Ind vs Eng 5th Test: ఒకే దెబ్బకు మూడు రికార్డులు.. ధర్మశాలలో లెక్కలు మార్చనున్న 41 ఏళ్ల ప్లేయర్..
India vs England 5th Test: ఇంగ్లండ్తో జరిగిన 5 మ్యాచ్ల టెస్టు సిరీస్ను టీమిండియా 3-1 తేడాతో కైవసం చేసుకుంది. తొలి మ్యాచ్లో ఇంగ్లండ్ విజయం సాధించగా, మిగిలిన మూడు మ్యాచ్ల్లో భారత్ వరుసగా విజయం సాధించింది. ఇప్పుడు 5వ మ్యాచ్కి ఇరు జట్లు ధర్మశాలలో తలపడేందుకు సిద్ధమయ్యాయి.
Updated on: Mar 02, 2024 | 3:35 PM
James Anderson: భారత్-ఇంగ్లండ్ జట్ల మధ్య గురువారం నుంచి 5వ టెస్టు మ్యాచ్ ప్రారంభం కానుంది. ధర్మశాలలో జరిగే ఈ మ్యాచ్ లో ఇంగ్లండ్ పేసర్ జేమ్స్ అండర్సన్ రాణిస్తే మూడు రికార్డులు లిఖించే అవకాశం ఉంది. ఆ రికార్డులు ఏంటో ఇప్పుడు చూద్దాం.. ఇంగ్లండ్తో జరిగిన 5 మ్యాచ్ల టెస్టు సిరీస్ను టీమిండియా 3-1 తేడాతో కైవసం చేసుకుంది. తొలి మ్యాచ్లో ఇంగ్లండ్ విజయం సాధించగా, మిగిలిన మూడు మ్యాచ్ల్లో భారత్ వరుసగా విజయం సాధించింది. ఇప్పుడు 5వ మ్యాచ్కి ఇరు జట్లు ధర్మశాలలో తలపడేందుకు సిద్ధమయ్యాయి.
700 వికెట్ల ప్రపంచ రికార్డు: టీమిండియాతో జరిగే ఈ మ్యాచ్లో జేమ్స్ అండర్సన్ 2 వికెట్లు తీస్తే టెస్టు క్రికెట్లో 700 వికెట్లు తీసిన ప్రపంచ రికార్డు హోల్డర్గా నిలిచాడు జేమ్స్ అండర్సన్. 186 టెస్టు మ్యాచ్ల నుంచి మొత్తం 698 వికెట్లతో అండర్సన్ టెస్టు క్రికెట్లో అత్యధిక వికెట్లు తీసిన మూడో బౌలర్గా నిలుస్తాడు.
150 వికెట్ల ఘనత: భారత్పై టెస్టు క్రికెట్లో 150 వికెట్లు తీయడానికి జేమ్స్ అండర్సన్కు కేవలం 3 వికెట్లు మాత్రమే అవసరం. టీమిండియాపై 38 టెస్టు మ్యాచ్లు ఆడిన జిమ్మీ.. ఇప్పటివరకు 147 వికెట్లు పడగొట్టాడు.
250 వికెట్ల రికార్డు: విదేశీ పిచ్లపై 250 టెస్టు మ్యాచ్లు పూర్తి చేసేందుకు అండర్సన్కు ఇంకా 8 వికెట్లు అవసరం. టీమిండియాతో జరుగుతున్న చివరి టెస్టు మ్యాచ్లో ఎనిమిది వికెట్లు పడగొట్టితే ప్రత్యేక రికార్డు లిఖించవచ్చు.
41 ఏళ్ల వయసులో కూడా ఫిట్గా కనిపిస్తూ ప్రపంచ రికార్డ్కు చేరువలో ఉన్నాడు. ధర్మశాలలో భారత్తో జరుగుతున్న చివరి టెస్టు మ్యాచ్లో 2 వికెట్లు పడగొటితే.. 700 వికెట్లు తీసి ప్రత్యేక ఫీట్ సాధించిన లిస్టులో చేరుతాడు.
స్క్వాడ్లు:
భారత జట్టు: యశస్వి జైస్వాల్, రోహిత్ శర్మ(కెప్టెన్), శుభమన్ గిల్, రజత్ పటీదార్, సర్ఫరాజ్ ఖాన్, రవీంద్ర జడేజా, ధ్రువ్ జురెల్(కీపర్), రవిచంద్రన్ అశ్విన్, కుల్దీప్ యాదవ్, మహ్మద్ సిరాజ్, ముఖేష్ కుమార్, అక్షర్ పటేల్, శ్రీకర్ భరత్, వాషింగ్టన్ సుందర్ , దేవదత్ పడిక్కల్, ఆకాష్ దీప్.
ఇంగ్లండ్ జట్టు: జాక్ క్రాలీ, బెన్ డకెట్, ఆలీ పోప్, జో రూట్, జానీ బెయిర్స్టో, బెన్ స్టోక్స్(కెప్టెన్), బెన్ ఫోక్స్(కీపర్), టామ్ హార్ట్లీ, ఆలీ రాబిన్సన్, జేమ్స్ ఆండర్సన్, షోయబ్ బషీర్, మార్క్ వుడ్, రెహాన్ అహ్మద్, డేనియల్ లారెన్స్ , గుస్ అట్కిన్సన్.
మరిన్ని క్రీడా వార్తల కోసం ఇక్కడ క్లిక్ చేయండి..
