IND vs BAN: గ్వాలియర్‌లో కర్ఫ్యూ.. భారత్, బంగ్లా మధ్య తొలి టీ20 జరిగేనా?

IND vs BAN 1st T20I: టెస్ట్ సిరీస్‌లో 2-0తో క్లీన్ స్వీప్ చేసిన తర్వాత, భారత జట్టు ఇప్పుడు టీ20 అంతర్జాతీయ సిరీస్‌లో బంగ్లాదేశ్‌ను మట్టికరిపించాలని చూస్తోంది. అయితే, ఈ సిరీస్‌లో భారత్‌ కమాండ్‌ సూర్యకుమార్‌ యాదవ్‌ చేతిలో ఉంది. అక్టోబర్ 6న గ్వాలియర్‌లో జరిగే మ్యాచ్‌తో మూడు మ్యాచ్‌ల టీ20 ఇంటర్నేషనల్ సిరీస్ ప్రారంభం కానుంది. ఈ మ్యాచ్‌కు కట్టుదిట్టమైన భద్రతా ఏర్పాట్లు చేశారు. ఇరు జట్ల భద్రత కోసం ఇప్పటి వరకు 2500 మంది పోలీసులను మోహరించారు.

మ్యాచ్ రద్దు చేయాలని పిలుపు..

ఆదివారం మధ్యప్రదేశ్‌లోని గ్వాలియర్‌లో జరగనున్న భారత్-బంగ్లాదేశ్ టీ20 మ్యాచ్ కోసం 2500 మందికిపైగా పోలీసులను మోహరించారు. ఈ మేరకు ఓ అధికారి సమాచారం ఇచ్చారు. బంగ్లాదేశ్‌లో హిందువులపై జరిగిన అకృత్యాలకు వ్యతిరేకంగా రైట్‌వింగ్ సంస్థలు ఆదివారం మ్యాచ్‌ను రద్దు చేయాలని డిమాండ్ చేశాయి.

గట్టి భద్రతలో బృందాలు..

బుధవారం నుంచి ఇరు జట్లు బస చేసిన హోటళ్లను కట్టుదిట్టమైన భద్రతతో చుట్టుముట్టినట్లు అధికారి తెలిపారు. గ్వాలియర్ రీజియన్ ఇన్‌స్పెక్టర్ జనరల్ ఆఫ్ పోలీస్ అరవింద్ సక్సేనా పిటిఐతో మాట్లాడుతూ, ‘పోలీసులు మ్యాచ్ రోజు మధ్యాహ్నం 2 గంటల నుంచి వీధుల్లో ఉంటారు. మ్యాచ్ ముగిసిన తర్వాత, ప్రేక్షకులు ఇంటికి చేరుకునే వరకు వారు విధుల్లో ఉంటారు. కర్ఫ్యూ అమల్లోకి వచ్చిన తర్వాత నిఘా కట్టుదిట్టం చేశారు. సోషల్ మీడియాపై కూడా ఓ కన్నేసి ఉంచుతున్నాం అంటూ చెప్పుకొచ్చాడు.

గ్వాలియర్‌లో కర్ఫ్యూ..

శాంతిని కాపాడేందుకు, మ్యాచ్‌ను సక్రమంగా నిర్వహించేందుకు, జిల్లా మేజిస్ట్రేట్ గ్వాలియర్‌లో కర్ఫ్యూ విధించారు. దీంతో నిరసనలను నిషేధించారు. ముఖ్యంగా సోషల్ మీడియాలో అభ్యంతరకర పోస్టులు పెట్టవద్దని హెచ్చరించాడు. ఇలా చేస్తే కఠిన చర్యలు తీసుకుంటామని పోలీసులు కోరారు. ఈ ఉత్తర్వులు అక్టోబర్ 7 వరకు అమల్లో ఉంటాయి. 30,000 మంది ప్రేక్షకులు కూర్చునే అవకాశం ఉన్న కొత్త మాధవరావు సింధియా అంతర్జాతీయ స్టేడియంలో ఈ మ్యాచ్ జరగనుంది.

సిరీస్ కోసం రెండు జట్లు..

భారత్: సూర్యకుమార్ యాదవ్ (కెప్టెన్), అభిషేక్ శర్మ, సంజు శాంసన్ (కీపర్), రింకు సింగ్, హార్దిక్ పాండ్యా, రియాన్ పరాగ్, నితీష్ కుమార్ రెడ్డి, శివమ్ దూబే, వాషింగ్టన్ సుందర్, రవి బిష్ణోయ్, వరుణ్ చక్రవర్తి, జితేష్ శర్మ (కీపర్), అర్ష్‌దీప్ సింగ్ , హర్షిత్ రాణా, మయాంక్ యాదవ్.

బంగ్లాదేశ్: నజ్ముల్ హొస్సేన్ శాంటో (కెప్టెన్), తంజీద్ హసన్ తమీమ్, పర్వేజ్ హొస్సేన్ ఎమోన్ (కీపర్), తౌహీద్ హృదయ్, మహమూద్ ఉల్లా, లిటన్ దాస్ (కీపర్), జాకర్ అలీ అనిక్ (కీపర్), మెహదీ హసన్ మిరాజ్, షాక్ మహేదీ హసన్, రిషాద్ హోస్సేన్, ముస్తాఫిజుర్ రెహమాన్, తస్కిన్ అహ్మద్, షోరిఫుల్ ఇస్లాం, తంజీమ్ హసన్ సాకిబ్, ముస్తాఫిజుర్ రెహమాన్, రకీబుల్ హసన్.

మరిన్ని క్రీడా వార్తల కోసం ఇక్కడ క్లిక్ చేయండి..