PV Sindhu: ఓ మై గాడ్.. ఇంట్లో అసలు ఖాళీ లేదుగా.. హైదరాబాదీ షట్లర్‌ ట్రోఫీలు, మెడల్స్‌ చూసి అవాక్కైన బాలీవుడ్ నటుడు
అనుపమ్ ఖేర్ షేర్‌ చేసిన వీడియోలో సింధు ఇంట్లో ఉన్న ట్రోఫీలు, మెడల్స్‌ అన్నింటినీ మనం చూడవచ్చు. అండర్‌-13 టోర్నమెంట్ల నుంచి ఒలింపిక్స్‌ దాకా సింధు సాధించిన విజయాలను ఇవి గుర్తుచేస్తున్నాయి.
ప్రముఖ బాలీవుడ్ నటుడు అనుపమ్ ఖేర్ బ్యాడ్మింటన్ క్రీడాకారిణి పీవీ సింధును కలిశారు. హైదరాబాలో ఉన్న సింధు నివాసానికి వెళ్లిన అనుపమ్ అక్కడు ఆమె సాధించిన పతకాలు, ట్రోఫీలు, ప్రశంసా పత్రాలను ఆశ్చర్యపోయారు. అనంతరం దీనికి సంబంధించిన విశేషాలను ట్విట్టర్‌లో పంచుకున్నారు. సింధు కూడా అనుపమ్‌తో కలిసున్న ఫొటోలను ఇన్‌స్టాగ్రామ్‌లో షేర్‌ చేసింది. ప్రస్తుతం సింధు, అనుపమ్‌లకు సంబంధించిన ఫొటోలు, వీడియోలు సోషల్‌ మీడియాలో వైరల్‌గా మారాయి. కాగా అనుపమ్ ఖేర్ షేర్‌ చేసిన వీడియోలో సింధు ఇంట్లో ఉన్న ట్రోఫీలు, మెడల్స్‌ అన్నింటినీ మనం చూడవచ్చు. అండర్‌-13 టోర్నమెంట్ల నుంచి ఒలింపిక్స్‌ దాకా సింధు సాధించిన విజయాలను ఇవి గుర్తుచేస్తున్నాయి. ఈ సందర్భంగా హైదరాబాదీ షట్లర్‌పై ప్రశంసలు కురిపించాడు అనుపమ్.
ఛాంపియన్‌ను కలిశాను..
నిజంగా ఇది అద్భుతం. ఇటీవల నాకు బ్యాడ్మింటన్ ఛాంపియన్ పీవీ సింధు ఇంటికి వెళ్లే అవకాశం లభించింది. 8 ఏళ్ల వయస్సు నుంచి ఆమె సాధించిన విజయాలు, అవార్డులు ట్రోఫీల గురించి ఆమెను అడిగి తెలుసుకున్నాను. సింధు వినయానికి నేను పూర్తిగా బౌల్డ్‌ అయ్యాను. ఆమె మనకు స్ఫూర్తి కలిగించే నిజమైన హీరో’ అని చెప్పుకొచ్చిన ఈ దిగ్గజ నటుడు.. మరో సందర్భంలో సింధు సాధించిన ట్రోఫీలను చూపిస్తూ ‘ఆమె వన్ అండ్ ఓన్లీ ఛాంపియన్. ఈ గోడను చూడండి. నా గోడపై ఉన్న అవార్డ్స్ చూసి నేను గర్వపడేవాడిని. కానీ ఇక్కడ చూడండి. ఇది చాలా అద్భుతమైనది. ఓ మై గాడ్.. ఇక్కడ అసలు ఖాళీ లేదు’ అని తెలిపారు.
AMAZING: I had the privilege of visiting CHAMP @Pvsindhu1’s home.She very humbly gave me a tour of her achievements, awards and trophies! Right from the age of 8!?ये है हमारे भारत की बेटी।ये है हमारे देश की शान।ये है हमारी प्रेरणात्मक HERO! जय हो! जय हिंद! ?????? #YouthIcon pic.twitter.com/gk1ooybScE
— Anupam Kher (@AnupamPKher) September 29, 2022
ఇది నా అదృష్టం..
ఇక సింధూ సైతం ఇన్‌స్టాగ్రామ్‌లో అనుపమ్ తో సమావేశానికి సంబంధించిన ఫోటోని షేర్‌ చేసింది. ‘ భారతీయ సినిమా ఆల్ టైమ్ గ్రేట్ యాక్టర్స్ లో ఒకరైన అనుపమ్ ఖేర్‌ను కలిసే అదృష్టం కలిగింది’ అని తన ఆనందానికి అక్షరరూపమిచ్చింది. కాగా నిఖిల్‌ నటించిన సూపర్‌హిట్‌ సినిమా కార్తికేయ2లో ఒక కీలక పాత్ర పోషించారు అనుపమ్. అదేవిధంగా మాస్ మహారాజా రవితేజ హీరోగా తెరకెక్కుతున్న ‘టైగర్ నాగేశ్వరరావు’ లోనూ ఓ మెయిన్‌ రోల్‌లో కనిపించనున్నారు. తాజాగా అనుపమ్ పాత్రకు సంబంధించిన షూటింగ్ పార్ట్ కూడా పూర్తి చేసినట్లు చిత్ర బృందం తెలిపింది.
Had the fortune of spending time with one of the all time greats of Indian cinema. The laughs, the memories and quality conversation. What an honour. ? @AnupamPKher pic.twitter.com/yYEj3dZN4B
— Pvsindhu (@Pvsindhu1) September 28, 2022
మరిన్ని క్రీడావార్తల కోసం క్లిక్ చేయండి..
