Video: బిడ్డకు ఎంత కష్టమొచ్చే! ఓటమి బాధతో కన్నీరు మున్నీరు అయిన ముంబై కెప్టెన్ పాండ్యా
ఐపీఎల్ 2025 క్వాలిఫయర్ 2లో ముంబైపై పంజాబ్ కింగ్స్ ఘన విజయం సాధించింది. శ్రేయస్ అయ్యర్ అజేయ ఇన్నింగ్స్తో జట్టును ఫైనల్కు తీసుకెళ్లాడు. మరోవైపు ముంబై కెప్టెన్ హార్దిక్ పాండ్యా కీలక దశలో నిరాశపరిచాడు. ఈ ఓటమితో హార్దిక్ కన్నీళ్లు పెట్టుకున్నట్లు అభిమానులు భావిస్తున్నారు. ఈ మ్యాచ్లో చివరి ఓవర్కు ముందే విజయం సాధించిన పంజాబ్ కింగ్స్, మొత్తం 19 ఓవర్లలో 5 వికెట్లకు 207 పరుగులు చేసి ఘన విజయం సాధించింది. ఈ విజయంతో శ్రేయస్ అయ్యర్ కెప్టెన్సీలో జట్టు ఎంతో నమ్మకంగా ఉందని ప్రూవ్ చేయగా, ముంబై ఇండియన్స్ కెప్టెన్ హార్దిక్ పాండ్యా మాత్రం మరోసారి కీలక దశలో విఫలమై నిరాశను మిగిల్చాడు.
Updated on: Jun 02, 2025 | 10:36 AM
పంజాబ్ కింగ్స్ చేతిలో ముంబై ఇండియన్స్ ఓడిపోయిన తరువాత, కెప్టెన్ హార్దిక్ పాండ్యా తీవ్ర నిరాశకు లోనయ్యాడు. శ్రేయస్ అయ్యర్ నాయకత్వంలోని పంజాబ్ కింగ్స్ జట్టు ఐపీఎల్ 2025 క్వాలిఫయర్ 2లో 204 పరుగుల భారీ లక్ష్యాన్ని చేధిస్తూ ఐదు వికెట్ల తేడాతో ఐదుసార్లు ఛాంపియన్ అయిన ముంబై ఇండియన్స్ను ఓడించి ఫైనల్కు దూసుకెళ్లింది. ఈ గెలుపుతో పంజాబ్ జట్టు 2014 తర్వాత మళ్లీ ఫైనల్కు అర్హత సాధించగా, జూన్ 3న రాయల్ ఛాలెంజర్స్ బెంగళూరుతో టైటిల్ కోసం పోటీ పడనుంది.
ఈ విజయంలో కీలక పాత్ర పోషించిన కెప్టెన్ శ్రేయస్ అయ్యర్ 41 బంతుల్లో ఎనిమిది సిక్సర్లతో 87 నాటౌట్ పరుగులు చేసి జట్టును గెలుపు దిశగా నడిపించాడు. అతనికి మంచి భాగస్వామిగా నిలిచిన నెహాల్ వధేరా 29 బంతుల్లో 48 పరుగులు చేశాడు. ఈ ఇద్దరూ కలిసి 7.5 ఓవర్లలోనే 84 పరుగుల భాగస్వామ్యం నెలకొల్పారు. మ్యాచ్ ప్రారంభంలో జోష్ ఇంగ్లిస్ కూడా 21 బంతుల్లో 38 పరుగులు చేయడం ద్వారా కీలక ప్రదర్శన ఇచ్చాడు, ముఖ్యంగా జస్ప్రీత్ బుమ్రా ఓవర్లో ఒక్కసారిగా 20 పరుగులు తీసి ముంబైపై ఒత్తిడి పెంచాడు.
మరోవైపు, ముంబై బ్యాటింగ్లో తిలక్ వర్మ (44), సూర్యకుమార్ యాదవ్ (44) చక్కటి ఇన్నింగ్స్లు ఆడారు. ఓపెనర్ జానీ బెయిర్స్టో 24 బంతుల్లో 38 పరుగులు చేయగా, తిలక్తో కలిసి రెండో వికెట్కు 51 పరుగులు, అనంతరం సూర్యకుమార్తో మూడో వికెట్కు 72 పరుగుల భాగస్వామ్యం నెలకొల్పాడు. చివర్లో నమన్ ధీర్ 18 బంతుల్లో 37 పరుగులతో వేగంగా ఆడటంతో ముంబై 203 పరుగుల భారీ స్కోర్ను అందుకుంది.
పంజాబ్ బౌలింగ్ విభాగంలో అజ్మతుల్లా ఒమర్జాయ్ అత్యుత్తమ ప్రదర్శనతో 4 ఓవర్లలో 2 వికెట్లు తీసి 43 పరుగులు ఇచ్చాడు. కైల్ జామిసన్, వైశక్ విజయ్ కుమార్ చెరో వికెట్ పడగొట్టగా, లెగ్ స్పిన్నర్ యుజ్వేంద్ర చాహల్ కూడా 1 వికెట్ తీసాడు.
ఈ మ్యాచ్లో చివరి ఓవర్కు ముందే విజయం సాధించిన పంజాబ్ కింగ్స్, మొత్తం 19 ఓవర్లలో 5 వికెట్లకు 207 పరుగులు చేసి ఘన విజయం సాధించింది. ఈ విజయంతో శ్రేయస్ అయ్యర్ కెప్టెన్సీలో జట్టు ఎంతో నమ్మకంగా ఉందని ప్రూవ్ చేయగా, ముంబై ఇండియన్స్ కెప్టెన్ హార్దిక్ పాండ్యా మాత్రం మరోసారి కీలక దశలో విఫలమై నిరాశను మిగిల్చాడు. ఇప్పుడు ఫైనల్లో పంజాబ్ vs బెంగళూరు మధ్య మ్యాచ్ అభిమానులందరికీ ఆసక్తికరంగా మారింది.
Hardik Pandya💔😫 pic.twitter.com/scYQ06Wxwy
— Surya (@SuryaDhoni22) June 1, 2025
True hardik fans will always support him in his bad phase
Don't be sad Hardik pandya. 😩😫 pic.twitter.com/o3EUEkaxZI
— hardikian (@chayhg47078) June 1, 2025
మరిన్ని క్రికెట్ వార్తల కోసం ఇక్కడ క్లిక్ చేయండి..
