Watch Video: నా బౌలింగ్‌లో ఫోర్ కొడతావా.. మైదానంలో హార్దిక్ సహచరుడి బీభత్సం.. నెట్టింట వైరల్ వీడియో
శ్రీలంకపై రషీద్ ఖాన్ 39 పరుగులిచ్చి 1 వికెట్ తీశాడు. ఆసియాకప్ లో అతని బౌలింగ్‌లో ఇది రెండో చెత్త ఫిగర్ గా నమోదైంది.
Updated on: Sep 04, 2022 | 4:20 PM
మైదానంలో రషీద్ ఖాన్ కోపాన్ని ఎప్పుడూ చూడలేదు. అయితే, ఆసియా కప్‌లో మాత్రం కట్టలు తెంచుకున్న కోపోద్రిక్తుడైన రషీద్ ను చూడొచ్చు. షార్జా వేడిలో, రషీద్ ఖాన్ కూడా చాలా వేడిగా కనిపించినట్లు ఈ వీడియోలో చూడొచ్చు. ఈ దృశ్యం అంతా గ్రౌండ్‌లో అమర్చిన కెమెరాలో రికార్డైంది. దీంతో ఇది వైరల్‌గా మారింది. శ్రీలంక ఇన్నింగ్స్ 17వ ఓవర్ సమయంలో ఈ ఘటన చోటు చేసుకుంది.
రషీద్ ఖాన్ వర్సెస్ దనుష్క గొడవ..
రషీద్ ఖాన్ ఆవేశానికి లోనైన 17వ ఓవర్లో ఏం జరిగిందో ఇప్పుడు తెలుసుకుందాం. వాస్తవానికి రషీద్ ఖాన్ వేసిన ఈ ఓవర్లో స్ట్రైక్‌లో ఉన్న శ్రీలంక బ్యాట్స్‌మెన్ దనుష్క గుణతిలక అద్భుతమైన ఫోర్ కొట్టాడు. రివర్స్ స్వీప్ షాట్ ద్వారా నాలుగు పరుగులు రాబట్టాడు. ఈ షాట్ తర్వాత, రషీద్ ఖాన్ చాలా కోపంగా ఉన్నాడు. బ్యాటర్, బౌలర్ మధ్య వాగ్వాదం తీవ్ర స్థాయికి చేరుకోవడంతో మరో ఎండ్ లో ఉన్న బ్యాటర్, అంపైర్ జోక్యం చేసుకోవాల్సి వచ్చింది.
తొలుత వాగ్వాదం.. అనంతరం వికెట్లు..
రషీద్ ఖాన్ ఈ మ్యాచ్‌లో 39 పరుగులిచ్చి 1 వికెట్ తీశాడు. ఆసియాకప్ లో అతని బౌలింగ్‌లో ఇది రెండో చెత్త ఫిగర్ గా నమోదైంది. అయితే అదే ఓవర్ నాలుగో బంతికి గుణతిలక బెయిల్స్‌ని చెదరగొట్టి అతనితో వాగ్వాదానికి ప్రతీకారం తీర్చుకున్నాడు.
— Bleh (@rishabh2209420) September 3, 2022
సూపర్ ఫోర్‌లో శ్రీలంక విజయం..
మ్యాచ్ విషయానికొస్తే.. శ్రీలంక జట్టు ఆఫ్ఘనిస్థాన్‌పై 4 వికెట్ల తేడాతో విజయం సాధించింది . ఈ మ్యాచ్‌లో శ్రీలంక మరో 5 బంతులు మిగిలి ఉండగానే విజయం సాధించింది. తొలుత బ్యాటింగ్ చేసిన ఆఫ్ఘనిస్థాన్ 20 ఓవర్లలో 6 వికెట్లకు 175 పరుగులు చేసింది. అనంతరం శ్రీలంక 19.1 ఓవర్లలో 6 వికెట్లు కోల్పోయి లక్ష్యాన్ని ఛేదించింది. శ్రీలంక 179 పరుగులు చేసింది. ఈ విజయంతో శ్రీలంక కూడా గ్రూప్ దశలో ఆఫ్ఘనిస్థాన్‌తో జరిగిన ఓటమికి ప్రతీకారం తీర్చుకుంది.
