, 3rd Test: భారత్-ఆస్ట్రేలియా మధ్య జరుగుతున్న గబ్బా టెస్టు డ్రా అయింది. ఐదో రోజు వర్షం కారణంగా పెద్దగా ఆట జరగకపోవడంతో మ్యాచ్ డ్రాగా ముగిసింది. సిరీస్ 1-1తో సమంగా మారింది. ఇక నాలుగో టెస్ట్ మ్యాచ్ డిసెంబర్ 26 నుంచి మెల్‌బోర్న్‌లో జరుగుతుంది.
Updated on: Dec 18, 2024 | 11:52 AM
Australia vs India, 3rd Test: భారత్-ఆస్ట్రేలియా మధ్య జరిగిన గబ్బా టెస్టు డ్రా అయింది. ఐదో రోజు వర్షం కారణంగా పెద్దగా ఆట జరగకపోవడంతో మ్యాచ్ డ్రాగా ముగిసింది. ఆస్ట్రేలియా భారత్‌కు 275 పరుగుల లక్ష్యాన్ని నిర్దేశించింది. ప్రతిస్పందనగా టీమ్ ఇండియా వికెట్ నష్టపోకుండా 8 పరుగులు చేసింది. ఆ తర్వాత బ్రిస్బేన్‌లో భారీ వర్షం కురవగా, ప్రతికూల వాతావరణం కారణంగా మ్యాచ్ డ్రా అయింది. ప్రస్తుతం టెస్టు సిరీస్ 1-1తో సమంగా ఇరుజట్లు నిలిచాయి. తదుపరి మ్యాచ్ డిసెంబర్ 26 నుంచి మెల్‌బోర్న్‌లో జరగనుంది.
కాపాడిన వర్షం..
మొత్తం మ్యాచ్‌లో ఆస్ట్రేలియా జట్టు ఆధిపత్యం ప్రదర్శించినా నాలుగో, చివరి రోజు మాత్రం టీమిండియా అద్భుత ఆటతీరును ప్రదర్శించిందనడంలో సందేహం లేదు. ఆస్ట్రేలియా టీమిండియాకు కేవలం 275 పరుగుల లక్ష్యాన్ని నిర్దేశించింది. గత పర్యటనలో ఆస్ట్రేలియాపై ఇదే మైదానంలో 328 పరుగుల స్కోరును ఛేదించిన టీమిండియా రికార్డు సృష్టించింది. ఇలాంటి పరిస్థితుల్లో ఈసారి కూడా ఈ స్కోరును ఛేదించడం సాధ్యమనిపించింది. అయితే, వర్షం ఆస్ట్రేలియాను కాపాడినట్లు అంతా భావిస్తున్నారు. ఎందుకంటే గబ్బా మైదానంలో టీమిండియాకు అనుకూలమైన చరిత్ర ఉంది.
హెడ్, బుమ్రా మ్యాచ్‌లో ఆధిపత్యం..
The play has been abandoned in Brisbane and the match is drawn.
After the Third Test, the series is evenly poised at 1-1
Scorecard – https://t.co/dcdiT9NAoa#TeamIndia | #AUSvIND pic.twitter.com/GvfzHXcvoG
— BCCI (@BCCI) December 18, 2024
గబ్బా టెస్టులో భారత జట్టు తరపున జస్ప్రీత్ బుమ్రా అద్భుత ప్రదర్శన చేశాడు. అతను మొదటి ఇన్నింగ్స్‌లో 6 వికెట్లు, రెండవ ఇన్నింగ్స్‌లో 3 వికెట్లు తీసుకున్నాడు. ఈ మ్యాచ్‌లో అతని పేరిట 9 వికెట్లు ఉన్నాయి. ఆస్ట్రేలియా తరపున, ట్రావిస్ హెడ్ మొదటి ఇన్నింగ్స్‌లో 152 పరుగుల ఇన్నింగ్స్ ఆడాడు. దీంతో ప్లేయర్ ఆఫ్ ది మ్యాచ్‌గా ఎంపికయ్యాడు. హెడ్ తర్వాత స్టీవ్ స్మిత్ తొలి ఇన్నింగ్స్‌లో 101 పరుగుల ఇన్నింగ్స్ ఆడాడు.
మరిన్ని క్రీడా వార్తల కోసం ఇక్కడ క్లిక్ చేయండి..
