T20 World Cup 2024: మరో రెండు వారాల్లో టీ20 ప్రపంచ కప్..టీమిండియా పూర్తి షెడ్యూల్ ఇదిగో..
క్రికెట్ అభిమానులు ఎంతగానో ఎదురుచూస్తున్న ప్రతిష్ఠాత్మక T20 ప్రపంచ కప్ కు కౌంట్ డౌన్ ప్రారంభమైంది. జూన్ 2 నుండి ఈ పొట్టి ప్రపంచకప్ సమరం స్టార్ట్ కానుంది. వెస్టిండీస్-అమెరికా సంయుక్తంగా నిర్వహించనున్న ఈ టోర్నీలో మొత్తం 20 జట్లు తలపడనున్నాయి. జూన్ 5న భారత జట్టు తొలి మ్యాచ్ ఆడనుంది
క్రికెట్ అభిమానులు ఎంతగానో ఎదురుచూస్తున్న ప్రతిష్ఠాత్మక T20 ప్రపంచ కప్ కు కౌంట్ డౌన్ ప్రారంభమైంది. జూన్ 2 నుండి ఈ పొట్టి ప్రపంచకప్ సమరం స్టార్ట్ కానుంది. వెస్టిండీస్-అమెరికా సంయుక్తంగా నిర్వహించనున్న ఈ టోర్నీలో మొత్తం 20 జట్లు తలపడనున్నాయి. జూన్ 5న భారత జట్టు తొలి మ్యాచ్ ఆడనుంది. మరి మరో రెండు వారాల్లో ప్రారంభం కానున్న ఈ మెగా క్రికెట్ టోర్నీలో టీమిండియా మ్యాచులు, టైమింగ్స్, వేదికల వివరాలకు సంబంధించిన పూర్తి సమాచారం తెలుసుకుందాం రండి.
టీమిండియా షెడ్యూల్..
- జూన్ 5 (బుధవారం) భారత్ vs ఐర్లాండ్: టీం ఇండియా తన తొలి మ్యాచ్‌ని ఐర్లాండ్‌తో ఆడనుంది. జూన్ 5న జరిగే ఈ మ్యాచ్ కు న్యూయార్క్‌లోని నసావు స్టేడియం మ్యాచ్‌కు ఆతిథ్యం ఇవ్వనుంది.
- జూన్ 9 (ఆదివారం) భారత్ వర్సెస్ పాకిస్థాన్: చిరకాల ప్రత్యర్థులు భారత్ , పాకిస్తాన్ జూన్ 9న తలపడనున్నాయి, ఈ మ్యాచ్ కూడా న్యూయార్క్‌లోని కొత్త క్రికెట్ స్టేడియం నసావు ఇంటర్నేషనల్ గ్రౌండ్‌లో జరగనుంది.
- జూన్ 12 (బుధవారం) భారత్ వర్సెస్ అమెరికా: టీ20 ప్రపంచకప్‌లో భారత్-అమెరికా జట్ల మధ్య జూన్ 12న జరగనుంది. ఈ మ్యాచ్ కు కూడా న్యూయార్క్‌లోని నసావు స్టేడియం వేదిక కానుంది. జూన్ 15 (శనివారం) భారత్ వర్సెస్ కెనడా: అమెరికాలోని లాడర్‌హిల్‌లోని సెంట్రల్ బ్రోవార్డ్ పార్క్ స్టేడియం వేదికగా జరగనున్న టీ20 ప్రపంచకప్ 33వ మ్యాచ్‌లో భారత్, కెనడా తలపడనున్నాయి.
- ఈ నాలుగు లీగ్ మ్యాచ్‌ల తర్వాత పాయింట్ల పట్టికలో టాప్-2లో నిలిచిన జట్లు సూపర్-8 దశకు చేరుకుంటాయి. ఆ తర్వాత 8 జట్ల మధ్య సూపర్-8 మ్యాచ్‌లు జరగనున్నాయి. ఇందులోంచి టాప్-4 జట్లు సెమీఫైనల్‌కు చేరుకుంటాయి.
టీ 20 ప్రపంచకప్ మ్యాచ్ లన్నీ భారత కాలమానం ప్రకారం రాత్రి 8 గంటలకు ప్రారంభమవుతాయి.
T20 ప్రపంచ కప్ 2024 గ్రూపులు..
గ్రూప్ ఏ: ఇండియా, పాకిస్థాన్, ఐర్లాండ్, కెనడా, యూఎస్‌ఏ
గ్రూప్ బి: ఇంగ్లండ్, ఆస్ట్రేలియా, నమీబియా, స్కాట్లాండ్, ఒమన్
గ్రూప్ సి: న్యూజిలాండ్, వెస్టిండీస్, ఆఫ్ఘనిస్తాన్, ఉగాండా, పాపువా న్యూ గినియా
గ్రూప్ డి: దక్షిణాఫ్రికా, శ్రీలంక, బంగ్లాదేశ్, నెదర్లాండ్స్, నేపాల్.
The ICC Men’s T20 World Cup Anthem from @duttypaul & @Kestheband is here – and it’s Out Of This World! 🌎 🏏
See if you can spot some of their friends joining the party @usainbolt, @stafanie07, Shivnarine Chanderpaul, @henrygayle 🤩#T20WorldCup | #OutOfThisWorld pic.twitter.com/SUHHaLt6AW
— T20 World Cup (@T20WorldCup) May 2, 2024
మరిన్ని క్రీడా వార్తల కోసం ఇక్కడ క్లిక్ చేయండి..
