మళ్లీ కడప సెంట్రల్‌ జైలుకి జేసీ ప్రభాకర్ రెడ్డి, అస్మిత్ రెడ్డి

జేసీ ప్రభాకర్ రెడ్డి, జేసీ అస్మిత్ రెడ్డిలను మళ్లీ కడప సెంట్రల్ జైలుకు తరలించనున్నారు పోలీసులు. రెండు రోజుల విచారణ నిమిత్తం కడప జైలులో ఉన్న ఈ ఇద్దరిని శనివారం అనంతపురం పోలీసులు తమ అదుపులోకి తీసుకున్నారు. ఆ విచారణ పూర్తి కాగా.. ఇవాళ మళ్లీ ఆ ఇద్దరిని కడప సెంట్రల్ జైలుకు తీసుకెళ్లనున్నారు. ఈ సందర్భంగా పోలీసులు అన్ని ఏర్పాట్లను పూర్తి చేశారు. ఈ క్రమంలో వారికి ఓ ప్రైవేట్ ఆసుపత్రిలో కరోనా పరీక్షలు, బీపీ, షుగర్ పరీక్షలు నిర్వహించారు.

నడుపు నొప్పిగా ఉందని చెప్పడంతో వైద్యులు ఎక్స్‌రే తీస్తున్నారు. వైద్య పరీక్షల అనంతరం భారీ భద్రతల మధ్య ఈ ఇద్దరిని కడప జైలుకు పంపనున్నారు. కాగా జేసీ ట్రావెల్స్‌కి సంబంధించిన  ఫోర్జరీ కేసులో జేసీ ప్రభాకర్ రెడ్డి, ఆయన తనయుడు అస్మిత్ రెడ్డిలను అనంతపురం పోలీసులు అరెస్ట్ చేసిన విషయం తెలిసిందే. వారికి న్యాయమూర్తి 14 రోజుల రిమాండ్ విధించారు. ఈ క్రమంలో కొన్ని కారణాల వలన ఆ ఇద్దరిని పోలీసులు కడప సెంట్రల్ జైలుకు తరలించారు. కాగా ఈ కేసులో జేసీ అనుచరులైన మరో ముగ్గురిని పోలీసులు అదుపులోకి తీసుకున్న విషయం తెలిసిందే.

Read This Story Also: చిత్తూరు జిల్లాలో 600 నాటు తుపాకుల స్వాధీనం