Sabarimala: శబరిమల యాత్రికులకు గుడ్ న్యూస్.. ఇకపై ఆ సర్టిఫికెట్ లేకపోయినా దర్శనానికి ఓకే
శబరిమల(Sabarimala) యాత్రికులకు ఆలయ అధికారులు శుభవార్త చెప్పారు. కరోనా ఆంక్షలు మళ్లీ అమలులోకి రాకపోతే, రిజర్వేషన్లు చేసుకునే భక్తులందరికీ దర్శనం కల్పిస్తామని వెల్లడించారు. అంతే కాకుండా కరోనా వ్యాక్సినేషన్...
Updated on: Jun 24, 2022 | 11:31 AM
శబరిమల(Sabarimala) యాత్రికులకు ఆలయ అధికారులు శుభవార్త చెప్పారు. కరోనా ఆంక్షలు మళ్లీ అమలులోకి రాకపోతే, రిజర్వేషన్లు చేసుకునే భక్తులందరికీ దర్శనం కల్పిస్తామని వెల్లడించారు. అంతే కాకుండా కరోనా వ్యాక్సినేషన్(Corona Vaccination) సర్టిఫికెట్ కూడా అవసరం లేదని ప్రకటించింది. కరోనా వ్యాప్తి చెందుతున్నందున భక్తుల రద్దీని నియంత్రించడానికి కేరళ ప్రభుత్వం భక్తుల దర్శనం కోసం ఆన్‌లైన్ బుకింగ్ సౌకర్యాన్ని ఏర్పాటు చేసింది. దీనిని అనుసరించి, శబరిమలలో భక్తుల దర్శనం కోసం ఆన్‌లైన్ బుకింగ్ కార్యకలాపాలు ప్రారంభమయ్యాయి. ల్యాండ్‌ఫిల్‌తో సహా కీలక ప్రదేశాల్లో తక్షణ దర్శన బుకింగ్‌ల కోసం అదనపు సౌకర్యాలు కల్పించారు. వ్యాక్సినేషన్ సర్టిఫికెట్ లేకుండానే గుర్తింపు పొందిన ఐడీ కార్డును ఉపయోగించి దర్శనానికి స్లాట్ బుక్ చేసుకోవచ్చని తెలిపింది. భక్తులు ఈ సౌకర్యాన్ని ఉపయోగించుకోవాలని కోరారు. కాగా.. గతంలో జారీ చేసిన ఆదేశాల్లో కొవిడ్‌ టీకా రెండు డోసులు తీసుకున్నవారు అధికారులకు ఆ సర్టిఫికెట్ చూపిస్తేనే దర్శనానికి అనుమతిస్తున్నట్లు వెల్లడించిన విషయం తెలిసిందే.
గతంలో ఇచ్చిన మార్గదర్శాల ప్రకారం.. శబరిమలను సందర్శించుకునే 72 గంటల ముందు భక్తులు ఆర్టీపీసీఆర్పరీక్ష చేసుకోవాలి. ఆ నెగిటివ్ రిపోర్టును అధికారులకు సమర్పించాలి. దీర్ఘకాలిక వ్యాధులతో బాధపడుతున్నవారు ఆరోగ్య పరీక్షలు చేయించుకుని ఆలయానికి రావాలి. పంపాలో స్నానానికి అనుమతి ఉంది. కానీ పంపా, సన్నిధానంలో బస చేసేందుకు అనుమతులు లేవు. పంపాలో వాహనాలకు పార్కింగ్వెసులుబాటు కూడా ఉండదు. దర్శనం తర్వాత ప్రసాదం కోసం పంపా వద్ద ఏర్పాట్లు చేశారు. నెయ్యాభిషేకం కోసం భక్తులు తీసుకొచ్చే నెయ్యిని సేకరించేందుకు ప్రత్యేక కౌంటర్లను ఏర్పాటు చేసినట్లు గతంలో అధికారులు మార్గదర్శాలు విడుదల చేశారు.
మరిన్ని జాతీయ వార్తల కోసం క్లిక్ చేయండి..
