చుక్కకూరతో చెప్పలేనన్ని లాభాలు..మీ ఆరోగ్యంలో కలిగే అద్భుతమైన మార్పులివే!
చుక్కకూర చూసేందుకు కాస్త బచ్చలి, పాలకూరకు దగ్గరగా ఉంటుంది. రుచిలో పుల్లగా ఉంటుంది కాబట్టి, పుల్ల బచ్చలి అని కూడా పిలుస్తారు. పుల్లని ఆకులే అయినప్పటికీ చుక్కకూర వేడి శరీర తత్వం ఉన్నవారికి మేలు చేస్తుంది. చుక్క కూరలో క్యాల‌రీలు, కొవ్వు ప‌దార్థాలు త‌క్కువ‌గా ఉంటాయి. గుండె సంబంధిత స‌మ‌స్య‌లతో బాధ‌ప‌డే వారు చుక్కకూరను తిన‌డం వల్ల మంచి ఫ‌లితం ఉంటుంది. క్రమం తప్పకుండా చుక్క కూరను ఆహారంలో చేర్చుకోవటం వల్ల ఊహించని లాభాలు ఉన్నాయని నిపుణులు చెబుతున్నారు. అవేంటో ఇక్కడ తెలుసుకుందాం..
తరచూ చుక్కకూరను తింటే జీర్ణ వ్యవస్థ పని మెరుగ్గా ఉంటుంది. గ్యాస్, ఎసిడిటీ, కడుపుబ్బరం, మలబద్ధకం వంటి సమస్యలను చుక్కకూర తగ్గిస్తుంది. చుక్కకూరలో ఉండే మంచి గుణాలు రోగ నిరోధక శక్తిని పెంచడంలో తోడ్పడుతాయి. దీంతో తరచూ వచ్చే వ్యాధుల బారిన పడకుండా జాగ్రత్త పడొచ్చు. వైరస్‌, ఇన్ఫెక్షన్ల నుంచి తప్పించుకోవచ్చు.
1 / 5
చుక్క కూరతో కంటిచూపు మెరుగుప‌డుతుంది. రేచీక‌టి స‌మ‌స్య‌తో బాధ‌ప‌డే వారు చుక్కకూరను తిన‌డం వల్ల క్ర‌మంగా స‌మ‌స్య త‌గ్గు ముఖం ప‌ట్టే అవ‌కాశాలు కూడా ఉంటాయ‌ని నిపుణులు చెబుతున్నారు. చుక్క కూరలో అధిక మోతాదులో ఉండే పీచు ప‌దార్థాలు తిన్న ఆహారం త్వ‌ర‌గా జీర్ణ‌మ‌య్యేలా చేయ‌డంతోపాటుగా, మ‌ల‌బ‌ద్ద‌కం స‌మ‌స్య ను తగ్గించటంలో సహాయపడుతుంది.
2 / 5
గుండె ఆరోగ్యాన్ని కాపాడడంలో చుక్కకూర బాగా ఉపయోగపడుతుంది. ఇందులోని గుణాలు రక్త నాళాల్లో పూడికలు లేకుండా చేయడంలో కీలక పాత్ర పోషిస్తాయి. రక్తపోటుతో బాధపడేవారు కచ్చితంగా చుక్కకూరను తీసుకోవాలని నిపుణులు సూచిస్తున్నారు. రెగ్యులర్‌గా తీసుకుంటే రక్తనాళాలు వ్యాకోచం చెంది, బీపీ అదుపులో ఉంటుంది.
3 / 5
క్యాన్సర్ మహమ్మారిని తరిమికొట్టడంలో కూడా ఉపయోగపడుతుంది. ముఖ్యంగా రొమ్ము క్యాన్సర్, సర్విక్‌ క్యాన్సర్ రాకుండా చేస్తుంది. మహిళలకు వచ్చే రొమ్ము క్యాన్సర్, సర్వైకల్ క్యాన్సర్ వంటివి రాకుండా చుక్కకూర నివారిస్తుంది. రక్తహీనతను తగ్గించడంలో చుక్కకూరలో ఉండే ఐరన్ బాగా సహాయపడుతుంది. ఇందులో పుష్కలంగా ఉండే ఐరెన్‌ కంటెంట్‌ రక్తహీనతకు చెక్‌ పెడుతుంది.
4 / 5
రక్తంతో కూడిన విరేచనాలు, జిగురు విరేచనాల వ్యాధుల్లో కూడా పని చేస్తుంది. మొలల వ్యాధి ఉన్నవారు ధైర్యంగా దీన్ని తినవచ్చు. ఇందులో మంచి యాంటీ ఆక్సిడెంట్లు ఉన్నాయి. శరీరంలో విష దోషాల్ని పోగొడుతుంది. వేడివలన పురుషుల జీవకణాలు ఎక్కువ సంఖ్యలో చనిపోయి, సంతానం కలగని వారికి ఇది మేలు చేస్తుంది. వాంతుల్ని అరికడ్తుంది. ఈ ఆకుని బాగా నమిలి బుగ్గన ఉంచితే పంటిపోటు తగ్గుతుంది.
