IND vs AUS: ఆస్ట్రేలియాకు భారీ షాక్.. రెండో వన్డేకు అందుబాటులో లేని ఇద్దరు స్టార్ ప్లేయర్స్.. ఎందుకంటే?

India vs Australia 2nd ODI: ఇండోర్ వేదికగా జరగనున్న ఈ మ్యాచ్ ఆస్ట్రేలియా జట్టుకు కీలకం. ఎందుకంటే మూడు వన్డేల సిరీస్‌లో భాగంగా తొలి మ్యాచ్‌లో టీమిండియా 5 వికెట్ల తేడాతో ఘన విజయం సాధించింది. ఇప్పుడు సిరీస్ గెలవాలనే కోరికను సజీవంగా ఉంచుకోవాలంటే రెండో మ్యాచ్‌లో తప్పక గెలవాల్సిన అవసరం ఆస్ట్రేలియా జట్టుకు ఉంది. లేదంటే సిరీస్‌ను 2-0తో ఓడిపోనుంది. అయితే, ఈ క్రమంలోనే ఆసీస్ జట్టుకు భారీ షాక్ తగిలింది. కొంతమంది సీనియర్లు ఆడలేరని వార్తలతో ఆందోళనలో పడింది.

India Vs Australia

Venkata Chari |
Updated on: Sep 23, 2023 | 6:44 PM

India vs Australia 2nd ODI: భారత్ , ఆస్ట్రేలియా మధ్య సెప్టెంబర్ 24న రెండో వన్డే ఇండోర్‌లో జరగనుంది. ఈ మ్యాచ్‌కు ఆస్ట్రేలియా స్టార్ ఆటగాళ్లు గ్లెన్ మాక్స్‌వెల్, మిచెల్ స్టార్క్ కూడా అందుబాటులో లేరు. మొహాలీలో జరిగిన తొలి మ్యాచ్‌లోనూ ఈ ఇద్దరు ఆటగాళ్లు కనిపించలేదు. ఎడమచేతి వాటం పేసర్ మిచెల్ స్టార్క్ వెన్నునొప్పితో బాధపడుతూ పూర్తిగా కోలుకున్నాడు. అయితే వన్డే ప్రపంచకప్ నేపథ్యంలో ముందుజాగ్రత్తగా అతడికి తొలి రెండు మ్యాచ్‌ల నుంచి విశ్రాంతినిచ్చారు.

గాయం నుంచి కోలుకుని ఇప్పుడు ఆస్ట్రేలియా జట్టులోకి వచ్చిన గ్లెన్ మాక్స్ వెల్ కూడా విశ్రాంతి తీసుకున్నాడు. దీంతో మ్యాక్సీ రెండో మ్యాచ్‌లోనూ ఆడడు. అలాగే తొలి మ్యాచ్‌కు దూరమైన ఫాస్ట్ బౌలర్ జోష్ హేజిల్‌వుడ్ ఈ మ్యాచ్‌లో ఆడే అవకాశం ఉందని తెలుస్తోంి.

ఇవి కూడా చదవండి

ఆస్ట్రేలియాకు కీలక మ్యాచ్..

ఇండోర్ వేదికగా జరగనున్న ఈ మ్యాచ్ ఆస్ట్రేలియా జట్టుకు కీలకం. ఎందుకంటే మూడు వన్డేల సిరీస్‌లో భాగంగా తొలి మ్యాచ్‌లో టీమిండియా 5 వికెట్ల తేడాతో ఘన విజయం సాధించింది. ఇప్పుడు సిరీస్ గెలవాలనే కోరికను సజీవంగా ఉంచుకోవాలంటే రెండో మ్యాచ్‌లో తప్పక గెలవాల్సిన అవసరం ఆస్ట్రేలియా జట్టుకు ఉంది.