IND vs SA: దక్షిణాఫ్రికాతో పోరుకు సిద్ధమైన భారత్.. ఉమ్రాన్ మాలిక్ ఎంట్రీపై ద్రవిడ్ కీలక వ్యాఖ్యలు..
ఐపీఎల్ పిచ్‌పై తనదైన వేగంతో బ్యాట్స్‌మెన్‌లను వణికించిన ఉమ్రాన్ మాలిక్‌కు దక్షిణాఫ్రికాతో తొలి టీ20లో అవకాశం దక్కుతుందా? ఈ భారీ ప్రశ్నకు సిరీస్ ప్రారంభానికి ముండే టీమిండియా కోచ్ రాహుల్ ద్రవిడ్ సమాధానం అందించాడు.
భారత్ -దక్షిణాఫ్రికా(India vs South Africa) జట్ల మధ్య ఐదు టీ20ల సిరీస్ ప్రారంభానికి మరికొన్ని గంటలు మాత్రమే మిగిలి ఉంది. ఈ సిరీస్‌లో భాగంగా ఢిల్లీలోని అరుణ్ జైట్లీ స్టేడియంలో ఇరు జట్ల మధ్య తొలి మ్యాచ్ జరగనుంది. ఈ సిరీస్‌కు ఎంపికైన భారత జట్టులోని పలువురు యువకులపై ప్రత్యేక ఆకర్షణ కొనసాగుతోంది. ముఖ్యంగా ఉమ్రాన్ మాలిక్(Umran Malik)పై ఎన్నో అంచనాలు నెలకొన్నాయి. ఐపీఎల్ పిచ్‌పై తనదైన వేగంతో బ్యాట్స్‌మెన్‌లను వణికించిన ఉమ్రాన్ మాలిక్‌కు దక్షిణాఫ్రికాతో తొలి టీ20లో అవకాశం దక్కుతుందా? లేదా? అనేది చూడాలి. టీమిండియా కోచ్ రాహుల్ ద్రవిడ్(Rahul Dravid) ఈ ప్రశ్నకు సిరీస్ ప్రారంభానికి ముందు సమాధానం అందించాడు.
టీమిండియా జట్టులోకి ఎంట్రీ ఇచ్చేందుకు చాలా పోటీ నెలకొంది. ఇలాంటి పరిస్థితుల్లో ప్లేయింగ్ ఎలెవన్‌లో అందరికీ అవకాశం లభించదని రాహుల్ ద్రవిడ్ అన్నాడు. టీమిండియా ప్రధాన కోచ్ వాదన తర్వాత ఉమ్రాన్ మాలిక్ అరంగేట్రం కోసం ఢిల్లీని మించి నిరీక్షించే అవకాశం ఉందని స్పష్టమవుతోంది.
ఉమ్రాన్ ఢిల్లీ టీ20లో ఆడేనా?
ఉమ్రాన్ మాలిక్‌ను ప్లేయింగ్ XIలో చేర్చారా లేదా అనే ప్రశ్నపై, రాహుల్ ద్రవిడ్, “అతను యువకుడు, అతను నేర్చుకుంటున్నాడు. జట్టులో భిన్నమైన బౌలర్లు ఉన్నందుకు మేం సంతోషిస్తున్నాం. అయితే ఎవరికి ఎంత ఛాన్స్ ఇస్తారో చూడాలి. మనం సత్యాన్ని అర్థం చేసుకోవాలి. మా జట్టు చాలా పెద్దది. ఇందులో చాలా మంది ఆటగాళ్లు ఉన్నారు. కాబట్టి ప్లేయింగ్ XIలో అందరికీ అవకాశం ఇవ్వడం సాధ్యం కాదు’ అని తెలిపాడు.
బౌలర్ల సైన్యం ఎలా ఉందంటే?
ద్రవిడ్ మాట్లాడుతూ “అవకాశాలు ఇచ్చే వ్యక్తులలో నేను ఒకడిని. అయితే నేను ఉమ్రాన్‌కి ఎన్ని అవకాశాలు ఇవ్వగలను? అనేది చూడాలి. మనకు అర్ష్‌దీప్‌ సింగ్‌ కూడా మంచి బౌలర్‌‌గా ఉన్నాడు. భువనేశ్వర్, హర్షల్ పటేల్, అవేశ్ ఖాన్‌ల అనుభవాన్ని కూడా మనం ఉపయోగించుకోవాలి. మనకు చాలా ఎంపికలు ఉన్నందున ఇలాంటి తలనొప్పులు వస్తూనే ఉంటాయి’ అని పేర్కొన్నాడు.
ఉమ్రాన్ మాలిక్ జట్టులో ఉంటే కచ్చితంగా అతడిని ట్రై చేస్తానన్న విషయం రాహుల్ ద్రవిడ్ ప్రకటనలను బట్టి స్పష్టంగా కనిపిస్తోంది. అయితే, పరీక్షించేందుకు ఢిల్లీ వేదిక అవుతుందా లేదా మరో వేదిక అవుతుందా అనేది వేచి చూడాలి.
