IND vs SA: సౌతాఫ్రికాతో వన్డే సమరానికి సిద్ధమైన భారత్.. రోకో ఎంట్రీతో ఫుల్ జోష్.. ఫుల్ షెడ్యూల్ ఇదే?

India vs South Africa ODI Series: దక్షిణాఫ్రికాతో జరిగిన రెండు మ్యాచ్‌ల టెస్ట్ సిరీస్‌లో టీమిండియా (IND vs SA) దారుణమైన ఓటమిని చవిచూసింది. కోల్‌కతాలో జరిగిన తొలి టెస్ట్ మ్యాచ్‌లో దక్షిణాఫ్రికా భారత జట్టును 30 పరుగుల తేడాతో ఓడించింది. ఇప్పుడు గౌహతిలో జరిగిన రెండో టెస్ట్ మ్యాచ్‌ను కూడా దక్షిణాఫ్రికా గెలుచుకుంది. దీంతో సరిగ్గా 25 సంవత్సరాల తర్వాత భారత గడ్డపై టెస్ట్ సిరీస్‌ను గెలుచుకుని చరిత్ర సృష్టించిన దక్షిణాఫ్రికా జట్టు ఇప్పుడు వన్డే సిరీస్‌పై దృష్టి సారించింది. ఇదిలా ఉండగా, స్వదేశంలో టెస్ట్ సిరీస్‌ను కోల్పోయిన టీం ఇండియా వన్డే సిరీస్‌ను గెలుచుకుని టెస్ట్ సిరీస్ ఓటమికి ప్రతీకారం తీర్చుకోవాలని చూస్తోంది. ఇరు జట్ల మధ్య మూడు మ్యాచ్‌ల వన్డే సిరీస్ నవంబర్ 30 నుంచి ప్రారంభమవుతుంది.

వన్డే సిరీస్‌లో హెడ్-టు-హెడ్ రికార్డులు..

ఇప్పటివరకు భారత్, దక్షిణాఫ్రికా మధ్య 94 వన్డేలు జరిగాయి. వీటిలో టీం ఇండియా 40 మ్యాచ్‌ల్లో విజయం సాధించగా, దక్షిణాఫ్రికా 51 వన్డేల్లో విజయం సాధించింది. మిగిలిన మూడు మ్యాచ్‌లు ఫలితం లేకుండా ముగిశాయి. అంటే, గణాంకాలను పరిశీలిస్తే, వన్డే క్రికెట్‌లో దక్షిణాఫ్రికా జట్టు భారత జట్టు కంటే ఆధిక్యంలో ఉందని చూడొచ్చు.

వన్డే సిరీస్ షెడ్యూల్..

మొదటి వన్డే: 30 నవంబర్ 2025, రాంచీ

ఇవి కూడా చదవండి

ఏరికోరి టీమిండియా కోచ్‌గా వచ్చింది ఇందుకేనా గంభీర్..

ఆ 4 తప్పులతో టీమిండియా పరువు తీసిన గంభీర్.. కట్‌చేస్తే..

నలుగురు ఆల్ రౌండర్లు, ఐదుగురు బౌలర్లు, ఆరుగురు బ్యాటర్లతో బరిలోకి

గంభీర్, అగార్కర్‌ల మూర్ఖత్వానికి నలుగురు బలి..

రెండవ వన్డే: 3 డిసెంబర్ 2025, రాయ్‌పూర్

మూడో వన్డే: 6 డిసెంబర్ 2025, విశాఖపట్నం

రెండు జట్లు..

వన్డే సిరీస్‌కు భారత జట్టు: కేఎల్ రాహుల్ (సి), రోహిత్ శర్మ, విరాట్ కోహ్లీ, యశస్వి జైస్వాల్, తిలక్ వర్మ, రిషబ్ పంత్, వాషింగ్టన్ సుందర్, రవీంద్ర జడేజా, కుల్దీప్ యాదవ్, నితీష్ కుమార్ రెడ్డి, హర్షిత్ రాణా, రుతురాజ్ గైక్వాడ్, ప్రసిద్ధ్ కృష్ణ, అర్ష్‌దీప్ సింగ్, ధ్రువ్ జురెల్.

దక్షిణాఫ్రికా జట్టు: టెంబా బావుమా (కెప్టెన్), ఓట్నీల్ బార్ట్‌మన్, కార్బిన్ బాష్, మాథ్యూ బ్రీట్జ్కే, డెవాల్డ్ బ్రూయిస్, నాండ్రే బెర్గర్, క్వింటన్ డి కాక్, టోనీ డి జార్జి, రూబిన్ హర్మాన్, కేశవ్ మహారాజ్, మార్కో జాన్సెన్, ఐడెన్ మార్క్రామ్, లుంగి న్గిడి, ర్యాన్ రికెల్టన్, ప్రెనెల్లన్ సుబ్రయాన్.