మరణించిన వారిని ఎందుకు విమర్శించకూడదు? కారణం ఇదే

సాధారణంగా చనిపోయిన వ్యక్తి గురించి చెడుగా మాట్లాడవద్దని పెద్దలు చెబుతుంటారు. దీనికి సరైన కారణంగా చెప్పికపోయినప్పటికీ అలా చేయకూడదని అంటున్నారు. మరణించిన వారిని విమర్శించకూడదని హిందూ ధర్మంలోని పలు పుస్తకాలు చెబుతున్నాయి. మరణించిన వ్యక్తి ద్వారా ఎన్ని ఇబ్బందులు ఎదుర్కొన్నప్పటికీ.. చనిపోయిన తర్వాత అతడ్ని అవమానించకూడదని చెబుతున్నాయి.

మరణించిన వ్యక్తుల గురించి మాట్లాడటం మానుకోవాలి. లేదంటే వారితో మనకున్న మంచి జ్జాపకాలను మాత్రమే గుర్తు చేసుకోవాలి. మరణాంతరం వారిని ఎందుకు విమర్శించకూడదో అందుకు గల కారణాలను మనుస్మృతిలో వివరించారు. ఆ వివరాలను ఇప్పుడు తెలుసుకుందాం.

మనుస్మృతి ప్రకారం.. మరణించిన వ్యక్తి ఇప్పుడు లేకపోయినా.. మన చర్యలు వారితో ఎప్పటికీ ముడిపడి ఉంటాయి. మరణించిన వ్యక్తిని మనం విమర్శించినా లేదా అవమానించినా.. వారితో మనకున్న భావోద్వేగ సంబంధం ఎప్పటికీ తెగిపోదు. మనుస్మృతి ప్రకారం.. మరణించిన వారిని విమర్శించడం తీవ్రమైన నేరం. మరణించిన వ్యక్తిని ఎగతాళి చేసినవారికి నరకంలో కూడా స్థానం లభించదని నమ్ముతారు.

పురాతన గ్రంథాల ప్రకారం.. పురాతన గ్రంథాల ప్రకారం మరణించిన వ్యక్తులను ఎందుకు విమర్శించకూడదో స్పష్టంగా తెలిపాయి. మహా భారతంలోని శాంతి పర్వంలో.. యుధిష్టిరుడు.. భీష్మ పితామహుడి నుంచి పొరపాటున కూడా మరణించిన వ్యక్తిని అవమానించకూడదని నేర్చుకున్నాడు. అలా చేయడం వల్ల మరణించినవారికి ప్రతికూల శక్తి ఏర్పడుతుంది.

మరణించిన వ్యక్తి మంచివాడు లేదా చెడ్డవాడు అయినప్పటికీ.. చనిపోయిన తర్వాత మాత్రం అతడ్ని విమర్శించకూడదు. చెడుగా మాట్లాడకూడదు. ఎందుకంటే మరణించిన వ్యక్తి గురించి చెడుగా మాట్లాడటం మనకు ఎలాంటి మంచిని కలిగించదు. ప్రతీ మతం కూడా పొరపాటున కూడా చనిపోయిన వ్యక్తి గురించి చెడుగా మాట్లాడకూడదని చెబుతుంది. మరణం తర్వాత ఆ వ్యక్తి ప్రాపంచిక అనుబంధాలకు అతీతంగా ఎదుగుతాడని భావిస్తారు.

Note: ఈ వార్తలోని సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు అందించడం జరిగింది. TV9 తెలుగు దీనిని ధృవీకరించదు.