రెమ్ డెసివిర్ సప్లయర్ ని పోలీసులు వేధిస్తున్నారు, మహారాష్ట్ర మాజీ సీఎం దేవేంద్ర ఫడ్నవిస్ ఆగ్రహం

రాష్ట్రంలో ఓ వైపు కోవిడ్ కేసులు పెరిగిపోతుండగా మరో వైపు ఈ రోగుల చికిత్సలో వాడే రెమ్ డెసివిర్   మెడిసిన్ ని పంపిణీ చేసే ఓ ఫార్మా కంపెనీ అధినేతను పోలీసులు వేధిస్తున్నారని మహారాష్ట్ర మాజీ సీఎం, బీజేపీ నేత దేవేంద్ర ఫడ్నవిస్ ఆరోపించారు.

  • Umakanth Rao
  • Publish Date - 2:33 pm, Sun, 18 April 21
రెమ్ డెసివిర్ సప్లయర్ ని పోలీసులు వేధిస్తున్నారు, మహారాష్ట్ర మాజీ సీఎం దేవేంద్ర ఫడ్నవిస్ ఆగ్రహం
Devendra Fadnavis

రాష్ట్రంలో ఓ వైపు కోవిడ్ కేసులు పెరిగిపోతుండగా మరో వైపు ఈ రోగుల చికిత్సలో వాడే రెమ్ డెసివిర్   మెడిసిన్ ని పంపిణీ చేసే ఓ ఫార్మా కంపెనీ అధినేతను పోలీసులు వేధిస్తున్నారని మహారాష్ట్ర మాజీ సీఎం, బీజేపీ నేత దేవేంద్ర ఫడ్నవిస్ ఆరోపించారు. ఈ సంస్థకు చెందిన డైరెక్టర్ ను ఇటీవల వారు పిలిపించి ఈ మందును  నిర్ణీత నిల్వకన్నా ఎక్కువగా స్టోర్ చేస్తున్నట్టు తమకు ఫిర్యాదులు  అందాయని, దీంతో తగిన డాక్యుమెంట్లను చూపాలని ఆదేశించారని ఆయన తెలిపారు. అయితే తమ సంస్థ వద్ద 60 వేల వైల్స్ ఉన్నాయంటూ ఆ డైరెక్టర్ తగిన డాక్యుమెంట్లను చూపడంతో పోలీసులు ఆయనను వదిలివేసినట్టు తెలిసిందన్నారు. ఇది వేధింపులు కాక మరేమిటన్నారు. కరోనా వైరస్ రోగుల చికిత్సలో వినియోగించే ఈ మందుకు దేశంలో కొరత ఏర్పడింది. ఈ మెడిసిన్ తాలూకు నిల్వలను అధికమొత్తంలో ఉంచుకుని కొన్ని సంస్థలు బ్లాక్  మార్కెటింగ్ కి పాల్పడుతున్నట్టు ఫిర్యాదులు అందుతున్నాయి. కాగా కోవిడ్ పాండమిక్ నేపథ్యంలో రాష్ట్రంలో శివసేన ప్రభుత్వం రాజకీయాలు చేస్తోందని దేవేంద్ర ఫడ్నవిస్ ఆరోపించారు.  ఈ  మందును యుధ్ధ ప్రాతిపదికన సప్లయ్ చేయాలని   నాలుగు  రోజుల క్రితం తాను బ్రక్ ఫార్మా కంపెనీని కోరానని, కానీ ప్రభుత్వం నుంచి అనుమతి వస్తే తప్ప తాము దీన్ని సప్లయ్ చేయలేమని ఆ సంస్థ చేతులెత్తేసిందని, దాంతో తను కేంద్ర మంత్రి  మాన్ సుఖ్ మాండవీయతో ఫోన్ లో మాట్లాడానని ఆయన చెప్పారు. ఆ తరువాతే ఈ మెడిసిన్ ను  విడుదల చేశారన్నారు.

ప్రతిపక్షాలు కోరితేనే మీరు రెమ్ డిసివిర్ మెడిసిన్ ను పంపిణీ చేస్తారా అని పోలీసులు, ప్రభుత్వం కూడా ఈ సంస్థ డైరెక్టర్ ను ప్రశ్నించినట్టు తనకు తెలిసిందని ఫడ్నవిస్ వెల్లడించారు. మంత్రి నవాబ్ మాలిక్,  మరికొందరికి కరోనా రోగుల పట్ల శ్రధ్ద లేదని, పాలిటిక్స్ పైనే వారికి ఆసక్తి అని ఆయన ఆరోపించారు.

 

మరిన్ని ఇక్కడ చదవండి: Indian Navy Recruitment 2021: ఇంట‌ర్ విద్యార్హ‌త‌తో ఇండియ‌న్ నేవీలో ఉద్యోగాలు.. ద‌ర‌ఖాస్తులు ఎప్పటి నుంచంటే..

Sanjay Gaikwad: ‘కరోనావైరస్‌ దొరికితే.. ఆయన నోట్లో వేస్తా’.. శివసేన ఎమ్మెల్యే వివాదాస్పద వ్యాఖ్యలు..