రెండేళ్లకే చిన్నారి అద్భుతం.. తబలాపై 12 తాళాలు వాయించి రికార్డ్‌

కర్ణాటకకు చెందిన ఓ రెండేళ్ల చిన్నారి తన అద్భుతమైన సంగీత ప్రతిభతో సంచలనం సృష్టించింది. కేవలం 2 సంవత్సరాల 10 నెలల వయస్సు ఉన్న ‘స్వర్‌శ్రీ హెగ్డే’ తబలాపై ఏకంగా 12 తాళాలను అలవోకగా వాయించి ‘ఇండియా బుక్ ఆఫ్ రికార్డ్స్’లో చోటు సంపాదించుకుంది. ఉత్తర కన్నడ జిల్లా హొన్నవరకు చెందిన ఈ బాలిక ప్రతిభకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. తబలా వాయించడమంటే కేవలం దానిని కొట్టడం మాత్రమే కాదు; అందుకు చేతి కదలికలపై అద్భుతమైన నియంత్రణ, లయపై పూర్తి అవగాహన ఉండాలి. భారతీయ శాస్త్రీయ సంగీతంలో అత్యంత క్లిష్టమైన తాళాలను, వాటి బోల్స్‌ను గుర్తుపెట్టుకుని మరీ ఈ చిన్నారి ప్రదర్శించడం అందరినీ విస్మయానికి గురిచేస్తోంది. ఇంత చిన్న వయస్సులో ఈ స్థాయి నైపుణ్యం ప్రదర్శించడం నిజంగా అసాధారణమని సంగీత నిపుణులు ప్రశంసిస్తున్నారు. ఈ చిన్నారి ప్రదర్శన చూసిన నెటిజన్లు సోషల్ మీడియా వేదికగా ప్రశంసల వర్షం కురిపిస్తున్నారు. ఇది ఉత్తర కన్నడ జిల్లాకే కాదు, దేశం మొత్తానికి గర్వకారణమని కొనియాడుతున్నారు. ఆమె సంగీత ప్రతిభను సరస్వతీ దేవితో పోలుస్తూ, ఈ చిన్నారి తబలా వాయించడం నమ్మశక్యంగా లేదని ఆశ్చర్యం వ్యక్తం చేస్తున్నారు. చిన్న వయస్సులోనే అసాధారణ ప్రతిభను చాటుతూ స్వర్‌శ్రీ హెగ్డే అందరి ప్రశంసలను అందుకుంటోంది.

మరిన్ని వీడియోల కోసం ఇక్కడ క్లిక్ చేయండి

Also Watch:

ఇంజనీరింగ్‌ చేయని ఇంజనీర్‌.. ఎగిరే కారును సృష్టించిన యువకుడు

ఈ వీడియో చూస్తే కన్నీళ్లు ఆగవు!

ఓడిన సర్పంచ్‌కి గ్రామస్తులు సత్కారం!

WhatsApp: వాట్సాప్ నుంచే ఇన్‌స్టా రీల్స్ షేర్.. అదిరిపోయే కొత్త ఫీచర్!

దీపావళికి ముఖం పాడవుతుందా? ఈ 5 టిప్స్ మిస్ అయితే నష్టపోతారు!