రాప్తాడు నిందితుడిపై పోలీసుల కాల్పులు

×

రాప్తాడు నిందితుడిపై పోలీసుల కాల్పులు

అనంతపురం జిల్లా ఆత్మకూరు అటవీ ప్రాంతంలో రాప్తాడు కేసు నిందితుడు హేమంత్‌పై పోలీసులు కాల్పులు జరిపారు. జిల్లా పరిషత్ ప్రభుత్వ పాఠశాలలో బాలికలపై దాడి చేసిన కేసులో నిందితుడు హేమంత్‌ను గుర్తించిన పోలీసులు పట్టుకునేందుకు వెళ్లారు. పోలీసులను చూసిన హేమంత్ వారిని అడ్డుకునే ప్రయత్నం చేశాడు. నిందితుడిని అదుపులోకి తీసుకునేందుకు ప్రయత్నించగా, హేమంత్ కత్తితో పోలీసులపైనే దాడికి పాల్పడ్డాడని సమాచారం. ఈ క్రమంలో ఆత్మరక్షణ కోసం పోలీసులు కాల్పులు జరిపినట్లు తెలుస్తోంది. మొత్తం ఆరు రౌండ్లు కాల్పులు జరపగా, హేమంత్ తీవ్రంగా గాయపడ్డాడు. కాల్పుల్లో గాయపడిన హేమంత్‌ను వెంటనే ఆసుపత్రికి తరలించేందుకు పోలీసులు చర్యలు చేపట్టారు. మరికాసేపట్లో అనంతపురం ప్రభుత్వ ఆసుపత్రికి తరలించి చికిత్స అందించనున్నారు. ఈ ఘటనపై కేసు నమోదు చేసి దర్యాప్తు చేస్తున్నారు.

Phani CH