Venezuela-Guyana: ఇండియా.. ప్లీజ్ హెల్ప్.. మీరే మాకు దిక్కు! యుద్ధం వస్తే మా తరపున నిలవండి
దక్షిణ అమెరికా ఖండంలో అదొక చిన్న దేశం. ఇప్పుడు ఓ పెద్ద సమస్యలో చిక్కుకుంది. అది ఎంత పెద్దది అంటే.. పొరుగుదేశంతో దాదాపు యుద్ధాన్ని ఎదుర్కోవాల్సినంత పెద్దది. కానీ ఒంటరిగా యుద్ధం చేసే పరిస్థితి లేదు. అందుకే పెద్ద రాజ్యాల సహాయం కోసం ఎదురుచూస్తోంది. ఆధునిక ప్రపంచంలో శక్తివంతమైన దేశాల్లో ఒకటిగా ఎదిగిన 'భారత్' వారికి ఒక ఆశాకిరణంగా కనిపిస్తోంది. పెద్దన్న పాత్ర పోషించి తమను ఆ పెద్ద సమస్య నుంచి గట్టెక్కించాలని కోరుతోంది. అమెరికా, చైనా వంటి అగ్రరాజ్యాల కంటే 'భారత్' సహాయాన్ని కోరడం వెనుక చారిత్రక కారణాలు కూడా ఉన్నాయి. ఆ దేశ జనాభాలో భారత మూలాలు కలిగిన ప్రజలున్నారు. ఆ దేశ అధ్యక్ష, ఉపాధ్యక్షులు ఇద్దరూ భారత మూలాలు కలిగినవారే. పైగా దశాబ్దాలుగా భారత్తో సహృద్భావ సంబంధాలు ఉన్నాయి. ఇప్పటికే ప్రపంచం ఉక్రెయిన్ - రష్యా, ఇజ్రాయిల్ - పాలస్తీనా యుద్ధాలను చూస్తుండగా.. కొత్తగా యుద్ధ వాతావరణం తలెత్తిన ఆ దేశం కథ ఏంటి?
Most Read Stories