Zodiac Signs: పౌర్ణమితో వారి జీవితాల్లో కొత్త వెలుగులు పక్కా.. ఏయే రాశివారిపై ఎలాంటి ప్రభావం చూపుతుందంటే..?
జూన్ నెల 4వ తేదీన పౌర్ణమి ఏర్పడుతోంది. జ్యోతిష శాస్త్రం ప్రకారం పౌర్ణమి నాడు పుట్టడమే ఒక అదృష్టం. రవి చంద్రులు ఎదురెదురు స్థానాలలో సంచరిస్తున్నప్పుడు పౌర్ణమి ఏర్పడుతుంది. పౌర్ణమి రోజున చంద్ర గ్రహం ఎంతో శక్తివంతంగా ఉంటుంది. పౌర్ణమికి ముందు రోజున, తర్వాత రోజున కూడా చంద్ర గ్రహం శక్తివంతంగానే పని చేస్తుంది.మనస్సుకు కారకుడైన చంద్రుడు బలంగా ఉన్న పక్షంలో ఆత్మవిశ్వాసం, ఆత్మ స్థయిర్యం, పట్టుదల, దృఢ సంకల్పం బాగా పెరిగే అవకాశం ఉంది.
జ్యోతిష శాస్త్రం ప్రకారం పౌర్ణమి నాడు పుట్టడమే ఒక అదృష్టం. రవి చంద్రులు ఎదురెదురు స్థానాలలో సంచరిస్తున్నప్పుడు పౌర్ణమి ఏర్పడుతుంది. పౌర్ణమి రోజున చంద్ర గ్రహం ఎంతో శక్తివంతంగా ఉంటుంది. పౌర్ణమికి ముందు రోజున, తర్వాత రోజున కూడా చంద్ర గ్రహం శక్తివంతంగానే పని చేస్తుంది.
మనస్సుకు కారకుడైన చంద్రుడు బలంగా ఉన్న పక్షంలో ఆత్మవిశ్వాసం, ఆత్మ స్థయిర్యం, పట్టుదల, దృఢ సంకల్పం బాగా పెరిగే అవకాశం ఉంది. ఆ మూడు రోజుల్లో తలపెట్టిన పనులు సాధారణంగా పూర్తవడం జరుగు తుంది. ఈ మూడు రోజులు చాలా మంచి రోజులుగా, యోగకారక దినాలుగా పరిగణించడం జరుగుతుంది. ఏ రాశి వారి కైనా ఈ రోజులు ఏదో ఒక విధంగా మంచి చేయడమే జరుగుతుంది. ఈ రోజుల్లో ఎంత పాజిటివ్గా ఆలోచిస్తే లేదా వ్యవహరిస్తే అంత సానుకూల వాతావరణం అనుభవానికి వస్తుంది. జూన్ నెల 4వ తేదీన పౌర్ణమి ఏర్పడుతోంది.
1 / 13
మేష రాశి: ఈ రాశి వారికి ధన సంబంధమైన వ్యవహారాలు చాలావరకు చక్కబడే అవకాశం ఉంది. ఆర్థిక ప్రయత్నాలు అనుకూలిస్తాయి. ఆర్థిక పరిస్థితి ఆశాజనకంగా మారుతుంది. మొండి బాకీలు వసూలవుతాయి. ఒకటి రెండు వ్యక్తిగత సమస్యలు పరిష్కారం అవుతాయి. కుటుంబ జీవితంలో లేదా దాంపత్య జీవితంలో తలెత్తిన ఇబ్బందులు వాటంతటవే పరిష్కారం అవుతాయి. మాటకు విలువ పెరుగుతుంది. మంచి నిర్ణయాలకు ఇది మంచి సమయం.
2 / 13
వృషభ రాశి: ఈ రాశి మీదే పౌర్ణమి ఏర్పడుతున్నందువల్ల ఈ రాశి వారి ప్రయత్నాలు కలిసి వస్తాయి. వీడి నిర్ణయాలు, సంకల్పాలు తప్పకుండా సత్ఫలి తాలను ఇస్తాయి. వ్యక్తిగత ప్రతిష్ట పెరుగుతుంది. అనారోగ్యాలు నుంచి ఉపశమనం లభిస్తుంది. పాజిటివ్ ధోరణి పెరుగుతుంది. ఇంట్లో శుభ కార్యాలు జరగడానికి కూడా అవకాశం ఉంది. కుటుంబ పరంగా శుభపరిణామాలు చోటు చేసుకుంటాయి. ఉత్సాహంగా, ఉల్లాసంగా కాలక్షేపం చేస్తారు.
3 / 13
మిథున రాశి: ఈ రాశి వారికి శత్రు, రోగ, రుణ సమస్యల నుంచి కొద్దిగా ఉపశమనం లభిస్తుంది. ఆస్తి వివాదాలు అనుకూలంగా పరిష్కారం కావడం, కోర్టు కేసులో విజయం సాధించడం, ఉద్యోగ సమస్యలు వెనక పట్టు పట్టడం, అనారోగ్యం నుంచి కోలుకోవటం వంటివి జరిగే అవకాశం ఉంది. కుటుంబంలో సామరస్య వాతావరణం ఏర్పడుతుంది. దాంపత్య జీవితం అనుకూలిస్తుంది. అవసరాలకు తగ్గట్టుగా డబ్బు అందుతుంది.
కొత్త ప్రయత్నాల వల్ల ఆశించిన ఫలితం ఉంటుంది.
4 / 13
కర్కాటక రాశి: ఈ రాశి వారికి ఉద్యోగపరంగా, ఆర్థికపరంగా పురోగతికి అవకాశాలు ఏర్పడతాయి. నిరుద్యోగు లకు ఆఫర్ వచ్చే అవకాశం ఉంది. ఉద్యోగంలో మెరుగుదల కనిపిస్తుంది. మంచి ఉద్యోగంలోకి మారటానికి కూడా అవకాశం ఉంది. వృత్తి వ్యాపారాలు ఆశాజనకంగా మారుతాయి. జీవితం మరింతగా అభివృద్ధి చెందటానికి, జీవన శైలి మారటానికి చేసే ప్రయత్నాలు సఫలం అవుతాయి. ఆత్మవిశ్వాసంపెరుగుతుంది. దూర ప్రాంతం నుంచి శుభవార్త వినడం జరుగుతుంది.
5 / 13
సింహ రాశి: ఉద్యోగపరంగా శుభవార్తలు వినటానికి, ఆదాయం పెరగటానికి, ఇతరత్రా పురోగతి చెందటానికి అవకాశం ఉంది. వృత్తి వ్యాపారాల్లో బాగా కలిసి వస్తుంది. సామాజికంగా గౌరవ మర్యాదలు పెరిగే సూచనలు ఉన్నాయి. కుటుంబంలో సుఖ సంతోషాలు వెల్లివిరుస్తాయి. మనసంతా సంతోషం నిండిపోతుంది. ఎంతగానో ఆనందించే పరిణామాలు చోటు చేసుకుంటాయి. కుటుంబ పరంగా శుభవార్తలు వినే అవకాశం ఉంది. శుభకార్యం కూడా జరగవచ్చు.
6 / 13
కన్యా రాశి: ఒకటి రెండు శుభవార్తలు వినడం జరుగుతుంది. సామాజిక సేవా కార్యక్రమాల్లో పాల్గొంటారు. ఇత రులకు ఉపయోగపడే పనులు చేస్తారు. కొందరు బంధువులను ఆర్థికంగా ఆదుకుంటారు. అనారోగ్యం నుంచి విముక్తి లభించే అవకాశం ఉంది. కోర్టు కేసులో విజయం సాధించడం జరుగుతుంది. జీవిత భాగస్వామి తరఫు నుంచి అదృష్టం కలిసి వస్తుంది. కొద్ది ప్రయత్నంతో అదనపు ఆదాయం సంపాదించడానికి అవకాశం ఉంది. రాదనుకున్న డబ్బు తప్పకుండా చేతికి అందుతుంది.
7 / 13
తులా రాశి: ఈ రాశి వారికి కొద్ది ప్రయత్నంతో ఆదాయం పెరిగే సూచనలు ఉన్నాయి. ఆర్థిక వ్యవహారాలు చాలా వరకు చక్కబడతాయి. ఆర్థిక లావాదేవీలు కలసి వస్తాయి. ఆకస్మిక ధన లాభానికి అవకాశం ఉంది. మంచి కుటుంబంలో పెళ్లి సంబంధం నిశ్చయం కావచ్చు. అనారోగ్యానికి సంబంధించి మంచి చికిత్స లభించడానికి అవకాశం ఉంది. జీవిత, వ్యాపార భాగస్వాములతో సంబంధాలు మెరుగు పడతాయి. అనుకున్న పనులు
అనుకున్నట్టు పూర్తవుతాయి. మంచి నిర్ణయాలు తీసుకుంటే త్వరలో ఫలిస్తాయి.
8 / 13
వృశ్చిక రాశి: ఈ రాశి మీదే పౌర్ణమి ఏర్పడుతున్నందువల్ల ఆత్మవిశ్వాసం బాగా పెరుగుతుంది. పట్టుదలతో ముఖ్యమైన పనులు పూర్తి చేసుకుంటారు. కుటుంబానికి సంబంధించి కొత్త నిర్ణయాలు తీసుకుని అమలు చేస్తారు. దాంపత్య జీవితంలో అన్యోన్యత పెరుగుతుంది. కుటుంబ సమస్య లను ప్రణాళికబద్ధంగా పరిష్కరించుకుంటారు. బంధువర్గంలో పెళ్లి సంబంధం కుదిరే అవకాశం ఉంది. బంధువులు లేదా సన్నిహిత మిత్రులతో ఏర్పడిన విభేదాలను పరిష్కరించుకోవడం జరుగుతుంది.
9 / 13
ధనుస్సు రాశి: ఈ రాశి వారికి లాభ స్థానంలో పౌర్ణమి ఏర్పడుతున్నందువల్ల ఆకస్మిక ధన లాభానికి, చిన్నపాటి అదృష్టానికి అవకాశం ఉంది. వృత్తి, ఉద్యోగాలపరంగా గుర్తింపు లభించడం, అధికార యోగం పట్టడం, ఇతరత్రా పురోగతి చెందడం వంటివి తప్పకుండా జరిగే సూచనలు ఉన్నాయి.
ముఖ్యంగా ఆర్థికపరంగా ఆశించిన స్థాయిలో అభివృద్ధి కనిపిస్తోంది. ఇతరులకు సహాయం చేయగల పరిస్థితికి చేరుకోవడం జరుగుతుంది. మంచి పరిచయాలు ఏర్పడతాయి.
10 / 13
మకర రాశి: ఈ రాశి వారికి ఉద్యోగపరంగా గుర్తింపు లభించడం, స్థిరత్వం ఏర్పడటం, అభివృద్ధి చెందడం వంటివి జరిగే అవకాశం ఉంది. ఉద్యోగం మారటానికి చేసే ప్రయత్నాలు సఫలం అవుతాయి. మానసికంగా ప్రశాంతత ఏర్పడుతుంది. దీర్ఘ కాలిక అనారోగ్యం నుంచి కోలుకోవడం ప్రారంభం అవుతుంది. నిరుద్యోగులకు ఆశించిన చోట ఉద్యోగం లభించవచ్చు. ఇష్టమైన ప్రాంతానికి బదిలీ అయ్యే అవకాశం కూడా ఉంది. ఒక ముఖ్యమైన శుభ పరిణామం చోటు చేసుకునే సూచనలు ఉన్నాయి.
11 / 13
కుంభ రాశి: ఈ రాశి వారికి భాగ్య స్థానంలో పౌర్ణమి ఏర్పడు తున్నందువల్ల అదృష్టం కలిసి వచ్చే అవకాశం ఉంది. ఏ ప్రయత్నం చేసినా, ఏ నిర్ణయం తీసుకున్న అది తప్పకుండా మంచి ఫలితాలను ఇస్తుంది. విదేశాలకు వెళ్లడానికి మార్గం సుగమం అవుతుంది. శుభకార్యాలు నిర్వహించడానికి సంబంధించిన ప్రయత్నాలు సఫలం అవుతాయి. ప్రయాణాలు అనుకూలి స్తాయి. ఇప్పుడు తీసుకున్న నిర్ణయాలు భవిష్యత్తులో ఆశించిన ఫలితాలను ఇవ్వడం జరుగుతుంది.
12 / 13
మీన రాశి: మంచి ప్రయత్నాలు చేపట్టడానికి, మంచి నిర్ణయాలు తీసుకోవడానికి ఇది అన్ని విధాలుగాను అనుకూలమైన సమయం. ఇటువంటి ప్రయత్నం చేసినప్పటికీ అది తప్పకుండా సత్ఫలితాలను ఇస్తుంది. కుటుంబపరంగా శుభవార్తలు వినడా నికి, శుభకార్యాలు జరగటానికి అవకాశం ఉంది. మొత్తం మీద కుటుంబంలో సుఖ సంతోషాలు వెల్లివిరుస్తాయి. దూర ప్రాంతం నుంచి శుభ వార్తలు వింటారు. సంతాన యోగానికి సంబంధించిన కూడా తీపి కబురు వినే సూచనలు ఉన్నాయి.
