Moles: ఆడవారికి, మగవారికి పుట్టుమచ్చలు ఎక్కడ ఉంటే మంచిది..?

శరీరంపై ఉండే పుట్టుమచ్చలకు సంబంధించిన నమ్మకాలు, అపోహలపై సంబధిత శాస్త్ర నిపుణులు లోతైన విశ్లేషణను అందించారు. పుట్టుమచ్చలు కేవలం శరీర లక్షణాలు మాత్రమే కాకుండా, మనిషి జీవిత గమనాన్ని, అదృష్టాన్ని, వ్యక్తిత్వాన్ని ప్రభావితం చేస్తాయని వారు పేర్కొన్నారు. స్త్రీ పురుషులకు వివిధ శరీర భాగాలపై పుట్టుమచ్చలు ఉండే ఎలాంటి ఫలితాలు కలుగుతాయో  చక్కగా వివరించారు.

అదృష్టాన్ని సూచించే పుట్టుమచ్చల స్థానాలు:

నాలుకపై పుట్టుమచ్చ: స్త్రీలకైనా, పురుషులకైనా నాలుకపై పుట్టుమచ్చ ఉంటే అది అత్యంత శుభప్రదం. వారికి అపారమైన ఐశ్వర్యం, అద్భుతమైన వాక్చాతుర్యం, ప్రజలను ఆకట్టుకునే శక్తి, సమాజంలో మహత్తర కీర్తి ప్రతిష్టలు లభిస్తాయి. వీరు బాధలో లేదా కోపంలో పలికిన మాటలు నిజమవుతాయని కూడా ఆయన తెలిపారు.

అరచేతిలో పుట్టుమచ్చ:అరచేతిలో పుట్టుమచ్చ ఉండటం కూడా అదృష్ట సూచకమే. పురుషులకు కుడి అరచేతిలో, ముఖ్యంగా శుక్ర స్థానం (అరచేతి మధ్య భాగం)లో పుట్టుమచ్చ ఉంటే నిరంతర సంపద, భోగ భాగ్యాలు, విదేశీ ప్రయాణాలు సిద్ధిస్తాయి. అదేవిధంగా స్త్రీలకు ఎడమ అరచేతిలో శుక్ర స్థానంలో పుట్టుమచ్చ ఉంటే అత్యుత్తమమైన సంపద లభిస్తుంది.

కంటి లోపల పుట్టుమచ్చ: కంటి లోపల, కుడివైపు లేదా ఎడమవైపు పుట్టుమచ్చ ఉన్నవారికి అదృష్టం కలిసి వస్తుంది. ముఖ్యంగా స్త్రీలకు ఈ పుట్టుమచ్చ ఉంటే అందమైన, సంపన్నవంతుడైన వరుడు లభించి, నిండు నూరేళ్ల పాటు సుఖ సంతోషాలతో జీవిస్తారని రాజన్ నంబూద్రి తెలిపారు.

మూలాధారం (కడుపు కింద భాగం)లో పుట్టుమచ్చ: పురుషులకు లేదా స్త్రీలకు మూలాధార చక్రం ఉన్న ప్రాంతంలో పుట్టుమచ్చ ఉంటే, వారు చెడు ప్రభావాల నుండి రక్షిణ ఉంటుంది. వారికి భగవంతుడి పట్ల గొప్ప భక్తి ఉంటుంది, ముఖ్యంగా వినాయకుడు, శివుడు, లలితా దేవి ఆరాధన పట్ల ప్రత్యేక ఆసక్తి చూపుతారు.

కుడి చెంపపై పుట్టుమచ్చ (స్త్రీలకు): స్త్రీలకు కుడి చెంపపై పుట్టుమచ్చ ఉంటే అది వారికి ఉన్నతమైన యోగాన్ని సూచిస్తుంది. వీరు జీవితంలో ఐశ్వర్య రాయ్ వంటి స్థాయికి చేరుకునే అవకాశం ఉందని గురువుగారు ఉదహరించారు. ఎడమ చెంపపై పుట్టుమచ్చ అంత అనుకూలమైనది కాదని ఆయన అభిప్రాయపడ్డారు.

మిశ్రమ ఫలితాలు ఇచ్చే పుట్టుమచ్చల స్థానాలు:

ముక్కుపై పుట్టుమచ్చ: ముక్కుపై పుట్టుమచ్చ ఉన్నవారికి అదృష్టంతో పాటు అరిష్టం కూడా కలిగే అవకాశం ఉంది. వీరు చాలా కోపిష్టులు అయి ఉంటారు, వారి కోపాన్ని శాంతపరచడం చాలా కష్టం.

నుదుటిపై పుట్టుమచ్చ: నుదుటిపై ఉండే పుట్టుమచ్చకు సంబంధించి మిశ్రమ అభిప్రాయాలు ఉన్నాయి. కొందరు దీనిని బ్రహ్మ తలరాతగా భావిస్తే, మరికొందరు అదృష్టానికి సూచికగా చూస్తారు. అయితే, ఈ స్థానంలో పుట్టుమచ్చ ఉన్నవారికి కోర్టు కేసులు, న్యాయపరమైన వివాదాలు ఎదురయ్యే అవకాశం ఉందని గురువుగారు హెచ్చరించారు.

పుట్టుమచ్చల ప్రతికూల ప్రభావాలకు పరిహారాలు:

ఒకవేళ పుట్టుమచ్చ అనుకూలమైన స్థానంలో లేకపోతే, దాని ప్రతికూల ప్రభావాన్ని తగ్గించడానికి కొన్ని పరిహారాలు ఉంటాయని రాజన్ నంబూద్రి సూచించారు. ఉంగరాలను ధరించడం, ముద్రలు వేయడం, మెడిటేషన్, సూర్య నమస్కారాలు, ముఖ్యంగా సూర్యాష్టమి నమస్కారాలు చేయడం వంటివి ఈ పరిహారాలలో భాగంగా ఉంటాయి. ముద్రల ద్వారా పుట్టుమచ్చల ప్రతికూల ఫలితాలను ఎలా తగ్గించుకోవచ్చో భవిష్యత్ కార్యక్రమంలో వివరిస్తానని ఆయన తెలిపారు. ఏదేమైనా, భగవంతునిపై ధ్యానం, భక్తి శ్రద్ధలు జీవితంలో మంచే చేస్తాయని ఆయన నొక్కి చెప్పారు.