రాజ్ నాథ్ కు పోటీగా శత్రుఘ్నసిన్హా భార్య

లక్నో: కేంద్రమంత్రి రాజ్ నాథ్ సింగ్ లక్నో లోక్ సభ నియోజకవర్గం నుంచి పోటీ చేస్తున్న విషయం తెలిసిందే. ఈ కీలకమైన స్థానం నుంచి నటుడు, రాజకీయ వేత్త శత్రుఘ్నసిన్హా భార్య పూనమ్ సిన్హా పోటీ చేయనున్నట్లు వార్తలు వస్తున్నాయి. పూనమ్ సిన్హా బీఎస్పీ సహకారంతో సమాజ్ వాదీ పార్టీ తరపున లక్నో స్థానం నుంచి పోటీలో దిగనున్నట్లు తెలుస్తోంది. అయితే లక్నో స్థానం నుంచి కాంగ్రెస్ పార్టీ అభ్యర్థిని నిలబెట్టకుండా..ఎస్పీ అభ్యర్థి పూనమ్ సిన్హాకు మద్దతివ్వాలని నిర్ణయించినట్లు సమాచారం. ఉత్తరప్రదేశ్ లో ఎస్పీ, బీఎస్పీ భాగస్వామ్య పద్దతిలో కూటమిగా ఏర్పడి పోటీ చేస్తున్న విషయం తెలిసిందే.