Lord Shiva: శివుడి పూజలో రుద్రాభిషేకం ప్రాముఖ్యత .. ఏ రాశివారు ఏ విధంగా పూజించాలంటే ..

శివుడు కోరిన వరం ఇవ్వాలంటే శ్రావణ మాసం సోమవారం రోజున పండితునితో రుద్రాష్టాధ్యాయిని పారాయణం చేసి శివలింగానికి రుద్రాభిషేకాన్ని చేయాలి. ఇలా కుదరని పక్షంలో కింద చెప్పిన పద్ధతులను అనుసరించి సాధకుడు తన రాశిని బట్టి అభిషేకం చేయాలి.

Lord Shiva Monday Puja

Surya Kala |

Updated on: Jul 10, 2023 | 8:19 AM

సనాతన సంప్రదాయంలో శివుడు జలంతో అభిషేకిస్తే చాలు సులభంగా సంతోషించే దేవుడు. త్రిమూర్తుల్లో లయకారుడు శివుడిని భక్తి శ్రద్దలతో ఆరాధిస్తాస్తే చాలు.. త్వరగా సంతృప్తి చెంది భక్తులపై ఆశీర్వాదాలను కురిపిస్తారని విశ్వాసం. మహాదేవుడి ఆరాధన కోసం చేసే అన్ని రకాల పూజలలో రుద్రాభిషేకం చాలా పవిత్రమైనది. ఫలవంతమైనదిగా పరిగణించబడుతుంది. రుద్రాభిషేకం శ్రావణ మాసంలోని సోమవారం రోజున నిర్వహించినప్పుడు దాని ప్రాముఖ్యత మరింత పెరుగుతుంది. శివుని రుద్రాభిషేకం సాధారణ, సాంప్రదాయ పద్ధతి గురించి తెలుసుకుందాం.

శివుని రుద్రాభిషేకం సాధారణ పద్ధతి రుద్రాభిషేకం ప్రారంభించే ముందు శ్రీ గణేశుడిని ధ్యానం చేసి పూజించండి. దీని తరువాత మీ పూజా మందిరంలో ఉత్తర దిశలో శివలింగాన్ని ప్రతిష్టించండి. ముందుగా గంగాజలంతో అభిషేకం చేయండి. అనంతరం మీ కోరికను శివయ్యకు విన్నవిస్తూ.. అందుబాటులో ఉన్న పాలు, పెరుగు, తేనె, నెయ్యి, పంచదార మొదలైన వాటితో వాటిని అభిషేకించండి. అభిషేకం చేస్తున్నప్పుడు మీ మనస్సులో శివ మంత్రాన్ని జపిస్తూ ఉండండి. అన్నింటితో శివునికి అభిషేకం చేసిన తరువాత, చివరలో శివలింగాన్ని మరోసారి గంగాజలంతో శుద్ధి చేయండి. శివ లింగానికి స్నానం చేయించండి. అనంతరం గంధం, భస్మం మొదలైన వాటితో అలంకరించి శివునికి తిలకంతో అలంకరించండి. పువ్వులు, బిల్వ పత్రాలు, వస్త్రం, రుద్రాక్ష మొదలైన వాటితో అలంకరణ చేయండి. ఈ నైవేద్యం తర్వాత శివునికి నైవేద్యాన్ని సమర్పించండి. స్వచ్ఛమైన దేశీ నెయ్యితో చేసిన దీపాన్ని వెలిగించి.. హారతి ఇవ్వండి. అనంతరం గంగాజలంతో స్నానం చేయించి ఆ నీటిని ప్రసాదం రూపంలో కుటుంబ సభ్యులపై చల్లాలి. తర్వాత హారతి ఇచ్చి ముందుగా మీరు హారతి స్వీకరించి, అందరికి హారతి అందించండి.

ఏ రాశి వ్యక్తులు ఏ పద్దతిలో రుద్రాభిషేకం చేయాలంటే.. శివుడు కోరిన వరం ఇవ్వాలంటే శ్రావణ మాసం సోమవారం రోజున పండితునితో రుద్రాష్టాధ్యాయిని పారాయణం చేసి శివలింగానికి రుద్రాభిషేకాన్ని చేయాలి. ఇలా కుదరని పక్షంలో కింద చెప్పిన పద్ధతులను అనుసరించి సాధకుడు తన రాశిని బట్టి అభిషేకం చేయాలి.

ఇవి కూడా చదవండి