Chanakya Niti: రోజూ ఈ 5 విషయాలను గుర్తు పెట్టుకుంటే.. సమస్యల నుంచి బయటపడతాడంటున్న చాణక్య..

Chanakya Niti: ఆచార్య చాణక్యుడు రచించిన నీతి శాస్త్రం( Niti-Shastra)లో మానవ జీవితంలోని ప్రతి అంశాన్ని ప్రస్తావించాడు. చాణుక్యుడు తన జీవితానుభవంతో చెప్పిన విషయాలను ప్రస్తుత సమాజంలో నేటి జనరేషన్ కు అనుసరణీయం. అలా చాణుక్యుడు చెప్పిన విషయాలను పాటిస్తే.. ఎంతటి కష్టమైనా తేలికగా నివారించుకోవచ్చు. ఈ రోజు జీవితంలో మనిషిని అన్ని సమస్యల నుండి  రక్షించగల ఐదు విషయాలు గురించి తెలుసుకుందాం..

*సింహం తన సహజ స్వభావమైన హింసను ఎప్పటికీ విడిచిపెట్టనట్లే.. దుర్మార్గుడు కూడా తన దుష్టత్వాన్ని ఎప్పటికీ వదులుకోలేడు. అందుకనే చెడు వ్యక్తి  చెప్పే తియ్యని మాటలకు లొంగి ఎప్పుడూ తప్పు చేయవద్దు.

* అబద్ధం చెప్పే వ్యక్తి ఏదో ఒకరోజు కష్టాల్లో కూరుకుపోతాడు. ఎందుకంటే ఒక అబద్ధాన్ని దాచడానికి.. అతను మళ్ళీ మళ్ళీ అబద్ధాలు చెప్పాల్సి వస్తుంది. అలాంటప్పుడు ఏదొక రోజు ఆ అబద్ధం బయటపడి సిగ్గుపడే సందర్భం వస్తుంది. అప్పుడు అతను విశ్వసనీయతను కూడా కోల్పోతాడు. కనుక ఎంత కష్టం వచ్చినా అబద్ధం చెప్పకండి.

*ఎవరైతే చెప్పేమాటలు.. చేసే పనులు ఒక దానికొకటి సంబంధం లేకుండా విరుద్ధంగా ఉంటాయో.. అలాంటి వ్యక్తులు  ఎప్పుడూ నమ్మదగినవారు కాదు. తన ఆలోచనలను కార్యరూపంలో పెట్టి.. ఇతరులకు విద్యను అందించే వ్యక్తి ఎల్లప్పుడూ నమ్మదగిన వ్యక్తిగా గుర్తుంచుకోండి.

*చదువు లేని చోట,  ఉపాధి మార్గం లేని ప్రదేశాలకు బుద్ధిమంతుడు ఎప్పుడూ వెళ్ళడు.

* నడుస్తున్న సమయంలో పాదాల కింద ఉన్న ప్రదేశాలు చూడాల్సి ఉంటుంది. అలా చూడకుండా నడిచే వారు  ప్రమాదాల బారిన పడే అవకాశం ఉంది. అటువంటి వ్యక్తులు తమకి తాముగా ఇబ్బందులను ఆహ్వానిస్తారు.

Also Read: చిన్నమ్మతో రాములమ్మ భేటీ.. తమిళనాడు రాజకీయ వర్గాల్లో హాట్ టాపిక్