Sunday Sun Worship: ప్రత్యక్ష దైవం సూర్యుభగవానుడిని ఆదివారం ఇలా పూజించండి.. చక్కని ఆరోగ్యం మీ సొంతం
ప్రత్యక్ష దైవం భాస్కరుడిని ఆరాధించడం ద్వారా , ఒక వ్యక్తి జీవితానికి సంబంధించిన అన్ని ఆనందాలను పొందుతాడని.. ప్రతి రంగంలో విజయాన్ని సాధిస్తూ.. సమాజంలో గౌరవాన్ని పొందుతాడని నమ్మకం.
సనాతన హిందూ ధర్మంలో దేవీదేవతలు ఆరాధన ముఖ్యమైంది. ముఖ్యంగా గణపతి, దుర్గాదేవి, శివుడు, విష్ణువుతో పాటు లోకబాంధవుడు సూర్యుడిని కూడా అత్యాధికంగా పూజిస్తారు. ప్రత్యక్ష దైవం భక్తులతో పూజలను అందుకుంటున్న సూర్య భగవానుడు ఆనందం, శ్రేయస్సు, అదృష్టం, ఆరోగ్యం ప్రదాతగా కీర్తించబడుతున్నాడు. ఆదివారం రోజు సూర్యభగవానుడి పూజ అత్యంత విశిష్టమైందిగా శాస్త్రాలు పేర్కొన్నాయి. ప్రత్యక్ష దైవం భాస్కరుడిని ఆరాధించడం ద్వారా , ఒక వ్యక్తి జీవితానికి సంబంధించిన అన్ని ఆనందాలను పొందుతాడని.. ప్రతి రంగంలో విజయాన్ని సాధిస్తూ.. సమాజంలో గౌరవాన్ని పొందుతాడని నమ్మకం. ఆరోగ్య ప్రధాత అయిన సూర్య భగవానుడి ఆరాధనకు సంబంధించిన సులభమైన, ప్రభావవంతమైన పరిహారం గురించి ఈరోజు తెలుసుకుందాం.
- సూర్య భగవానుడి అనుగ్రహాన్ని పొందాలనుకుంటే.. ఆదివారాలు మాత్రమే కాదు ప్రతిరోజూ సూర్యోదయానికి ముందు.. స్నానం చేసి.. సాంప్రదాన్ని అనుసరిస్తూ.. పూజించండి. సూర్యోదయానికి ముందే లేచి ఉదయించే సూర్య భగవానుని దర్శనం చేసుకుని ప్రార్ధించడం ద్వారా మీ జీవితానికి సంబంధించిన అన్ని సమస్యలు తొలగిపోతాయి.
- ఆదివారం సూర్యభగవానుని ఆరాధించడం అత్యుత్తమం. తెల్లవారు జామునే నిద్రలేచి స్నానం చేసి, ధ్యానం చేయాలి. శుభ్రమైన బట్టలు ధరించి.. భక్తితో రాగి పాత్రలో నీరుని తీసుకుని సూర్యునికి అర్ఘ్యం సమర్పించాలి. అర్ఘ్యం ఇచ్చే జలంలో కుంకుమ, పసుపు, అక్షతలు, ఎరుపు పువ్వులు వేయండి. సూర్య భగవానుడికి అర్ఘ్యం సమర్పిస్తూ.. మహామంత్రాన్ని అంటే ఓం ఘృణి సూర్యాయ నమః మంత్రాన్ని జపించండి.
- సూర్యదేవునికి అర్ఘ్యం సమర్పించే సమయంలో ఆ నీరు కిందపడి ఎవరి కాళ్ళ కిందకు వెళ్లకుండా.. ఒక వెడల్పాటి పాత్రను పెట్టి.. దానిలో నీరు పడేలా అర్ఘ్యం సమర్పించండి.. సూర్యునికి సమర్పించిన నీటిని తరువాత చెట్టుకి లేదా మొక్కకు పోయండి. వీలైతే సూర్యదేవునికి సమర్పించిన నీటిని మందారం చెట్టుకు సమర్పించండి. లేదంటే.. కాళ్లు తాకని మొక్కకు ఆ నీటిని వేయండి.
- ఆదిత్య హృదయ్ స్తోత్రం లేదా సూర్య చాలీసాను ప్రత్యేకంగా ఆదివారాలలో పఠించాలి. ప్రత్యక్ష దైవం సూర్య భగవానుడి అనుగ్రహం లభిస్తుంది. సూర్యాదేవిని భక్తిశ్రద్ధలతో పూజించడం ద్వారా సాధకునికి మానసిక, శారీరక వ్యాధులు తొలగిపోతాయని నమ్మకం.
- సనాతన సంప్రదాయంలో.. ఏదైనా గ్రహం లేదా దేవత అనుగ్రహాన్ని పొందడానికి దానానికి మించిన గొప్ప మార్గంలేదని నమ్మకం. అటువంటి పరిస్థితిలో, సూర్య భగవానుడి అనుగ్రహం పొందడానికి ఆదివారం రోజున ఒక పేద వ్యక్తికి గోధుమలు, బెల్లం మొదలైనవి దానం చేయండి.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి
Note: (రాశిఫలాలు అనేవి నమ్మకం మీద ఆధారపడి ఉంటాయి. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించాం)
