Border-Gavaskar trophy: మంజ్రేకర్ వ్యాఖ్యలకు ఘాటుగా స్పందించిన మాజీ ఇండియన్ బౌలర్

పెర్త్ టెస్టులో సంజయ్ మంజ్రేకర్ చేసిన వ్యాఖ్యలపై భారత మాజీ బౌలర్ వినయ్ కుమార్ గట్టి ప్రతిస్పందన ఇచ్చాడు. మంజ్రేకర్ కామెంటరీ సమయంలో భారతదేశంలో ఫాస్ట్ బౌలర్ల అభివృద్ధి, దేశీయ స్థాయిలో పిచ్‌లపై పచ్చిక స్థాయిని నియంత్రించడంపై మాట్లాడారు. ఈ సందర్భంగా మీడియం పేసర్లను ఉద్దేశించి ఆయన చేసిన వ్యాఖ్యలు వినయ్‌ను బాధించాయి. వినయ్ కుమార్ గురించి మాట్లాడుతూ మంజ్రేకర్, “అప్పట్లో వినయ్ కుమార్ వంటి మీడియం పేసర్లు పచ్చిక పిచ్‌లను సద్వినియోగం చేసుకుని వికెట్ టేకింగ్ చార్టులలో అగ్రస్థానంలో ఉండేవారు. వారు 120 కిమీ వేగంతో సరైన ప్రదేశాల్లో బంతిని వేసేవారు” అని అన్నారు.

దీనికి స్పందనగా వినయ్ తన ట్విట్టర్ ద్వారా, “సంజయ్ భాయ్, గౌరవంతో చెప్పాలంటే మీ స్పీడ్ గన్‌కు సర్వీసింగ్ అవసరం. 120kmph , సీరియస్‌గా? నేను నా విజయాలతో గర్వపడుతున్నాను, నేను సాధించిన ప్రతి విజయానికి సంతృప్తితో ఉన్నాను,” అని చెప్పాడు. వినయ్ తన బౌలింగ్ పట్ల గర్వంతో “వినయ్ కుమార్ లాంటి మీడియం పేసర్ ఐపీఎల్‌లో 100 వికెట్లు తీసిన మొదటి భారత బౌలర్ కావడానికి ఎంతో కష్టపడ్డాడు” అని పేర్కొన్నారు.

వినయ్ తన దేశీయ, అంతర్జాతీయ క్రికెట్ కెరీర్‌లో చక్కటి ప్రదర్శనలు చూపాడు. భారతదేశం తరఫున ఒక టెస్టు, 31 వన్డేలు, తొమ్మిది టీ20లు ఆడిన వినయ్, అన్ని ఫార్మాట్లలో కలిపి 48 వికెట్లు తీశాడు. దేశీయ క్రికెట్‌లో 139 ఫస్ట్ క్లాస్ మ్యాచ్‌ల్లో 504 వికెట్లు, రంజీ ట్రోఫీలో 442 వికెట్లు తీసి అత్యుత్తమ రికార్డును సాధించాడు. ఐపీఎల్‌లో నాలుగు జట్లకు కలిపి 105 మ్యాచ్‌లు ఆడి, 105 వికెట్లు తీశాడు. రాయల్ ఛాలెంజర్స్ బెంగళూరు, కొచ్చి టస్కర్స్ కేరళ, కోల్‌కతా నైట్ రైడర్స్, ముంబై ఇండియన్స్ తరఫున అతను ఆడాడు.

Sanjay bhai with due respect, your speed gun requires urgent servicing. 120KMPH 🥹 Seriously?With God’s grace I take pride in my achievements, I am contented, satisfied and happy with my life. Medium pacer like Vinay Kumar has worked really hard to become the 1st Indian fast…

— Vinay Kumar R (@Vinay_Kumar_R) November 24, 2024